ខេត្តកំពង់ឆ្នាំង៖ ជនសង្ស័យប្រុសស្រីចំនួន៤នាក់ និងវត្ថុតាងថ្នាំញៀនប្រភេទម៉ាទឹកកក៦កញ្ចប់ធំនិងតូច ត្រូវបានកម្លាំងសមត្ថកិច្ចនគរបាល ក្រុងកំពង់ឆ្នាំង ស្រុកសាមគ្គីមានជ័យ សហការជាមួយនគរបាលប្រ ឆាំងគ្រឿងញៀនខេត្ត ប្រតិបត្តិការចាប់ឃាត់ខ្លួនបានជាបន្តបន្ទាប់នៅកន្លែង២ផ្សេងគ្នាក្នុងថ្ងៃតែមួយ ។ កិច្ចប្រតិបត្តិការបង្ក្រាបនេះបានធ្វើឡើងនៅ រសៀលថ្ងៃទី ១២ ខែធ្នូ ឆ្នាំ២០១៥ ដោយករណីទី១បង្ក្រាបនៅក្នុងក្រុងកំពង់ឆ្នាំង និងលើកទី២បង្ក្រាបនៅក្នុងស្រុកសាមគ្គីមានជ័យ ។
សមត្ថកិច្ចនគរបាលការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តបានអោយដឹងថា៖ កិច្ចប្រតិបត្តិការបង្ក្រាបថ្នាំញៀនលើកទី១ ធ្វើឡើងនៅក្នុងភូមិត្រពាំងបី សង្កាត់កំពង់ឆ្នាំង ក្រុងកំពង់ឆ្នាំង ដោយឃាត់ខ្លួនជនសង្ស័យចំនួន៣នាក់ គឺ៖ ១.ឈ្មោះ ង្វៀង យ៉ាំងអ៊ុក ហៅអ៊ូក អាយុ២៩ឆ្នាំ ជនជាតិវៀតណាម មានមុខរបរមិនប្រាកដ ស្នាក់នៅភូមិត្រពាំងបី ២.ឈ្មោះ ការិន សូរិយារង្សី ហៅចង្រិត ភេទស្រី អាយុ២១ឆ្នាំ មានទីលំនៅ ភូមិកណ្តាល សង្កាត់កំពង់ឆ្នាំង និង៣.ឈ្មោះ តេង ណារុន អាយុ២៦ឆ្នាំ មានទីលំនៅភូមិត្រពាំងបី ។
ដោយឡែកករណីបង្ក្រាបលើកទី២ ធ្វើបានឡើងនៅលើផ្លូវលំក្នុង ភូមិស្ពានដែក ឃុំធ្លកវៀន ស្រុក
សាមគ្គីមានជ័យ ដោយឃាត់ខ្លួនជនសង្ស័យបានម្នាក់ ឈ្មោះ ធឿង ធា អាយុ១៩ឆ្នាំ មានទីលំនៅភូមិឃុំខាងលើ ខណៈពេលកំពុងចែកចាយថ្នាំញៀន ។សមត្ថកិច្ចបានអោយដឹងថា៖ វត្ថុតាងដែលបានមរឹបអូសបានក្នុងការបង្ក្រាបគ្រឿងញៀនទាំង២ករណីខាងលើនេះរួមមាន៖ ថ្នាំញៀនប្រភេទម៉ាទឹកក៤កញ្ចប់ធំ និង២កញ្ចប់តូច ទូរសព្ទ័ដៃ១គ្រឿង និងសំភារៈសម្រាប់ប្រើប្រាស់ថ្នាំញៀនមួយចំនួន ។វត្ថុតាងនិងជនសង្ស័យទាំង៤នាក់ត្រូវបានសមត្ថកិច្ចជំនាញ កសាងសំណុំរឿងតាមនិតិធី បញ្ជូនទៅតុលាការខេត្តកំពង់ឆ្នាំងចាត់ការបន្តតាមផ្លូវច្បាប់៕
