កំពង់ធំៈ ប្រជាពលរដ្ឋនៅក្នុងឃុំទំរីង បានសម្តែងនូវការព្រួយបារម្ភណ៍ ចំពោះបញ្ហាអានាម័យ និងការខ្វះចន្លោះរបស់ សមត្ថកិច្ចជំនាញក្នុងការកាប់ជ្រូកលក់ ដែលមានការកាប់ដោយប្រសេចប្រសាចដោយអាណាធិបតេយ្យ ដោយកន្លង អ្នកដែលទទួលសិទ្ធិក្នុងការទទួលខុសត្រូវកាប់ជ្រូកលក់ ក្នុងផ្សាទំរីងលើ និងផ្សា៧មករាមានតែ៧នាក់ក្នុងការទទួលខុសត្រូវចំពោះបញ្ហាអានាម័យ និងទទួលខុសត្រូវចំពោះសាច់មានគុណភាព ស្ថិតនៅក្នុងឃុំមានរិទ្ធ ស្រុកសណ្តាន់ខេត្តកំពង់ធំ ។
ទើបតែថ្មីៗនេះមានអជិវករចំនួន៣រូប ដែលពុំបានទទួលសិទ្ធិក្នុងកាប់ជ្រូកគោ ក្របី ពីម្ចាស់វិនិយោគដែលទទួលសិទ្ធិ ក្នុងការធានាខុសត្រូវ បែរជាជន៣រូបនេះ បានធ្វើសកម្មភាពកាប់ជ្រូក គោ ក្របី ដោយពុំទទួលបានការអនុញ្ញាតិឲ្យកាប់ជ្រូក បានកាប់យ៉ាងអាណាធិបតេយ្យ បង្ករឲ្យមានការព្រួយបារម្ភណ៍ ពីបញ្ហាសុខភាពរបស់ប្រជាពលរដ្ឋ ដែលជា អ្នកបរិភោគ ទើបក្រុមអជីករបានសំណូមពរឲ្យ ឯកឧត្តម អ៊ុត សំអន អភិបាលខេត្តកំពង់ធំ និងអាជ្ញាធរ និងការិយាល័យពេទ្យសត្វខេត្ត មេឃុំទំរីងជួយទប់ស្កាត់កុំឲ្យ មានការកាប់ជ្រូកដោយពុំបានទទួលបានការអនុញ្ញាតិពីអ្នកវិនិយោគ ហើយឲ្យរក្សាបុគ្គលទាំង៧នាក់ដែលបានទទួលការ អនុញ្ញាតិក្នុងការកាប់ជ្រូកដើម្បីរៀបចំសណ្តាប់ធ្នាប់ឲ្យមានរបៀបងាយស្រួលក្នុងការគ្រប់គ្រង់បញ្ហារីករាលដាលរបស់ជំងឺ ទើបសំណូមពរឲ្យលោក ធីវ វណ្ណធី ប្រធានមន្ទីរកសិកម្មខេត្ត និងការិយាល័យពេទ្យសត្វ រួមទាំងមេឃុំទំរីងជួយទប់ស្កាត់ និងសូមឲ្យរក្សាសមាជិកអ្នកកាប់ជ្រូកទាំង៧នាក់នេះដែលទទួលការអនុញ្ញាតិ ។
លោកជំទាវ ប្រាក់ គឹមហេង ដែលជាអ្នកវិនិយោគផ្សា៧មករា បានឲ្យដឹងថា លោកស្រីមិនទំទាស់នោះទេ ឲ្យតែបុគ្គលដែរ មានបំណងចង់ប្រកបមុខរបរកាប់ជ្រូកសត្វឃាតដ្ឋានក្បាលដំរី មកសុំឲ្យមានការអនុញ្ញាតិ និងធ្វើកិច្ចសន្យាពីអ្នកទទួលបានការវិនិយោគ ដើម្បីមានការឯកភាពគ្នានិងធានាបាននូវគុណភាពសាច់ ដែលមិនបង្ករឲ្យមានផលប៉ះពាល់សុខភាពរបស់ប្រជាពលរដ្ឋ ដើម្បីឲ្យមានការគ្រប់គ្រង់ច្បាស់លាស់ លោកស្រីបានបញ្ជាក់ថា នៅក្នុងទឹកដីឃុំទំរីងមានប្រជាពលរដ្ឋ៦០០០នាក់និងគឺជាឃុំមួយនៅជនបទដាច់ស្រយ៉ាលមិនដូច ទីប្រជុំជននោះទេ ហើយប្រជាពលរដ្ឋបរិភោគសាច់ជ្រូក ៩ខែ ចំណែក៣ខែគឺបរិភោគត្រី ដូច្នេះបើសិនជាមានតែអ្នកកាប់ជ្រូក ពុំមានអ្នកទិញ ទើបសំណូមពរឲ្យមន្ទីរកសិកម្ម និងការិយាល័យពេទ្យសត្វ គួរពិចារណានិងផ្អាកការស្នើរសុំរបស់បុគ្គលមួយចំនួនដែលបានស្នើរសុំ។
លោកអុំម្នាក់ ដែលជាអជីវករផ្សារទំរីង សុំមិនឲ្យបញ្ជេញ ឈ្មោះ បានឲ្យដឹងថាបញ្ហារការកាប់ ជ្រូក គោ ក្របី លក់នៅផ្សារនេះគឺលក់មិនសូវដាច់ ដោយសារតែមានអ្នកកាប់ជ្រូកជាច្រើននាក់ ហើយមិនសូវមានអ្នកទិញ ចំណែកអ្នកកាប់ ជ្រូកពុំមានការអនុញ្ញាតិត្រឹមត្រូវ មិនដឹងថាយកជ្រូកចេញពីប្រភពណា សំណូមពរឲ្យលោក ជំទាវ ប្រាក់ គឹមហេង ដែលជាម្ចាស់សត្វឃាត ពង្រឹងនិងត្រួតពិនិត្យអ្នកមានសិទ្ធិ ក្នុងការកាប់ជ្រូកឲ្យបានម៉ត់ចត់ ចៀសវាងផលប៉ះពាល់ដល់ប្រជាពលរដ្ឋ។ ដោយ ប៊ុន រដ្ឋា
