ខេត្ដសៀមរាប៖ករណីឃាតកម្មមួយបានកើតទៅបុរសម្នាក់ត្រូវបានអ្នកឆ្លុះសត្វប្រទះឃើញដេកស្លាប់ ដោយមានស្នាមបែកក្បាលហូរឈាមតាមមាត់ដោយមិនទាន់ដឹងពីមូលហេតុពិតប្រាកដនោះទេ ខណៈជនរងគ្រោះរូបនោះចេញទៅដាក់អង្គប់សត្វកណ្ដុរនៅក្នុងព្រៃយកទៅ
ធ្វើម្ហូបនៅពេលយប់។ហេតុការណ៍ដែលគេប្រទះឃើញសាកសពបុរសម្នាក់នេះបានភ្ញាក់ទ្បើងនៅវេលាម៉ោង៩យប់ថ្ងៃទី០៦ខែឧសភា ឆ្នាំ២០១៥នេះ ស្ថិតនៅឆ្ងាយពីភូមិសូនសា ឃុំយាង ស្រុកពួក ខេត្ដសៀមរាបប្រហែល១គីឡូម៉ែត្រ។
បើតាមប្រភពព័ត៌មានពីភរិយាជនរងគ្រោះ នៅភូមិសូនសា ឃុំយាង ស្រុកពួក បានឲ្យដឹងថា កាលពីល្ងាចថ្ងៃទី៦ខែឧសភានេះប្តីរបស់ គាត់ ឈ្មោះ សេន ណាក់ អាយុ៤៣ឆ្នាំ បានទៅដាក់អង្គប់សត្វកណ្ដុរនៅក្នុងព្រៃដើម្បីយកធ្វើម្ហូបស្រាប់តែបាត់ប្ដីគាត់មិនឃើញត្រឡប់មកផ្ទះដូចសពមួយដងហើយនៅវេលាម៉ោង៩យប់ថ្ងៃខែដដែលស្រាប់តែអ្នកឆ្លុះសត្វប្រទះឃើញដេកស្លាប់នៅផ្លូវដែលមានចំម្ងាយ១គីឡូម៉ែត្រពីភូមិ។ប្រភពដ៏ដែលបានបន្ដទៀតថា នៅលើសាក់សពមានស្នាមប្រេះក្បាលគេសង្ស័យថាជនមិនស្គាល់មុខលួចបាញ់គ្រាប់កាំភ្លើងស្នប់ពីក្រោយទើបមានស្នាមជាប់និងក្បាលសាក់សព។ ទាក់ទងនិងករណីនេះដែរ លោក ធីមសារ៉ាត់ អធិការរងនគរបាលស្រុកពួក បានអោយដឹងថាខាងសមត្ថកិច្ចជំនាញកំពុងធ្វើកោសល្យវិច័យនិងស៊ើបអង្កេតលើករណីនេះយ៉ាងម៉ត់ចតដើម្បីវែកមុខរកឃាតករដ៏សាហាវនេះយកមកផ្តល់ទាទោសតាមច្បាប់។បច្ចុបន្បន្នសាកសពត្រូវបានប្រគល់ទៅអោយក្រុមគ្រួសារយកទៅធ្វើបុណ្យតាមប្រពៃណីនៅភូមិកើតហេតុខាងលើ៕
