កំពង់ធំៈប្រជាពលរដ្ឋរិះគន់ថាក្រុមក្មេងហិតកាវកំពុងតែបង្ករភាពអនាធិបតេយ្យនៅក្នុងក្រុងស្ទឹងសែនចំណែកអាជ្ញាធរ សមត្ថកិច្ចនគរបាលនិងមន្ទីរសង្គមកិច្ចអតីតយុទ្ធជននិងយុវតិសម្បទានឆ្លើយយកតែរួចខ្លួន នឹងពុំមានភាពទទួលខុសត្រូវ ខណៈពេលដែល ក្មេងហិតការវទាំងនេះ តែងតែបង្ហាញខ្លួនជាសារធារណៈ មុនផ្សារកំពង់ធំ។
មតិមហាជនបាននាំគ្នាធ្វើការិះគន់ដល់អាជ្ញាធរក្រុងស្ទឹងសែនថា!ខេត្តកំពង់ធំ ក៏ជាខេត្តមួយ ដែលជាសសៃរឈាមដ៏មានសារៈសំខាន់សម្រាប់ទាក់ទាញភ្ញៀវទេសចរណ៏ជាតិ និងអន្តរជាតិឲ្យចូលមកទស្សនានូវរម្មណីយ៏ដ្ឋានប្រវត្តិសាស្ត្រជាច្រើននៅក្នុងភូមិសាស្ត្រនៃទឹកដីខេត្តកំពង់ធំជាពិសេសគឺប្រសាទសំបូរព្រៃគុហ៏តែម្តង!នៅពេលដែលពួកគេបានធ្វើដំនើរមកដល់ទឹកដីរបស់ក្រុងស្ទឹងសែនមិនថាយប់ឬក៏ថ្ងៃនោះទេតែងតែឃើញក្រុមក្មេងៗហិតកាវជាច្រើននាក់បានធ្វើសកម្មភាពដើរសុំលុយយ៉ាងអនាធិបតេយ្យ!សុំលុយក៏សុំលួចក៏លួចជាក់ស្តែងកាលពីពេលកន្លងមកនៅក្នុងឆ្នាំ២០១៥នេះក្រុមក្មេងហិតកាវបានធ្វើសកម្មភាពឡើងលួចលុយ
នៅលើរថយន្តបានជាង១០០០$ខណៈពេលដែលម្ចាស់ឈប់រថយន្តចុះទិញឥវ៉ាន់ដោយមិនបានចាក់សោរទ្វាររថយន្ត ពេលនោះម្ចាស់បានប្តឹងនគរបាលដែរតែទំរាំតែរកឃើញមកវិញនៅលស់លុយតែពី៤ទៅ៥០០$ប៉ុណ្ណោះ!ហើយកាលពី២ខែមុននេះដែររថយន្តរបស់ឯកឧត្តមអភិបាលខេត្តកំពង់ធំក៏ត្រូវបានក្រុមក្មេងហិតកាវនេះឡើងលួចលុយអស់ចំនួន២០០០$និងលុយខ្មែរចំនួន១៥០ម៉ឺនរៀល(មួយលានកន្លះ)តែសំណាងល្អត្រូវកូនចៅរបស់ឯកឧត្តមនាំគ្នាព័ទ្ធចាប់បានយកលុយមកវិញបានទាំងអស់!សកម្មភាពទាំងអស់នេះហើយដែលធ្វើឲ្យប្រជាពលរដ្ឋនាំគ្នារិះគន់ដល់អាជ្ញាធរយ៉ាងចាស់ដៃថាគ្មានលទ្ធភាពក្នុងការទប់ស្កាត់ក្មេងហិតកាវយ៉ាងអនាធិបតេយ្យ ពពាក់ពពូននៅទីប្រជុំជនក្នុងក្រុងស្ទឹងសែន ជាពិសេសនៅផ្សារកំពង់ធំ ជាប់ផ្លូវជាតិលេខ៦តែម្តង!ដែលធ្វើឲ្យបាត់បង់សណ្តាប់ធ្នាប់និងអាប់ឳនកិត្តិយសដល់មុខមាត់ខេត្តកំពង់ធំ!ពាក់ព័ន្ធនិងករណីក្មេងហិតកាវ លោក ញ៉ែម ឈុនលី អធិការនគរបាលក្រុងស្ទឹងសែន និង លោក ហុក រិន ភិបាលក្រុងស្ទឹងសែនបានប្រាប់ថាចំពោះក្មេងហិតកាវនេះវាគ្មានច្បាប់ដាក់ទោសទេ!លោកបានចាប់បញ្ជូនទៅមណ្ឌុលកែប្រែជាច្រើនលើកច្រើនសារមកហើយ បានតែប៉ុន្មានថ្ងៃវារត់មកវិញអស់ ធ្វើឲ្យអាជ្ញាធរឈឺក្បាលដោយសារពួកវា!ចំណែកលោក អៀប ឈុនស្រៀង អនុប្រធានស្តីទីនៃមន្ទីរសង្គមកិច្ចអតីតយុទ្ធជននិងយុវតិសម្បទាន
ប្រាប់ថាចំពោះបញ្ហានេះ លោករាយការណ៏ទៅក្រសួង ពីព្រោះមន្ទីមិនមានកន្លែងសម្រាប់ទុកដាក់ពួកទាំងអស់នេះទេ។
ប្រជាពលរដ្ឋនិយាយរិះគន់ថា កោកតែអាជ្ញាធរក្រុងស្ទឹងសែន និងអាជ្ញាធរខេត្តកំពង់ធំមិនគួរណា បណ្តែតបណ្តោយឲ្យមានក្មេងហិតកាវទាំងហ្វូងដូចគោនៅកណ្តាលក្រុងយ៉ាងដូច្នេះឡើយ! បើមិនខ្នាស់អ្នកស្រុកគ្នាឯងក៏គួរតែខ្មាសភ្ញៀវទេសចរណ៏និងអ្នកធ្វើដំណើរឆ្លងកាត់ខេត្តកំពង់ធំខ្លះផងទៅ!នេះគឺជាមុខមាត់របស់ខេត្ត ឬមួយក៏ ខេត្តកំពង់ធំតាំងលម្អរទៅដោយក្មេងហិតកាវទាំងអស់នេះ?
ដោយ ប៊ុន រដ្ឋា
