បន្ទាយមានជ័យ ះ ប្រជាពលរដ្ឋភូមិព្រៃទទឹងក្នុងចំណោម២ភូមិទៀតនៃឃុំភ្នុំតូចស្រុកមង្គលបូរីខេត្តបន្ទាយមានជ័យទទួលបណ្ណ័កម្មសិទ្ធិស្របច្បាប់ចំនួន១០៦៥ក្បាលដីពីរដ្ឋាភិបាលតាមកម្មវិធីអនុវិស័យរដ្ឋបាលដីធ្លីថ្នាក់ខេត្ត។
ការប្រគល់ប័ណ្ណនេះធ្វើនារសៀលថ្ងៃទី២៤មេសា២០១៥ក្រោមអធិបតីភាព លោក គោ ស៊ុំសារឿត អភិបាលនៃគណះអភិបាលខេត្តបន្ទាយមានជ័យលោក សរ សុវណ្ណ រដ្ឋលេខាធិការក្រួងរៀបចំដែនដីព្រមទាំងប្រធានមន្ទីរស្ថាប័ណ្ណជុំវិញខេត្ត អាជ្ញាធរស្រុកឃុំប្រជាពលរដ្ឋ។
លោក លី សារី ប្រធានមន្ទីរសុរិយោដីខេត្តបណ្ណ័កម្មសិទ្ធិដែលត្រូវផ្តល់ជូនពលរដ្ឋមានចំនួន១០៦៥ក្បាល់ដីស្ថិតក្នុងភូមិព្រៃទទឹង។ក្នុងនោះមានពីរភូមិជាប់គ្នាទៀតគឺភូមិថ្នល់បត់និងភូមិវត្តថ្មីបន្តបិទផ្សាយជាសាធារណនូវឯកសារនៃការវិនិច្ឆ័យចាប់ពីថ្ងៃទី២៤នេះតទៅ។
លោកបន្តទៀតថាការផ្តល់បណ្ណ័នេះធ្វើឡើងបន្ទាប់ពីកាអនុវត្តគោលនយោបាយចាស់សកម្មភាពថ្មីរបស់រាជរដ្ឋាភិបាល និងទៅតាមកម្មវិធីវិស័យរដ្ឋបាលដីធ្លីថ្នាក់ខេត្ត។ហើយសម្រាប់ស្រុកមង្គលបូរីមកដល់ថ្ងៃនេះមន្ទីរសុរិយោដីបានផ្តល់ប័ណ្ណកម្មសិទិ្ធដីធ្លីតាមលក្ខណះជាប្រព័ន្ធបានចំនួន៥ភូមិ។
លោក គោ ស៊ុំសារឿត អភិបាលខេត្តបានប្រសាសន៍ថា រដ្ឋាភិបាលបានចែកដីនិងផ្តល់ប័ណ្ណកម្មសិទ្ធីលើដីជាបន្តបន្ទាប់ជូនប្រជាពលរដ្ឋហើយចំពោះបណ្ណ័កម្មសិទ្ធិនេះវាបានបញ្ជាក់ពីកម្មសិទ្ធិនៃការកាន់កាប់និងរស់នៅស្របច្បាប់របស់បងប្អូនប្រជាពលរដ្ឋនិងជាវត្ថុដ៏មានតម្លៃដែលអាចនិយាយបានថាជាអាយុជីវិត ជាមាសប្រាក់ដែលយើងអាចយកទៅប្រើប្រាស់ដើម្បីទាញយកប្រយោជន៍ផ្សេងទៀតក្រៅពីការសង់លំនៅដ្ឋាននិងការបង្កបង្កើនផល ការយកទៅដាក់បញ្ចាំធានាសម្រាប់ការខ្ចីពីធនាគារដើម្បីពង្រើកមុខរបរលើកស្ទួយជីវភាពគ្រួសារ អាចធ្វើអោយមានភាពងាយស្រួលក្នុងការផ្ទេរ លក់ ឬធ្វើអំណោយផ្សេងៗ។លោកបន្តថា ការចែកបណ្ណ័កម្មសិទ្ធិដីធ្លីអាចជួយកាត់បន្ថយភាពក្រីក្រដែលជាយុទ្ធសាស្ត្ររបស់រាជរដ្ឋាភិបាលនិងកាត់បន្ថយទំនាស់ដីធ្លី។
លោកបានសំណូមពរដល់ប្រជាពលរដ្ឋជាម្ចាស់ដីពេលដែលក្រុមការងារចុះវាដ់វែងត្រូវកំណត់ទីតាំងព្រំដីរបស់ខ្លួនអោយបានត្រឹមត្រូវជាសវាងការមានទំនាស់ព្រំដី៕
