រថយន្តហ៊ីយាន់ដាយដឹកអេតចាយហួសចំណុះ ក្រឡាប់ចាក់ចោលកិនមនុស្ស៤នាក់

ភ្នំ​ពេញ ៖ រថយន្ត​ហីយាន់ដាយ​មួយ​គ្រឿង​ដឹក​ដែក​អេត​ចាយ​ លើសចំណោះបានក្រឡាប់​ផ្ងារ​ជើង​ច្រងាងនិងសង្កត់មនុស្សចំនួន៤នាក់បណ្ដាលឲ្យរងរបួស កាលពីវេលាម៉ោង១៨និង៤០នា​ទីល្ងាច ថ្ងៃទី២៣ ខែកក្ដដា ឆ្នាំ២០១៤

នៅចំណុចមុខរោងចក្រប៊ឺរី​តាមបណ្តោយ​ផ្លូវ20K ហៅ​ផ្លូវ​អូរ​ដឹម​កប់ស្រូវស្ថិតក្នុង​ភូមិ​ជម្ពូវន្ត័ សង្កាត់ចោមចៅខណ្ឌពោធិ៍​សែនជ័យ​​​ ។

តាមសាក្សីនៅកន្លែងកើតហេតុបានឲ្យដឹងថាមុនពេលកើតហេតុគេបានឃើញ​រថយន្ត​ដឹកអេតចាយម៉ាកហ៊ីយាន់ដាយពណ៌ស ពាក់ស្លាកលេខភ្នំពេញ2A-1761 បាន​ធ្វើដំណើរតាម​បណ្តោយផ្លូវលំ ក្នុងទិសដៅពីកើតទៅលិច លុះមកដល់ចំណុចជិះដល់ផ្លូវកែងនិង​​ផ្លូវ20K ហៅ​ផ្លូវ​អូរ​ដឹម​កប់ស្រូវ​មុខ​រោង​ចក្រ​​ ​ រថយន្ត​បាន​ផុង​កង់​ផ្អៀងក្រ​ឡាប់​ចាក់​កំនរ​ដែក សង្កត់​ទៅ​លើ​កម្ម​កា​រ​នី​រោង​ចក្រដែល​អង្គុយ​ក្នុង​តូប​មុខ​រោង​ចក្រ​​រង​ចាំ​រថយន្ត​មក​ទទួល​ត្រ​ឡប់​ទៅ​ផ្ទះវិញ​​ ចំនួន​4​នាក់បណ្តាលឲ្យរងរបួសធ្ងន់​និង​ស្រាលបន្ទាប់​មក​អ្នក​បើក​បរ​រថយន្ត​បាន​បើក​ទ្វារ​រថយន្ត​រត់​គេច​ខ្លួន​តែត្រូវ​បាន​សន្តិសុខ សាលាខណ្ឌ​ពោធិ៍សែន​ជ័យ​ចាប់ខ្លួន​បាន ។

          សមត្ថកិច្ចបានឲ្យដឹងថា តៃកុងឈ្មោះ ថៃ សុវណ្ណរិទ្ធ ភេទប្រុស អាយុ ២៤ ស្នាក់នៅភូមិ​ជម្ពូវន្ត័ សង្កាត់ចោមចៅ ខណ្ឌមានជ័យ។ចំណែកជនរងគ្រោះនៅមិន​ទាន់ស្គាលអត្ត​សញ្ញាណ​នៅឡើយទេដោយសារក្រោយពេលកើតហេតុត្រូវបានរថយន្តដឹកទៅសង្គ្រោះបាត់អស់។

          ក្រោយពេលកើតហេតុសមត្ថកិច្ចបានស្ទូចយករថយន្តរួមទាំងតៃកុងទៅរក្សាទុកនៅការិយាល័យចរា​ចរណ៍ជើងគោកដើម្បីរងចាំដោះស្រាយពេលក្រោយ។

គួបញ្ជាក់ផងដែថា ទាក់ទិននិងគ្រោះថ្នាក់ខាងលើនេះ​ បង្កឡើងដោយសារតែរថយន្តដឹក​អេតចាយហួតចំណុះទើបបង្កឲ្យមានគ្រោះថ្នាក់បែបនេះ៕