បន្ទាយមានជ័យ :លោក លី សារី អភិបាលរងខេត្តបន្ទាយមានជ័យ បានអំណោយរបស់កាកបាទក្រហមកម្ពុជា ចែកជូនគ្រួសារ ផ្ទុកមេរោគអេដស៍ ចំនួន៥៦ គ្រួសារនៅក្រុង សិរីសោភ័ណ ខេត្តបន្ទាយមានជ័យ កាលពីរសៀល ថ្ងៃទី០៨ ធ្នូ ២០១៥ នៅស្នាការកាកបាទក្រហមខេត្ត ។
អំណោដែលត្រូវបានចែកជូនក្រុមគ្រួសារផ្ទុក មេរោគអេដស៍ រូមមាន អង្ករ២៥គីឡូក្រាម ត្រីខ៥ កំប៉ុង ទឹកត្រី៣ដប ទឹកស៊ីអ៊ីវ៣ដប ទឹកដោះគោ ខាប់៣កំប៉ុង ស្កសរ១គីឡូក្រាម ប្រេងឆា១លីត្រ សាប៊ូម្រៅ១គីឡូក្រាម ទឹកសុទ្ធ២យួ ថវិការ២ ម៉ឺន រៀល ។
លោក លី សារី អភិបាលរងខេត្តបន្ទាយមាជ័យ បានមានប្រសាសន៍ថាបងប្អូន ទាំងអស់ ត្រូវគិតថា ជម្ងឺអេដស៍មិនមែន ជារបស់នណាម្នាក់ឡើយ តែវាជាបញ្ហារបស់ ពួកយើង ទាំងអស់គ្នា ពោលគឺយើងទាំងអស់ត្រូវរួមគ្នាទប់ស្កាត់ និងលុបបំបាត់ការឆ្លងមេរោគអេស៍ ។ ដូចនេះសូមកុំអៀនខ្មាស់ចំពោះការនិយាយអំពីជម្ងឺអេដស៍ តែប្រសិនបើបងប្អូនសង្ស័យថាខ្លួន អាចមានផ្ទុកនេះសូមប្រញាប់ទៅមណ្ឌលសុខភាពដើម្បីទទួលការពិនិត្យ និងផ្តល់ថ្នាំដោយឥតគិតកម្រៃឡើយ ។
បន្ទាប់ពីការនាំអំណោយចែកជូនក្រុមគ្រួសារផ្ទុកមេរោគអេដស៍ខាងលើ លោក លី សារី ក៏បាននាំអំណោយ កាកបាទក្រហមកម្ពុជាចែកជូនក្រុមគ្រួសារដែលស្វាម៉ីដេកស្លាប់ រួមមាន ថវិការ១០ម៉ឺនរៀល អង្ករ២៥ គីឡូ ក្រាម ទឹកសុទ្ធ១យួ ភេសជ្ជះ១កេះ និងថវិការផ្ទាល់ ខ្លួនរបស់លោកចំនួន១០០ដុល្លា ដើម្បីជាការចូលរួម រំលែកទុកដល់ក្រុមគ្រួសារសព និងបានផ្តល់ ថវិការ ផ្ទាល់ខ្លួនមួយចំនួន ដល់ក្រុមគ្រួសារជួបការ លំបាក មានមុខបរជាអ្នករើសអេដស៍ចាយផងដែរ ៕ : ដោយ ឃិន គន្ធា
