ខេត្តកណ្តាល ៖ ក្រោយពីប្រមុខរាជរដ្ឋាភិបាលកាត់រំសាយឡូត៍នៅទូទាំងប្រទេសរួចមក គេសង្កេតឃើញអតីតដែនឡូត៍នេសាទនៅក្នុងស្រុកស្អាង និងស្រុកកោះធំបានក្លាយទៅជាកម្មសិទ្ធិឯកជន ដែលក្រុមឈ្មួញបានឃុបឃិតគ្នាជាមួយជំនាញពាក់ព័ន្ធធ្វើការនេសាទល្មើសច្បាប់ ដើម្បីយកត្រីលក់ឲ្យឈ្មួញក្រោមលេះសហគមន៍អភិរក្ស ដោយមិនអនុញ្ញាតិឲ្យប្រជានេសាទជាលក្ខណៈគ្រួសារមិនអាចប្រកបរបរនេសាទចិញ្ចឹមឆ្នាំងបានទេ ។នៅលើផ្ទៃបឹងខាងក្រៅតំបន់អភិរក្ស សុទ្ធតែទូកជនជាតិវៀតណាមមក នេសាទដោយបង់កម្រៃក្បាលទូកឲ្យអាជ្ញាធរ និងជំនាញពាក់ព័ន្ធជាការស្រេចជាហេតុធ្វើអោយធនធានមច្ឆជាតិវិនាសហិនហោច ។
ជាក់ស្តែងអតីតឡូត៍នេសាទលេខ៥ក្នុងស្រុកស្អាងជាប់ព្រំប្រទល់ស្រុកកោះធំមានសម្ថកិច្ចមួយក្រុមបើកតាខេចាំយកលុយពីទូកនេសាទក្នុមួយទូក១០មុឺនរៀល ,ឡូត៍នេសាទលេខ៩ ,១០ ,១១ ក្នុងស្រុកកោះធំ ជាប់ព្រំប្រទល់ប្រទេសវៀតណាម ។
ក្នុងអតីតដែនឡូត៍ខាងលើនេះមានសុទ្ធតែបទល្មើសខ្នាតធំៗព្រោងព្រាតពេញផ្ទៃបឹងបួរ ចាប់ពីស្រុកស្អាងរហូតដល់ ឃុំព្រែកជ្រៃ និងឃុំប៉ាក់ណាម ក្នុងស្រុកកោះធំ គឺលាតសន្ធឹងរាប់ពាន់ម៉ែត្រមានបទល្មើសទាំងនោះ ដូចជាលបបង្កង លបត្រីកែស ពិសេសឧបករណ៍ណរ៉ាវខ្នាតធំដែលគេហៅថា សៃយ៉ឺនយក្ស ដាក់លាតសន្ធឹងពេញផ្ទៃបឹង ដែលឧបករណ៍ល្មើសច្បាប់ទាំងនោះធ្វើឡើងដោយសាច់អួនស្តើងក្រឡាញឹក និងស្បៃមុងសុទ្ធសាធតែម្តង ។
នៅក្នុងអតីតឡូត៍នេសាទទាំងអស់នោះ វិញខាងអាជ្ញាធរក៏ដូចជាខាងជំនាញពាក់ពន្ធ័បានឃុបឃិតគ្នាបោះបង្គោលធ្នោះឃាំងដាក់យ៉រយកត្រីលក់រាប់សឹបតោនអោយឈ្មួញវៀតណាម កំពុងបំផ្លាញមច្ឆាជាតិទាំងតូចទាំងធំរាប់សិបពាន់តោនដោយគ្មានការបង្ក្រាប ទប់ស្កាត់ពីអាជ្ញាធរដែនដីនិងមន្ត្រីជំនាញជលផល នោះឡើយ ។
ប្រជានេសាទរស់នៅស្រុកលើកដែក និងស្រុកកោះធំបានអះអាងថា ជលផលមិនបានបង្ក្រាបករណីនេះ ពួកគេបានត្រូវគ្នាអស់ហើយ ទើបជាហេតុធ្វើអោយមានបទល្មើនេសាទយ៉ាងអណាធិបតេយ្យរហូតដល់សព្វថ្ងៃនេះ។ ទាក់ទិនបទល្មើសដ៏ច្រើនសន្ធឹកសន្ធាប់ទ្រុងទ្រាយធំៗនេះ ប្រជាពលរដ្ឋរស់នៅស្រុកស្អាង និងស្រុកកោះធំ បានរិះគន់ដល់អស់លោកជំនាញជលផលខេត្តកណ្តាល និងរដ្ឋបាលជលផលចតុមុខថា មិនដែលចុះទៅបង្ក្រាបនោះឡើយ ។
ផ្ទុយទៅវិញប្រសិនបើពួកគាត់ធ្វើការនេសាទដោយឧបករណ៍ល្មើសច្បាប់តែបន្តិចបន្តួចនោះ ត្រូវបានពួកជលផលដេញចាប់រត់បាទជើងសព្រាត ។ ចំណែកពួកឈ្មួញទ្រង់ទ្រាយធំវិញរកស៊ីនេសាទបានម៉ាសេរី ដោយគ្មានការរំខានពីអស់លោកជលផលឡើយ ។
ទន្ទឹមនិងមានបទល្មើសនេសាទល្មើសច្បាប់ទ្រុងទ្រាយធំខាងលើនេះ ប្រជានេសាទសុំសំណូមពរដល់លោកឃ្លាំង វណ្ណធុល នាយខណ្ឌរដ្ឋបាលជលផលកណ្តាល មេត្តាជួយចុះធ្វើការបង្ក្រាប និង ទប់ស្កាត់ ដើម្បីទុកលទ្ធភាពអោយពួកគាត់នេសាទលក្ខណៈគ្រួសារ ដើម្បីចិញ្ចឹមក្រពះផង មិនគួរណាថ្នាក់លើចាត់តាំងកម្លាំងជំនាញជលផល៤លំដាប់ថ្នាក់រួមមាន កម្លាំងអធិការដ្ឋានជលផលចតុមុខមានលោកម៉ែន វិបុល
គ្រប់គ្រង២ខេត្ត (កណ្តាលនិងតាកែវ) កម្លាំងខណ្ឌរដ្ឋបាលជលផលកណ្តាលគ្រប់គ្រងដោយលោក ឃ្លាំង វណ្ណធុល ហើយក៏មានបង្កើតនាយផ្នែក និងកម្លាំសង្កាត់គ្រប់បណ្តាស្រុកទៀត តែ បែរជាជំនាញទាំងអស់នោះមិនបង្ក្រាប បែរជាចាំសើមមាត់សើមកពីបទល្មើសទៅវិញ ៕ 
