ខ្សែការពារក្លិបបិសាចក្រហម Manchester United កីឡាករ ណេម៉ាន់ចា វីឌីក (Nemanja Vidic) ត្រូវបាន ក្រុមអ្នកសារព័ត៌មានអះអាងថា នឹងផ្លាស់ទៅកាន់ក្លិប Inter Milan នៅពេលបញ្ចប់រដូវកាលនេះ ។ ថ្មីៗនេះខ្សែការពារកណ្តាលអន្តរជាតិស៊ែបប៊ីរូបនេះបានប្រកាសពីការសម្រេចចិត្តរបស់ខ្លួនចាកចេញពីក្លិបបិសាចក្រហមបន្ទាប់ពីរូបគេបានចំណាយពេល ៨ ឆ្នាំនៅជាមួយក្លិបជើងឯកអង់គ្លេសមួយនេះ ។
យោងតាមគេហទំព័រ Goal.com បានអះអាងថា ក្លិប Inter មានចំណាប់អារម្មណ៍ចង់ទិញ Vidic ហើយខ្សែការពាររូបនេះបានយល់ព្រមផ្លាស់ទៅកាន់ក្លិបបាល់ទាត់របស់អ៊ីតាលីមួយនេះនៅរដូវកាលក្រោយ ។ គួរបញ្ជាក់ថា ប្រភពដដែលបានអះអាងថា Vidic នឹងព្រមព្រៀងចុះកិច្ចសន្យារយៈពេល ២ ឆ្នាំជាមួយ Inter Milan ៕ 
