រដ្ឋមន្ដ្រីការបរទេសអង់គ្លេសលោក William Hague កាលពីថ្ងៃទី១៨ មិថុនា បានប្រកាសថា ចក្រភពអង់គ្លេសនឹង បើកដំណើរការស្ថានទូតរបស់ខ្លួននៅ ប្រទេសអ៊ីរ៉ង់ជាថ្មីឡើងវិញ ក្រោយបិទ ទ្វារនាឆ្នាំ២០១១ ដោយសារតែការវាយ ប្រហារបំផ្លិចបំផ្លាញស្ថានទូតអង់គ្លេស ធ្វើឱ្យទំនាក់ទំនងអង់គ្លេស-អ៊ីរ៉ង់ប្រេះឆា។
នៅក្នុងការប្រកាសរបស់លោក Wil-liam Hague ទៅកាន់បណ្ដាតំណាងរាស្ដ្រ ក្នុងរដ្ឋសភាអង់គ្លេសថា ដោយមាន ទំនាក់ទំនងល្អរយៈពេលប៉ុន្មានខែចុងក្រោយ នេះ ពិសេសគឺអ៊ីរ៉ង់ចង់កែលម្អទំនាក់ទំនង ប្រសើរឡើងវិញ ដូច្នេះអង់គ្លេសអាច តភ្ជាប់ទំនាក់ទំនងជាថ្មីជាមួយអ៊ីរ៉ង់ ។ លោក William Hague បញ្ជាក់ទៀតថា ដោយទំនាក់ទំនងវិវត្ដឆ្ពោះទៅមុខ ខ្ញុំ សម្រេចថានឹងត្រូវបើកស្ថានទូតរបស់ យើងនៅទីនោះឡើងវិញ ដោយអ៊ីរ៉ង់បាន រក្សាសន្ដិសុខដល់បណ្ដាស្ថានទូតនានាជុំ វិញពិភពលោក ។
ការវាយប្រហាររបស់ក្រុមនិស្សិត អ៊ីរ៉ង់ទៅលើស្ថានទូតអង់គ្លេសនៅទីក្រុង តេអេរ៉ង់កាលពីខែវិច្ឆិកា ២០១១ ធ្វើឱ្យ អង់គ្លេសសម្រេចបញ្ចប់ទំនាក់ទំនងការ ទូតជាមួយអ៊ីរ៉ង់ដោយដកមន្ដ្រីបុគ្គលិក ស្ថានទូតទាំងអស់ត្រឡប់ទៅស្រុកវិញ ។ ការធ្វើបាតុកម្មវាយស្ថានទូតអង់គ្លេស ដោយសារតែក្រុមនិស្សិតខឹងសម្បានឹង អង់គ្លេសដែលចូលរួមដាក់ទណ្ឌកម្មដល់ អ៊ីរ៉ង់ជុំវិញ កម្មវិធីបរមាណូរបស់ប្រទេស នេះ ។ ចាប់តាំងពីលោក ហាសាន រ៉ូហានី ជាប់ឆ្នោតជាប្រធានាធិបតីអ៊ីរ៉ង់កាលពី ឆ្នាំ២០១៣ លោកបានអនុវត្ដគោល នយោបាយដែលមានភាពជិតស្និទ្ធជា មួយលោកខាងលិច ពិសេសគឺកម្មវិធី បរមាណូជួយឱ្យអ៊ីរ៉ង់ និងអាមេរិក អឺរ៉ុប មានទំនាក់ទំនងល្អប្រសើរឡើងវិញ ។
កន្លងមកថ្មីៗអ៊ីរ៉ង់ក៏បានចូលរួមជា មួយអាមេរិក អង់គ្លេស ស្វែងរកយុទ្ធ សាស្ដ្រជួយដល់ប្រទេសអ៊ីរ៉ាក់ដែលកំពុង តែញាំញីដោយក្រុមឧទ្ទាមផ្ដាច់ខ្លួនប៉ុន ប៉ងគ្រប់គ្រងទឹកដីអ៊ីរ៉ាក់ទាំងមូល ដោយ ពេលនេះក្រុមឧទ្ទាមបានគ្រប់គ្រងខេត្ដ ធំៗ២នៅក្នុងប្រទេសអ៊ីរ៉ាក់ ។ នៅក្នុងព្រឹត្ដិការណ៍មួយផ្សេងទៀត អ៊ីរ៉ង់ អង់គ្លេស អាមេរិកមានក្ដីព្រួយ បារម្ភដូចគ្នាពីវិបត្ដិនៅក្នុងប្រទេស អ៊ីរ៉ាក់ ហើយក្ដីព្រួយបារម្ភទាំងនោះកំពុង តែជំរុញឱ្យប្រទេសទាំងនោះមានទំនាក់ ទំនងល្អប្រសើរនឹងគ្នាឡើងវិញ ។ អ៊ីរ៉ង់ អង់គ្លេស និងអាមេរិកពិតជាព្រួយបារម្ភ យ៉ាងខ្លាំងពីក្រុមអ៊ិស្លាមនៅអ៊ីរ៉ាក់ និង ស៊ីរីដែលមានឈ្មោះថា ក្រុម ISILដែល កំពុងតែបើកការវាយប្រហារយ៉ាងខ្លាំង ចូលទីក្រុងបាដាដ ។
ចំណុចទាំងនោះហើយដែលធ្វើឱ្យ ប្រទេសដែលជាសត្រូវនឹងគ្នាប្រែក្លាយ មកជាមិត្ដដោយអង្គុយតុពិភាក្សាពីសន្ដិ សុខ សុវត្ថិភាពបណ្ដាប្រទេសឈូង សមុទ្រ ។ កិច្ចពិភាក្សាស្ដីពីសន្ដិសុខនៅ ប្រទេសតំបន់ឈូងសមុទ្រត្រូវបានធ្វើ ឡើងបន្ទាប់ពីកិច្ចប្រជុំរវាងប្រទេស៥ បូក១ នឹងអ៊ីរ៉ង់ ។ បើទោះបីអ៊ីរ៉ង់ និងអាមេរិកទទួល ស្គាល់ពីការព្រួយបារម្ភដូចគ្នា និងទប់ ស្កាត់ក្រុមឧទ្ទាម ISIL ដែលព្យាយាម គ្រប់គ្រងប្រទេសអ៊ីរ៉ាក់ ហើយជាការ គំរាមកំហែងដោយផ្ទល់ដល់សន្ដិសុខ ស្ថិរភាពប្រទេសជាច្រើននៅជិតខាង ។ ប្រធានាធិបតីអ៊ីរ៉ង់ លោកហាស្សាន់ រ៉ូហានី បានប្រកាសបង្កឱ្យពិភពលោក មានការភ្ញាក់ផ្អើលគឺអ៊ីរ៉ង់ នឹងសហការ ជាមួយទីក្រុងវ៉ាស៊ីនតោនវាយប្រហារ ទៅលើក្រុម ISIL ជួយសង្គ្រោះប្រទេស អ៊ីរ៉ាក់ ។
កាលពីថ្ងៃទី១៧ ខែមិថុនា ឆ្នាំ២០១៤ ឆ្លើយតបនឹងបទសម្ភាសន៍ដែលមាន សំណួរសួរថា តើអ៊ីរ៉ង់បានត្រៀមលក្ខណៈ ក្លាយជាសម្ពន្ធមិត្ដរបស់អាមេរិកជួយ រក្សាស្ថានភាពប្រទេសអ៊ីរ៉ាក់គេចផុតពី ការដួលរលំដោយសារតែក្រុមឧទ្ទាម ដែរឬទេ? លោកហាស្សាន់ រ៉ូហានី បញ្ជាក់ថា លោកនឹងគិតគូរឱ្យបានល្អិត ល្អន់ពីបញ្ហាខាងលើ ហើយប្រសិនបើ អ៊ីរ៉ង់មើលឃើញថា ទីក្រុងវ៉ាស៊ីនតោន ប្ដេជ្ញាប្រឆាំងភេរវកម្មនៅអ៊ីរ៉ាក់នោះ អ៊ីរ៉ង់ប្រាកដជាចូលរួមជាក់ជាមិនខាន ។
កន្លងមក អ៊ីរ៉ង់ និងអាមេរិកមិនចុះ សម្រុងនឹងគ្នាពីបញ្ហាស៊ីរីជាទីតាំងដែល ក្រុម ISIL ធ្វើសកម្មភាពវាយប្រហារ ក្នុងគោលដៅទម្លាក់ប្រធានាធិបតីអាល់ អាសាដ ។ អ៊ីរ៉ង់បានគាំទ្រប្រធានាធិបតី អាល់អាសាដ ក្នុងការធ្វើសង្គ្រាមប្រឆាំង ក្រុម ISIL ។ ចំណែកអាមេរិកប្ដេជ្ញា ទាមទារឱ្យលោកអាល់អាសាដ ចុះចេញ ពីតំណែង ។ ចំណុចខាងលើនោះហើយបានធ្វើឱ្យ មជ្ឈដ្ឋានជុំវិញពិភពលោកបង្ហាញការ ព្រួយបារម្ភថា ទីក្រុងអ៊ីរ៉ង់ និងទីក្រុងវ៉ា ស៊ីនតោនពិបាករួមដៃគ្នា ។
ដោយឡែក ស្ថានភាពនៅអ៊ីរ៉ាក់ខុសស្រឡះនឹងស្ថាន ភាពនៅស៊ីរី ហើយអាមេរិក និងអ៊ីរ៉ង់ គាំទ្ររដ្ឋាភិបាលអ៊ីរ៉ាក់ដូចគ្នាក្នុងការ ប្រឆាំងក្រុមឧទ្ទាម ។ ដោយចំណុចស្រប គ្នានោះអាចអូសទាញប្រទេសទាំងពីររួម ដៃគ្នាក្នុងចំណុចណាមួយ ក៏ជាការចាប់ ផ្ដើមជួយឱ្យទំនាក់ទំនងប្រសើរនឹងគ្នា ។ កាលពីថ្ងៃទី១៧ ខែមិថុនា អាមេរិក បានបញ្ជូនកម្លាំងទាហាន២៧៥នាក់ចូល ទៅកាន់ប្រទេសអ៊ីរ៉ាក់ដោយអាមេរិក បញ្ជាក់ថា ការបញ្ជូនទៅកាន់ទីនោះក្នុង គោលដៅការពារស្ថានទូតអាមេរិកតែ ប៉ុណ្ណោះ ។
ក្នុងពេលនេះដែរ មានប្រភព ព័ត៌មានជាច្រើនអះអាងថា អ៊ីរ៉ង់ក៏បាន បញ្ជូនទាហានជាច្រើនចូលទៅកាន់អ៊ីរ៉ាក់ ជួយបណ្ដុះបណ្ដាលពង្រឹងសកម្មភាពការ ពាររដ្ឋាភិបាលអ៊ីរ៉ាក់ ។ ជាការពិតណាស់ ទីក្រុងវ៉ាស៊ីនតោន និងទីក្រុងតេអេរ៉ង់សុទ្ធសឹងតែមានជំហាន ឆ្ពោះទៅអ៊ីរ៉ាក់ជួយដល់រដ្ឋាភិបាលប្រទេស នេះ។ ក្នុងពេលជាមួយគ្នានេះដែរ ក្រសួង ការបរទេសអាមេរិកបានប្រកាសថានឹង បង្កើតឱ្យមានកិច្ចពិភាក្សាជាមួយអ៊ីរ៉ង់ ក្នុងការដោះស្រាយវិបត្ដិអ៊ីរ៉ាក់ ។
រដ្ឋលេខាធិការក្រសួងការបរទេស អាមេរិក លោក Bill Burns បានជួប ពិភាក្សាជាមួយអ៊ីរ៉ង់បន្ទាប់ពីកិច្ចប្រជុំស្ដី ពីកម្មវិធីបរមាណូនៅទីក្រុងវៀណា ប្រទេសអូទ្រីស ស្ដីពីទំនាក់ទំនងរវាង អ៊ីរ៉ង់ នឹងអាមេរិក ។ ក្រុមអ្នកវិភាគ យល់ឃើញថា លទ្ធភាពបង្កើនទំនាក់ ទំនងរវាងអាមេរិក នឹងអ៊ីរ៉ង់អាចកើត ឡើងបានដោយសារតែវាជាការចាំបាច់ និងជាផលប្រយោជន៍រវាងប្រទេស ទាំងពីរ ។ រយៈពេលប៉ុន្មានថ្ងៃកន្លងមកនេះ ក្រុមISIL ដែលតាំងខ្លួនថាជារដ្ឋអ៊ិស្លាម នៅតំបន់ Levant ភាគច្រើនមកពីក្រុម អ៊ិស្លាមនិកាយសាន់នីបានបើកការវាយ ប្រហារសម្លាប់មនុស្សដណ្ដើមគ្របគ្រង់ ទីក្រុងភាគខាងជើងប្រទេសអ៊ីរ៉ង់ ហើយ ប៉ុនប៉ងគ្រប់គ្រងទីក្រុងបាដាដទៀតផង។ ចំណុចទាំងនោះនឹងធ្វើឱ្យអាមេរិក អង់ គ្លេស អ៊ីរ៉ង់រួមដៃគ្នាកម្ចាត់ការព្រួយ បារម្ភរួម និងជួយដល់រដ្ឋាភិបាលអ៊ីរ៉ាក់ គេចផុតពីការដួលរលំ
