ខេត្តបន្ទាយមានជ័យ៖បុរសអ្នកលក់ការ៉េមម្នាក់បានក្អួតឈាមស្លាប់ភ្លាមក្រោយពេលបញ្ជូនដល់មន្ទីរពេទ្យបង្អែកក្រុងសិរីសោភ័ណនៅវេលាម៉ោង៧យប់ថ្ងៃទី២មិថុនា២០១៥។លោកវរះសេនីយ៍ទោ សីវសុជាតិអធិការនគបាលក្រុងសិរីសោភ័ណបានប្រាប់ឲ្យដឹងថា បុរសដែលក្អួតឈាមស្លាប់នៅមន្ទីរពេទ្យនោះមានឈ្មោះ ង៉ន សាវ៉ន អាយុ៤៨ឆ្នាំ(មុខរបបលក់ការ៉េម)រស់នៅភូមិ៣សង្កាត់ព្រះពន្លាក្រុងសិរីសោភ័ណ ខេត្តបន្ទាយមានជ័។លោកសីុវសុជាតិបានបន្តទៀតថាបើតាមមន្ត្រីនគរបាលជំនាញបានប្រាប់ថាមុនពេលកើតហេតុប្រជាពលរដ្ឋបានឃើញគាត់ជិះរ៉ឺម៉កលក់ការ៉េមហើយមកឈប់នៅចិញ្ចើមផ្លូវមុខសណ្ឋាគារមួយស្ថិតនៅត្រង់ផ្លូវបំបែកទៅខេត្តសៀមរាបហើយក៏បានក្អួតឈាមតាមមាត់និងតាមច្រមុះតែម្តងភ្លាមៗនោះលោកឧត្តមសេនីយ៍ត្រីអាត់ខែមស្នងការនគរបាលខេត្តបន្ទាយមានជ័យបានឲ្យមន្ត្រីនគរបាលដឹកទៅសង្គ្រោះបន្ទាន់នៅមន្ទីរពេទ្យបង្អែកក្រុងសិរីសោភ័ណដើម្បីឲ្យគ្រូពេទ្យជួយសង្គ្រោះជីវិតដែរតែជនរងគ្រោះក្អួតចេញឈាមច្រើនពេករហូតដល់ស្លាប់តែម្តង។លោកសីុវសុជាតិបានបន្ត
ទៀតថាបើតាមមន្ត្រីនគរបាលជំនាញបានប្រាប់ថាពាក់ព័ន្ធនិងការស្លាប់របស់ជនរងគ្រោះនេះមិនដឹងថាដោយមូលអ្វីនៅឡើយព្រោះជនរងគ្រោះគ្មានស្នាកស្នាមគួរឲ្យកត់សម្គាល់ឡើយអំពីរឿងអំពើឃាតកម្មឡើយ។ ប៉ុន្តែតាមការសន្និដ្ឋានពីគ្រូពេទ្យគឺជនរងគ្រោះមានជំងឺដំបៅក្រពះដាច់រលាត់បណ្តាលក្អួតចេញឈាមស្លាប់ភ្លាមៗដូច្នេះ។បើតាមសំដីស្ត្រីឈ្មោះ សយ ស្រាយ អាយុ៤៧ឆ្នាំដែលត្រូវជាប្រពន្ធជនរងគ្រោះបានប្រាប់ថាប្តីរបស់គាត់មានមុខរបរលក់ការ៉េមហើយចេញពីផ្ទះជិះម៉ូតូកង់បីទៅលក់ការ៉េមតាំងពីម៉ោង៧ព្រឹកលុះដល់ម៉ោង៧យប់អ្នកជិតខាងប្រាប់ថា៖ប្តីក្អួតធ្លាក់ឈាមត្រូវបានបញ្ជូនទៅមន្ទីពេទ្យបានស្លាប់មិនទាន់ដឹងមុលហេតុនៅឡើយទេ។សពត្រូវបាននគបាលប្រគល់ទៅឲ្យក្រុមគ្រួសារយកទៅធ្វើបុណ្យតាមប្រពៃណីនៅរបស់សពផងដែរ៕
