បន្ទាយមានជ័យ:ស្របពេលទឹកសម្រក សត្វស្លាបព្រៃច្រើនប្រភេទ បានចុះរកស៊ីតាមទីវាលបឹងធម្មជាតិមន្ត្រីរដ្ឋបាលព្រៃឈើចុះបង្ក្រាបទីតាំងជួញសត្វស្លាបបានប្រមាណ២០០ក្បាលនៅព្រឹកថ្ងៃទី០៩ ធ្នូ២០១៥ ស្ថិតភូមិព្រៃទទឹង ឃុំភ្នំតូច ស្រុកមង្គលបូរី ខេត្តបន្ទាយមានជ័យ។
មន្ត្រីរដ្ឋបាលព្រៃឈើបន្ទាយមានជ័យបានប្រាប់ថា៖ ក្រោយពេលដែលធ្វើការស្រាវជ្រាវទទួលមុខសញ្ញាអ្នកជួញដូរសត្វស្លាប ហើយបានចុះបង្ក្រាបរឹបអូសបានសត្វស្លាបចម្រុះប្រមាណជាង២០០ក្បាល ភាគច្រើនសត្វស្លាបត្របកត្រពាំង ក្នុងទីតាំងនៅព្រៃឫស្សីក្រោយផ្ទះប្រមាណជា១០០ ម៉ែត្រ មានរោមសត្វ២គំនរ និងឆ្នាំងដាំទឹកក្តៅបោចសត្វនិងកៅអ៊ីជ័រអង្គុយបោចរោមសត្វជាង១០។
លោក ជា ផល្លី នាយខ័ណ្ឌរដ្ឋបាលព្រៃឈើបន្ទាយមានជ័យបានប្រាប់ថា៖ ការចុះបង្ក្រាបទោះជាចាប់មិនបានអ្នកជួញដូរ តែមន្ត្រីជំនាញបានណែនាំអប់រំដល់អ្នកជិតខាងអោយបញ្ឈប់ការជួញដូរសត្វស្លាបជាអំពើរល្មើសនិងច្បាប់នេះ។
លោក ជា ផល្លី នាយខ័ណ្ឌរដ្ឋបាលព្រៃឈើបន្ទាយមានជ័យប្រាប់ថា: មន្ត្រីបែងចែកជាក្រុមចុះធ្វើការទាំងយប់ទាំងថ្ងៃទប់ស្កាត់និងអប់រំពលរដ្ឋថែរក្សានូវពូជសត្វដែលនៅសេស សល់ ព្រោះវាជាសម្បាត្តិដ៍កម្ររ ទាំងនៅតំបន់អភិរក្ស និងតាមទីវាលបឹងធម្មជាតិ ។
លោក ជា ផល្លី សំណូមពរពលរដ្ឋបញ្ឈប់ការចាប់សត្វព្រៃ គ្រប់ប្រភេទហើយ សូមរាយការដល់មន្ត្រីជំនាញនៅពេលមានករណីចាប់សត្វស្លាបព្រៃក្នុងមូលដ្ឋានរបស់ខ្លួន៕
ដោយ:ឃិន គន្ធា
