ភ្នំពេញ៖ ទោះបីជាសព្វថ្ងៃវិស័យ កិច្ចការនារី មានការរីកចំរើនក្តី ប៉ុន្តែស្ត្រី ជាមេគ្រួសារក្មេង ស្រី និងការងារ នៅក្នុងប្រទេសកម្ពុជា នៅតែជួបបញ្ហាប្រឈមនៅឡើយ ដូចជាការ មាក់ ងាយពីបុរស ពីអ្នកមានអំណាច ពិសេសការ រំលោភបំពានផ្លូវភេទ ,អំពើហឹង្សាលើស្ត្រីការជួញដូរផ្លូវភេទ, ការបោកបញ្ឆោត ការរើស អើង, ភាពក្រីក្រ និងសុខភាពទន់ ខ្សោយជា ដើម ។ នេះបើតាមការបញ្ជាក់ឲ្យ ដឹងពីលោក ជំទាវ ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនង ជាមួយរដ្ឋសភា ព្រឹទ្ធសភា និងអធិការកិច្ច នៅវេលាម៉ោង៨និង៣០នាទីព្រឹកថ្ងៃទី ២៩ មីនាឆ្នាំ ២០១៦ ខណៈ ពេលចូលរួម ជាអធិបតីក្នុងពិធីបិទសន្និបាតបូកសរុបលទ្ធផលការងារឆ្នាំ២០១៥និងលើកផែនការសកម្មភាពការងារឆ្នាំ២០១៦ របស់ក្រសួងកិច្ចការនារីនៅសណ្ឋាគារភ្នំពេញ ។
លោកជំទាវម៉ែន សំអន បានបញ្ជាក់ថា បច្ចុប្បន្ន ការងារស្ដ្រី ក្នុង វិស័យជាច្រើនគឺមានតួរនាទីសំខាន់ណាស់ នារី បានបំពេញ និងបញ្ជ្រាប់ ទៅដល់ស្ដ្រីនៅមូលដ្ឋាន ដោយភ្ជាប់ នូវខ្លឹមសារ គ្រោះថ្នាក់ អំពីការរំលោភបំពានផ្លូវភេទ ,អំពើហឹង្សាលើស្ត្រី ការជួញដូរផ្លូវភេទ, ការបោកបញ្ឆោត, ការរើសអើង, ភាពក្រីក្រ និងសុខភាពទាំងអស់នេះ គឺដោយសារមូលហេតុមួយចំនួនដូចជា កង្វះការយល់ដឹងពីតម្លៃរបស់ស្ត្រី ការរើសអើងរបស់មនុស្សខ្លះក្នុងសង្គម ការភ្លើតភ្លើន ទៅតាមសម្ភារៈនិយម ការ វិវឌ្ឍ ផ្នែកសេដ្ឋកិច្ច និងសង្គមនៅលើពិភព លោក និងនៅកម្ពុជា
ការកើនឡើងនៃទេសន្តប្រវេសន៍ឆ្លងដែន ការកើនឡើងនៃសេវាកម្មទេសចរណ៍ ជាពិសេស ក្នុងវិស័យឧស្សាហកម្មកំសាន្ត ការប្រើខុសទិសដៅ នៃបច្ចេកវិទ្យាទំនើប ដូចជាទូរស័ព្ទ អីុនធើណេត និងបណ្តាញសង្គមទំនើប ដូចជាហ្វេសបុគជាដើម ដែលអាច ឲ្យប៉ះពាល់ទៅលើសេចក្តីថ្លៃថ្នូរ កិត្តិយសនិងតម្លៃរបស់ស្ត្រីខ្មែរ ក្នុងគ្រួសារ ក្នុងសង្គម និងប្រទេសជាតិ ដែលតម្រូវឲ្យ យើងរួមគ្នាប្រឹង ប្រែងចាត់វិធានការរកដំណោះស្រាយ ឲ្យបានទាន់ពេលវេលា តាមគ្រប់រូបភាព។
លោកជំទាវបានបន្ដថា បញ្ហាទាំងអស់នេះ រាជរដ្ឋាភិបាលកម្ពុជា កំពុងដាក់ ចេញនូវវិធានការ ជាក់លាក់ មួយចំនួន ដើម្បីលើក កម្ពស់ សមភាពយេនឌ័រ ដូចជា ការតែងតាំងស្ដ្រីជា អភិបាលរង រាជធានី ,ខេត្ដ ,ក្រុង, ស្រុក,ខណ្ឌ ការតែងតាំង ឲ្យមានស្ដ្រីជាថ្នាក់ ដឹកនាំ ក្នុងកងកម្លាំងប្រដាប់អាវុធ គ្រប់ កម្រិត ការតែងតាំង និងបង្កើនឲ្យមានស្ដ្រីថ្នាក់ឌ្វើសេចក្ដីសម្រេច នៅតាមក្រសួង ស្ថាប័ន និង អង្គភាព នានា និងសេចក្ដីណែនាំ ក្នុងការលើក កម្ពស់ សមភាព យេនឌ័រ និងបង្កើនភាពអង្គអាចដល់ស្ដ្រី គ្រប់ក្រសួងស្ថាប័ន ត្រូវបង្កលក្ខណៈ ជ្រើសរើសប្រលងមន្ដ្រីរាជការឲ្យចូលបម្រើការងារ ត្រូវមានស្ដ្រី ឲ្យបាន២០ ទៅ៥០ ភាគរយ មិនតែប៉ុណ្ណោះរាជរដ្ឋាភិបាល បាន ពន្យា អាយុមន្ដ្រី ដែលជាស្ដ្រីឲ្យចូលនិវត្ដន៍ ដល់អាយុ៦០ ឆ្នាំ។
លោកស្រី អុឹង កន្ថាផាវី រដ្ឋមន្ត្រីក្រសួងកិច្ចការនារីបានបញ្ជាក់ផងដែរថា៖ បច្ចុប្បន្នស្ដ្រី នៅមានតែមានបញ្ហាប្រឈម និងជួបនូវឧបសគ្គមួយចំនួន ដូចជា ឥរិយាបថ សង្គម នៅរើស អើងលើស្ដ្រី ការទទួលបានការសិក្សា អប់រំខ្ពស់នៅមានកំរិត បន្ទុកធ្ងន់ធ្ងរ លើការទទួលខុសត្រូវ ក្នុងគ្រួសារ កង្វះខាត ក្នុងការដាក់បេក្ខភាពស្ដ្រី នៅលំដាប់លេខរៀង ខ្ពស់ ឬក្នុងការតម្លើងតួនាទី រួមទាំងទស្សនៈអវិជ្ជមានរបស់ស្ដ្រីខ្លួនឯង ដែលធ្វើឲ្យស្ដ្រី មិនហ៊ានឈរឈ្មោះបោះឆ្នោត ឬទទួលតួនាទីតាមការតែងតាំង ។
លោកស្រីរដ្ឋមន្ត្រីបន្ដថា នៅក្នុងជំនួបសំដែងការគួរសម នាពេលនេះ គឺមានគោលបំណង ធ្វើការពិនិត្យលើវឌ្ឍនភាព ក្នុងការអនុវត្ដតួនាទី និងភារកិច្ច របស់ស្ដ្រីជាថ្នាក់ដឹកនាំ ការកំណត់បញ្ហា ប្រឈម និងតម្រូវការថ្មីៗ បន្ថែមទៀតព្រមទាំងលើកអនុសាសន៍សម្រាប់ពង្រឹងការអនុវត្ដយុទ្ធសាស្ដ្រ និងវិធានការ ដើម្បីគាំទ្រដល់
