ក្រចេះ ៖ គោយន្ដកែរច្នៃមួយគ្រឿងដឹកកម្មករប្រមាណជា៣០នាក់ចូលទៅកាប់ អារឈើនៅក្រុមហ៊ុនខ្មែរអង្គរ បើកចុះភ្នំ ក្រឡាប់ជាច្រើបណ្តាលអោយកម្មករចំនួន៨នាក់បានស្លាប់ របួសធ្ងន់១២នាក់ និងមួយចំនួនទៀតរបួសស្រាលកាលពីវេលា ម៉ោង៨និង៤០ព្រឹកថ្ងៃទី៣១ ខែមីនា
នៅចំណុចភ្នំព្រិច ស្រិតក្នុងភូមិស្រែរនាម ឃុំឃ្សឹម ស្រុកស្នួល ខេត្ដ ក្រចេះ ។ប្រភពពីយុវជនម្នាក់ សៀង ហម អាយុ២៣ឆ្នាំ រស់នៅឃុំសោប ស្រុកព្រែកប្រសប់ ខេត្តក្រចេះបានអោយដឹងថា គោរយន្តកែឆ្នៃមួយគ្រឿងនេះ ដឹកកម្មករប្រមាណជា៣០នាក់ពីភូមិព្រែកសាម៉ាន់ ស្រុកឆ្លូង ដើម្បីចូលទៅស៊ីឈ្នួលកាប់និងអារឈើនៅក្នុងក្រុមហ៊ុនខ្មែរ ក្នុងទឹកដីខេត្តមណ្ឌលគីរី ។
ប្រភពបន្តរថា ខណះកំពង់បើកចុះភ្នំនោះគាត់ឬសូរសំលេងប្រាវនៅផ្នែកខាងក្រោម ស្រាប់តែគោរយន្តបង្កើនល្បឿនចុះចំនោទ ទៅបុកនិងម៉ូតូមួយគ្រឿងទៀតដែលជិះបណ្តើរគ្នាទៅព្រៃដែរ ឃើញសភាពបែបនោះយុវជនខាងលើរួមនិងគ្នាគាត់មួយចំនួនទៀតបានលោតចុះពីលើរថយន្ត រងរបួសស្រាល ចំណែកអ្នកនៅលើរថយន្តទាំងអស់សុទ្ឋតែត្រូវរបួសធ្ងន់ និងមួយចំនួនទៀតត្រូវរថយន្តសង្កាត់ស្លាប់បាត់បង់ជីវិតភ្លាមៗ ។
មន្ត្រីនគបាលស្រុកស្នួល បានអោយដឹងថា សមត្ថកិច្ចនៅមិនទាន់ស្គាល់អត្តសញ្ញាណជនរងគ្រោះអស់នៅឡើយទេ ដោយសមត្ថកិច្ចកំពង់ញ៉ាប់ដៃញ៉ាប់ជើង ក្នុងការជួយលើកសាកសពចេញ ។ សមត្ថកិច្ចបន្តរថា សាកសពជនរងគ្រោះដែលស្លាប់ភ្លាមៗនៅកន្លែងកើតហេតុចំនួន៦និង២នាក់ទៀតបានស្លាប់ខណះពេលបញ្ជូនទៅសង្គ្រោះនៅមន្ទីពេទ្យ ក្នុងនោះមានស្រីម្នាក់ រីឯអ្នករងរបួសចំនួន១២នាក់ ត្រូវបាន រថយន្តសង្គ្រោះមន្ទីពេទ្យបង្អែកខេត្តដឹកបញ្ជូនទៅកាន់មន្ទីពេទ្យ និងដឹកសាកសពបញ្ជូនទៅ ក្រុមគ្រួសារ ធ្វើបុណ្យ តាមប្រពៃណី ៕ម៉េងហ៊ាង ក្រចេះ
