កំពង់ធំ៖ ប្រភពពីកន្លែងកើតហេតុបាននេះឲ្យដឹងថា ទីតាំងក្រឡាប់ស្ថិតនៅទល់មុខ មណ្ឌលសុខភាពកំពង់ថ្ម ឃុំកំពង់ថ្ម ស្រុកសន្ទុក ខេត្តកំពង់ធំ ចំណែកបើកបររថយន្ដរងរបួសធ្ងន់ ហើយត្រូវបានគេបញ្ជូនទៅសង្គោះបន្ទាន់នៅមន្ទីរពេទ្យផងដែរ
តាមសេចក្ដីរាយការណ៍ បានឲ្យដឹងថានៅម៉ោង៣រំលងអាធ្រាត្រ ថ្ងៃទី៦ កញ្ញាឆ្នាំ២០១៥យប់ម៉ិញនេះ រថយន្តយីឌុបរបស់ក្រុមហ៊ុនហួតម៉េង រីតា បានក្រឡាប់ ក្អែចេញសុទ្ធតែឈើដែលទីផ្សារកំពុងត្រូវប៉ាន់។
ប្រភពមួយផ្សេងទៀតបានឲ្យដឹងថា បន្ទាប់ពីរកើតហេតុភ្លាមៗនោះ មេការ ក្រុមហ៊ុនហួត ម៉េង រីតា បានព្យាយាមរត់ការបិទបាំងមិនឲ្យអ្នកព័ត៌មានចេញ ផ្សាយនៅអំពើពុករលួយដែលក្រុមហ៊ុនមួយនេះដឹកជញ្ជូនឈើល្មើសច្បាប់និងដឹកលើសប៉េសេនៃច្បាប់កំណត់។
ប្រជាពលេដ្ឋបានទម្លាយឲ្យដឹងថា ក្រុមហ៊ុនហួត ម៉េងរីតា បានដឹកជញ្ជូនឈើចេញពីរចំណុចស្រុកអន្លង់វែង ខេត្តឧត្តរមានជ័យ។ ពួកគាត់បានរិះគន់ថា ក្រុមហ៊ុនមួយនេះ មិនបានធ្វើការដាំដុះនៅដំណាំឧហ្សាហកម្ម ដូចជាដំណាំ កៅស៊ូ តាមលក្ខខណ្ឌនៃកិច្ចសន្យាជាមួយរាជរដ្ឋាភិបាលនោះទេ និយាយឲ្យចំគឺបានត្រឹមតែការកាប់បំផ្លាញព្រៃឈើយ៉ាងរ៉ុងកៀល និងដឹកជញ្ជូនឈើលក់ តាដេប៉ូតែប៉ុណ្ណោះ ហើយកាលកន្លងទៅក្រុមហ៊ុនមួយនេះក៏ធ្លាប់បានដឹក ឈើគ្រញូងទៅលក់នៅព្រុំដែនយួនដោយរថយន្តយីឌុបធំៗផងដែរ។
រួមទាំងធ្លាប់បង្កធ្វើឲ្យមានគ្រោះថ្នាក់ ចរាចរណ៍ក្រឡាប់ជាច្រើនលើក បណ្ដាលឲ្យមានមនុស្សរងរបួស និងស្លាប់ទៀតផង។ អ្នកសារព័ត៏មានព្យាយាមសុំការបំភ្លឺពីរតំណាងក្រុមហ៊ុន ហួត ម៉េង រីតាតារយះលេខទូរសព្ទ័ ០១៧៧៦៧៧៨៩ តែមិនអាចទំទាក់ទំនងបានទេ។ រហូតមកដល់ទល់ពេលនេះ ប្រភពខាងលើបានទម្លាយថា អគ្គនាយកក្រុមហ៊ុន ហួត ម៉េង រីតា មានឋានះផ្កាយ២ នៅនាយកដ្ឋានអង្គរក្ស រងលោកឧត្តមសេនីយ៍ឯក យឹម លាង កូនលោកឧបនាយករដ្ឋមន្ត្រីយឹម ឆៃលី ដន្លង សម្ដេច តេជោ ហ៊ុនសែន តែបច្ចុប្បន្នត្រូវបានប្ដូរទៅ ជាអគ្គស្នងការរងនគរបាលជាតិ ពាក់ផ្កាយ៣ទៅហើយ៕ប៊ុនរិទ្ធី
