កាលពីថ្ងៃទី១ខែកក្កដាគណរដ្ឋមន្ត្រីជប៉ុនបានគាំទ្រដល់ការបកស្រាយឡើងវិញនៅមាត្រទី៩នៃរដ្ឋធម្មនុញ្ញជប៉ុនដែលធ្វើឡើងដោយអាមរិក ថ្កោលទោសការថ្វើសង្គ្រាម។ក្នុងការបកស្រាយថ្មី កម្លាំងទាហានជប៉ុនអាចអនុវត្តិសិទ្ធការពាររួមបាន។ ការផ្លាស់ប្តូរនោះគឺជួយឲ្យជប៉ុនអាច
ការពារប្រទេសសម្ព័ន្ធមិត្តដែលរងការវាយប្រហារ ។ការផ្លាស់ប្តូរក៏បានអនុញ្ញាត្តិឲ្យជប៉ុនចូលរួមបានច្រើនជាងនេះក្នុងការរក្សាសន្តិភាពរបស់អង្គការសហប្រជាជាតិផងដែរ។ នាយករដ្ឋមន្ត្រីជប៉ុនលោកស៊ីហ្សូអាបេ បានបញ្ចាក់ថា ការសម្រេចខាងលើមានលក្ខណការពារនិងការត្រៀមលក្ខណបានល្អជាងនេះរបស់កម្លាំងទាហានជប៉ុនជួយរារាំងប្រទេសមានបំណងគម្រាមកំហែងជប៉ុន។ លោកបន្តទៀតថាសន្តិសុខស្ថេរភាពពិភពលោកជប៉ុនចូលរួមបានច្រើនជាងពេលបច្ចុប្បន្ន ។ ប៉ុន្តែនៅក្នុងវិវាទណាមួយចាំបាច់ត្រូវតែដោះស្រាយតារយៈកិច្ចពិភាគ្សាមិនមែនប្រើអំពើហឹង្សានោះឡើយ។ ចិនដែលកំពុងតែមានវិវាទអធិបតេយ្យភាពជាមួយជប៉ុន បង្ហាញការខឹងសម្បារយ៉ាងខ្លាំង ពីការផ្លាស់ប្តូរទាំងនោះ។ ចិនបានបញ្ចាក់ថា ជប៉ុនកំពុងតែធ្វើឲ្យស្ថានភាពសណ្តាប់ធ្នាប់ក្នុងតំបន់មានការផ្លាស់ប្តូរ។
អ្នកនាំពាក្យក្រសួងការបរទេសចិនលោកហុងលីបានបញ្ចាក់ថា ជប៉ុនមិនត្រូវយកលេសថាមានការគម្រាមកំហែងពីចិនដើម្បីយកចំណេញផលប្រយោជន៍នយោបាយរបស់ខ្លួននោះឡើយ។ ជប៉ុនមិនត្រូវមានសកម្មភាពធ្វើឲ្យភាពតានតឹងក្នុងតំបន់កើនឡើង បំផ្លាញសន្តិភាពកំពុងតែកើនមានក្នុងតំបន់។ ការព្រួយបារម្ភរបស់ចិនពីជាមានហេតុផសដោយពេលនេះចិនកំពុងតែមានជម្លោះជាមួយប្រទេសជាច្រើនក្នុងតំបន់អាស៊ីភាគអាគ្នេហ៍ហើយប្រទេសទាំងនោះសុទ្ធសឹងតែជាសម្ព័ន្ធមិត្តរបស់ជប៉ុន ។ការបកស្រាយរដ្ឋធម្មនុញ្ញខាងលើនិងធ្វើឲ្យជប៉ុនអាចបញ្ចូនទាហានជួយប្រទេសដែលមានវិវាទជាមួយចិន ក្នុងនោះមានវៀតណាមនិងហ្វីលីពីនជាដើម។
ការផ្លាស់ប្តូរខាងលើ ធ្វើឡើងដោយនាយករដ្ឋមន្ត្រីជាតិនិយម ស៊ីនហ្សូ អាបេ ប្រវត្តិសាស្ត្រសន្តិនិយមជប៉ុន បាននិងកំពុងឈានដល់ទំព័រថ្មី គិតចាប់តាំងពីសង្គ្រាមលោកលើកទីពីរមក។ ដោយមាន ឯកសារសំអាងក្រាសឃ្មឹក របស់អ្នកឯកទេស ដែល នាយករដ្ឋមន្ត្រីបានតែងតាំងដោយផ្ទាល់ លោកស៊ីនហ្សូ អាបេ ចង់ឱ្យក្តីស្រមៃរបស់លោកក្លាយជាពិត ឃើញកងទ័ពជប៉ុនអាចមានតួនាទីសំខាន់នៅក្រៅប្រទេស និងលែងចាំតែ ការពារខ្លួន “ស្វ័យការពារ” ទៀតឡើយ។ សូមបញ្ជាក់ថា ក្រោយបរាជ័យក្នុងសង្គ្រាមលោកលើកទីពីរ ថ្ងៃទី ១៥សីហា ១៩៤៥ មកសហរដ្ឋអាមេរិក ប្រទេសឈ្នះសង្គ្រាម បានចាប់បង្ខំជប៉ុនឱ្យចែងច្បាប់ក្នុងរដ្ឋធម្មនុញ្ញ សន្តិនិយម មាត្រ៩ មិនលូកដៃក្នុងសង្គ្រាម ជារៀងរហូត។ កងទ័ពជប៉ុនមានសិទ្ធិត្រឹមស្វ័យការពារតែប៉ុណ្ណោះ។ ចំណែកបណ្តាជនជប៉ុនវិញ ជាងពាក់កណ្តាលនៅតែជាប់ចិត្តជានិច្ចនឹងរដ្ឋធម្មនុញ្ញសន្តិនិយម ប្រឆាំងជានិច្ចនឹងសកម្មភាពទាហានជប៉ុននៅបរទេស។ នេះបើតាមការស្ទង់ មតិចុងក្រោយ។
ដោយហេតុមតិសាធារណៈ និងភាពស្មុគស្មាញក្នុងការធ្វើកំណែទម្រង់រដ្ឋធម្មនុញ្ញ លោកស៊ីនហ្សូ អាបេ នៅទីបំផុត ក៏ជ្រើសរើស ធ្វើការបកស្រាយ រដ្ឋធម្មនុញ្ញឡើងវិញ។ រដ្ឋាភិបាលជប៉ុន ទំនងជានឹងត្រូវអនុម័តគម្រោងវិសោធនកម្មនេះ នៅថ្ងៃអង្គារទី១កក្កដា ថ្ងៃខួប ៦០ឆ្នាំនៃការកកើត កងកម្លាំងស្វ័យការពារ ឈ្មោះផ្លូវការរបស់យោធាជប៉ុន។ បន្ទាប់មក វិសោធនកម្មនេះនឹងត្រូវឆ្លងកាត់ការធ្វើប្រជាមតិទៀត។ ប៉ុន្តែពលរដ្ឋជប៉ុនមួយចំនួនបានប្រឆាំងនឹងការបញ្ចូនទាហានទៅចូលរួមការពារនៅបរទេស ដោយកន្លងមកអ្នកប្រឆាំងបានដុតសម្លាបខ្លួនទៀតផង។ ប៉ុន្តែក៏មានពលរដ្ឋភាគច្រើនគាំទ្រនិងគម្រោងយោធារបស់នាយករដ្ឋមន្ត្រីជប៉ុន នៅពេលដែលជប៉ុនរងការគម្រាមកំហែងពីចិនជុំវិញអធិបតេយ្យភាពប្រជុំកោះសែនកាកូ។ ដូច្នេះការធ្វើប្រជាមតិនឹងទទូលបានការគាំទ្រភាគច្រើនពីពលរដ្ឋទាំងមូល៕
