ខេត្តសៀមរាប៖ បារាយទឹកថ្លា គឺជាអាងទឹកមួយដែលបាន កសាងឡើងនាសម័យអង្គរ ដែលមានទទឹង៣ និងបណ្តោយ ៦គីឡូម៉ែត្រ ស្ថិតក្នុងខេត្តសៀមរាប និងជារមណីយដ្ឋានទេសចរណ៍ប្រវត្តិសាស្ត្រ ជារៀងរាល់ឆ្នាំប្រជាពលរដ្ឋជិតឆ្ងាយ ពីតាមបណ្តាខេត្តក្រុង មកកំសាន្តខួបប្រាំងខួបវស្សា ដោយមិនលោះថ្ងៃ និងរដូវបុណ្យទាន មនុស្ស មកកំសាន្តកក់កុញរកកន្លែងសម្រាក់ស្ទើរគ្មាន ។
ទិដ្ឋភាពនៃការទេសចរណ៍ របស់បងប្អូនប្រជាពលរដ្ឋខ្មែរ និងភ្ញៀវអន្តរជាតិ គឺមានបំណងសម្រាក់ក្រោយហត់នឿយ ពីការងារ ដើម្បីងូតទឹកដ៏ត្រជាក់ នៅបារាយទឹកថ្លាទីនេះ តែកាលពីរសៀលថ្ងៃទី ៦ ខែ កក្តដា ឆ្នាំ ២០១៥ ទិដ្ឋភាពដែល ធ្លាប់តែអ៊ូអរ មានមនុស្សម្នា កកកុញ បានក្លាយស្ងាត់ជ្រងំ ស្ទើរតែពុំមានភ្ញៀវទេសចរណ៍ មកកំសាន្ត ដោយសារតែ ស្ថានភាពទឹកបារាយ បានរីខាស់ស្ទើរទាំងស្រុង ចាប់ពីបារាយណ៍ ទិសខាងកើត រហូតដល់បារាយណ៍ខាងលិច ទឹករីង គោក ចំនែកទឹកដែលនៅសល់ គឺពុំគួរឲ្យចង់មុជនោះទេ ដោយសារតែពុំមានខ្សាច់ មានតែភក់ និងទឹកខ្មៅល្អក់ ប្រការ ទាំងនេះបានធ្វើឲ្យភ្ញៀវទេសចរណ៍ បែរទិសទៅកំសាន្តនៅរមណីយដ្ឋានផ្សេងៗ ក្នុងខេត្តសៀមរាប ។
ក្រុមអជីករលក់ម្ហូបអាហារចាំទទួលភ្ញៀវទេសចណ៍ មានការព្រួយបារម្ភណ៍ ដោយសារតែភ្ញៀវទេសចរណ៍ បានការថយចុះ លក់ម្ហូបអាហារមិនដាច់ ពុំមានភ្ញៀវមកកំសាន្តច្រើន ធ្វើឲ្យខាត និងបាត់បងចំណូល ប្រចាំថ្ងៃ ហើយចាំបាច់ ឲ្យកូនទៅធ្វើការនៅក្នុងក្រុងសៀមរាប ដើម្បីជាមធ្យោបាយរកចំណូល ដែលជាឳកាស រងចាំមានទឹកកើនឡើងទើប មានភ្ញៀវមកកំសាន្ត ។
ប្អូនប្រុស ឈ្មោះ វង្ស សុងហាក់ ជានិសិត្យសកលវិទ្យាល័យ ស្ថិតនៅក្នុងក្រុងសៀមរាប បានឲ្យដឹងថា ប្អូនរស់នៅក្នុង ភូមិ វត្តរាជបូព៌ា សង្កាត់សាលាកំរើក ក្រុងសៀមរាប ខេត្តសៀមរាប តែងតែនាំមិត្តភ័ក្កមកកំសាន្ត បារាយទឹកថ្លានេះ នៅថ្ងៃឈប់សម្រាក់ ហើយប្អូនមានការសោកស្តាយខ្លាំងណាស់ ដែលទឹកបារាយ បែរជារីងខាស់ខុសប្លែកពីធម្មតា ។
ដោយ ប៊ុន រដ្ឋា
