ខេត្ដក្រចេះ ៖ កម្លាំងចម្រុះសង្កាត់រដ្ឋបាលព្រៃឈើឃ្សឹមបានស្ទាក់ចាប់រថយន្ដកូរ៉េចំណុះ៥តោនមួយគ្រឿងដែលមាន ផ្ទុកទៅដោយឈើប្រណីតជាច្រើនកំណាត់ ដឹកលោយឆត្រតាមផ្លូវជាតិលេខ៧ ហើយត្រូវបានសមត្ថកិច្ចចាប់បង្ក្រាប កាលពីព្រឹកថ្ងៃទី១៧ ខែកុម្ភៈ ឆ្នាំ ២០១៤ ត្រង់ចំណុចភ្នំព្រេចក្នុងឃុំឃ្សឹម ស្រុក ស្នួលខេត្ដក្រចេះ ។ បន្ទាប់ពីចាប់ឃាត់ រួចមករថយន្ដកូរ៉េចំណុះ៥តោនមានផ្ទុកឈើប្រណីតពេញព្រៀបត្រូវបានកម្លាំងសមត្ថកិច្ចនាំយកទៅរក្សាទុកបណ្ដោះ អាសន្ននៅសង្កាត់រដ្ឋបាលព្រៃឈើឃ្សឹម ក្នុងឃុំឃ្សឹម ស្រុកស្នួល ខេត្ដក្រចេះ ។
មិនទាន់មានសេចក្ដីរាយការណ៍ណាមួយបញ្ជាក់ថា រថយន្ដដឹកឈើនិងឈើ ប្រណីតរាប់សិបកំណាត់នេះជាកម្មសិទ្ធិ របស់ជនណានោះទេ។គេបាននិយាយថា ការដឹកជញ្ជូនឈើដោយលក្ខណៈទ្រង់ទ្រាយ ធំបែបនេះមិនមែនជនសាមញ្ញហ៊ានដឹកនោះទេ ។ គេបាននិយាយឱ្យដឹងថា អ្នករកស៊ីដឹកឈើប្រណីតល្មើសច្បាប់នៅក្នុងខេត្ដក្រចេះសព្វថ្ងៃនេះជាឈ្មួញដែលមាន មុខសញ្ញាដដែលៗតែមិនត្រូវបានចាប់ឃាត់ខ្លួនមកផ្ដន្ទាទោសម្ដងណាឡើយ ។
បើបណ្ដោយឱ្យឈ្មួញនងជនទុច្ចរិតមួយ ចំនួនកាប់បំផ្លាញនិងដឹកឈើលក់អនាធិបតេយ្យនោះព្រៃឈើនៅខេត្ដក្រចេះនឹង រលាយហិចហោចជាមិនខាន ។ ទោះយ៉ាងណានៅក្នុងហេតុការណ៍ ចាប់បង្ក្រាបរថយន្ដដឹកឈើប្រណីតខុសច្បាប់ជាច្រើនម៉ែត្រគូបនាព្រឹកនោះ គឺមន្ដ្រីជំនាញពុំមានជនណាម្នាក់ត្រូវចាប់ ខ្លួនក្នុងជំនួញដឹកជញ្ជូនឈើខុសច្បាប់នោះ ទេ ដោយគ្រាន់តែមានរថយន្ដដឹកឈើ ធុនធំមួយគ្រឿងនិងឈើប្រណីតរាប់សិបកំណាត់គឺត្រូវចាប់ឃាត់តែប៉ុណ្ណោះ ។
លោក គុណ ទៀបពិដោរ នាយ សង្កាត់រដ្ឋបាលព្រៃឈើឃ្សឹមបានឱ្យដឹងថា ឈើប្រណីតជាច្រើនម៉ែត្រគូបមាន តម្លៃរាប់ម៉ឺនដុល្លារដែលកម្លាំងសមត្ថ កិច្ចចម្រុះចាប់បង្ក្រាបបាននេះគឺសុទ្ធ សឹងជាឈើអារប្រណីតធ្នង់និងឈើអារ ប្រភេទនាងនួនមានមុខកាត់ធំៗមាន បរិមាណជាង១០ដប់ម៉ែត្រគូប ។
លោកបានបញ្ជាក់ថា កម្លាំងជំនាញ និងស្ទូចឈើទាំងនេះចេញពីលើរថយន្ដ ដើម្បីវាស់វែងនិងកសាថងសំណុំរឿង ចាត់វិធានការបន្ដ ។ ម្ចាស់ឈើទាំងនេះ គឺកម្លាំងសមត្ថកិច្ចនឹងបន្ដស្រាវជ្រាវរកមុខឱ្យមកទទួលខុសត្រូវតែរឿងនេះហាក់ដូចជាសង្ឃឹមឃើញដូចជើងមាឃ ៕
