រដ្ឋមន្ដ្រីការបរទេសអង់គ្លេស លោក វីលៀម ហាឃ្យូ កាលពីថ្ងៃទី១៧ ខែ មិថុនា បានប្រកាសថា អង់គ្លេសនឹង ឈានមួយជំហ៊ានទៀតឆ្ពោះទៅរកការ ទំនាក់ទំនងការបរទេសពេញលេញជា មួយអ៊ីរ៉ង់។ ការប្រកាសខាងលើក្នុងពេល ដែលវិបត្ដិនៅអ៊ីរ៉ាក់កាន់តែខ្លាំងឡើង ជំរុញឱ្យប្រទេសទាំងពីរកាន់តែជិតស្និទ្ធ នឹងគ្នា ។ មានប្រសាសន៍ទៅកាន់បណ្ដាតំណាង រាស្ដ្រអង់គ្លេសកាលពីថ្ងៃទី១៦ ខែមិថុនា លោកវីលៀម ហាឃ្យូ បានប្រកាសឱ្យ ដឹងថា លោកនឹងប្រកាសគម្រោងបន្ទាប់ នៅក្នុងទំនាក់ទំនងជាមួយអ៊ីរ៉ង់ក្រោយ រយៈពេលយ៉ាងយូរដែលបានផ្អាកដោយ សារតែការវាយប្រហារទៅលើស្ថានទូត អង់គ្លេសក្នុងទីក្រុងតេអេរ៉ង់កាលពីឆ្នាំ ២០១១ ។
លោកវីលៀម ហាឃ្យូ បន្ដទៀតថា “ជាច្រើនទសវត្សរ៍កន្លងមក យើងមាន ការព្រួយបារម្ភដូចគ្នាជាមួយអ៊ីរ៉ង់ក្នុង បញ្ហាសំខាន់ៗនៅលើពិភពលោកក្នុង នោះមានការរក្សាសន្ដិសុខនៅអាហ្វហ្គា នីស្ថាន និងអ៊ីរ៉ាក់” ។ លោកហាឃ្យូ បន្ដទៀតថា មានស្ថាន ភាពជាច្រើនបានជំរុញឱ្យទំនាក់ទំនង អ៊ីរ៉ង់ និងអង់គ្លេសកាន់តែខិតជិតគ្នា ហើយប្រទេសទាំងពីរនឹងជំរុញឱ្យមាន ទំនាក់ទំនងកាន់តែប្រសើរថែមទៀត ។ ការប្រកាសរបស់លោកវីលៀម ហា ឃ្យូ ស្ដីពីការពង្រីកទំនាក់ទំនងជាមួយ អ៊ីរ៉ង់បានធ្វើឱ្យមតិសាធារណៈជាច្រើន យល់ឃើញថា អង់គ្លេសអាចនឹងបើក ស្ថានទូតជាថ្មីឡើងវិញក្នុងប្រទេសអ៊ីរ៉ង់។
ទាំងនោះក៏ជាលទ្ធផលនៃការខិតខំប្រឹង ប្រែងរបស់ប្រទេសទាំងពីរ ។ ក្រសួងការបរទេសអង់គ្លេសបដិសេធ វិភាគព័ត៌មានជុំវិញការបញ្ជូនលោក អាចេ សាម៉ា ធ្វើជាមន្ដ្រីតំណាងការទូត បណ្ដោះអាសន្នរបស់អង់គ្លេសនៅអ៊ីរ៉ង់។ វិបត្ដិនៅក្នុងប្រទេសអ៊ីរ៉ាក់នោះដែរ ក៏បានធ្វើឱ្យអ៊ីរ៉ង់ និងអាមេរិកកាន់តែជិត ស្និទ្ធនឹងគ្នាផងដែរ ដោយប្រទេសទាំងពីរ បានឯកភាពបង្កើតយុទ្ធសាស្ដ្រជួយដល់ ប្រទេសអ៊ីរ៉ាក់វាយប្រហារទៅលើក្រុម បះបោរដែលប៉ុនប៉ងគ្រប់គ្រងទីក្រុង បាដាដ ។
អ៊ីរ៉ង់យល់ព្រមវាយប្រហារ តាមផ្លូវគោក ចំណែក អាមេរិក និងអង់ គ្លេសវាយប្រហារតាមផ្លូវអាកាសទៅ លើក្រុមឧទ្ទាមអ៊ិស្លាម ISIL ដែលពេល នេះក្រុមនោះបានគ្រប់គ្រងខេត្ដចំនួន២ ក្នុងប្រទេសអ៊ីរ៉ាក់ ។ នៅពេលដែលទំនាក់ទំនងរវាងអ៊ីរ៉ង់ នឹងអង់គ្លេស ក៏ដូចជាអាមេរិកមានភាព ល្អប្រសើរឡើងវិញ ជារឿងមួយដែល ប្រទេសជាច្រើននៅលើពិភពលោកចង់ បាន ហើយនៅពេលដែលទំនាក់ទំនង ប្រសើរហើយនោះ កម្មវិធីបរមាណូ របស់អ៊ីរ៉ង់ ក៏មិនពិបាកនៅក្នុងការរក ដំណោះស្រាយនោះដែរ ។ នៅពេលនេះ អ៊ីរ៉ង់ក៏មានសុទិដ្ឋិនិយមដោះស្រាយ បញ្ចប់វិបត្ដិបរមាណូដែលជះឥទ្ធិពល មិនល្អដល់សេដ្ឋកិច្ចរបស់ខ្លួនផងដែរ
