កម្លាំងរដ្ឋបាលជលផលខេត្តកំពង់ឆ្នាំង បើកយុទ្ធនាការបង្ក្រាប បទល្មើសនេសាទក្នុងភូមិសាស្ត្រ ៤ស្រុក ស្រុកជលគិរី កំពង់លែង បរិបូណ៌ និងក្រុងកំពង់ឆ្នាំង នារដូវបិទនេសាទ

កំពង់ឆ្នាំងៈ  ឯកឧត្តម អភិបាលខេត្ត  និងជាប្រធានគណៈបញ្ជា​ការ​ឯកភាពខេត្តកំពអ់ឆ្នាំង បាន​​ដាក់​បទ​​បញ្ជា ឲ្យលោក សេង ប៊ុនឈឿន នាយខ័ណ្ឌរដ្ឋបាលជលផលខេត្តកំពង់ឆ្នាំង ដឹកនាំ​កំ​លាំង​​គណៈ​​បញ្ជា​ការ​ឯកភាពស្រុកទាំង៤រួមមាន កម្លាំងសង្កាត់​រដ្ឋបាល​ជលផល​កំពង់​លែង

រដ្ឋបាល​​ជល​​​​ផល​ជល​គិរី រដ្ឋបាលជលផលបរិបូណ៌ រដ្ឋបាល​ជលផលកំពង់ឆ្នាំង និងសហគមន៍​នេសាទ​ក្នុង​ស្រុក​ទាំង​៤ ព្រមទាំងអាជ្ញាធរមូលដ្ឋាន ចុះ​បង្ក្រាបបទ​ល្មើស​នេសាទ នារដូវបិទនេ​សាទ​ឆ្នាំ​នេះ ក្នុងភូមិ​សាស្ត្រ​ទាំង៤​ របស់ខេត្តកំពង់ឆ្នាំង ចាប់ពីថ្ងៃទី ១៩ ដល់ថ្ងៃទី២៣ ខែកក្កដា ឆ្នាំ​២០១៤ ។

ជាលទ្ធផល កម្លាំងចម្រុះរដ្ឋបាលជលផលក្នុងយុទ្ធនាការបង្ក្រាប​ខាងលើនេះ បង្ក្រាបបាន​១២ករណី របាំងស្បៃមុង៥៩កន្លែង ស្មើនឹង១៩៥០ម៉ែត្រ របាំងកាត់ព្រែក១២កន្លែង ស្មើនឹង​១៤០ ម៉ែត្រ​ លប២៤ របាំងសាច់អួន៧កន្លែង ស្មើ១០៥០ម៉ែត្រ លបលូ១៦មាត់ បង្គោល​២៣៧០​  ចាក់ លែង កូនត្រីចំនួន៩៥៥គីឡូ​ក្រាម​ចូល និងកូនត្រីប្រាចំនួន២ពាន់ក្បាល​ទៅក្នុងបឹងធម្មជាតិ​វិញ នា ពេល នោះផងដែរបានចាប់បញ្ជូនជនសង្ស័យពីបទឆក់ត្រីប្រភេទត្រជាក់ក្នាក់ ទៅតុលាការ​ចាត់ការ តាមនីតិវិធីច្បាប់ផងដែរ ។

លោក សេង ប៊ុនឈឿន នាយខណ្ឌរដ្ឋបាលជលផលកំពង់ឆ្នាំង នាឱកាសនោះ បានធ្វើ​ការ​ផ្សព្វផ្សាយ​និង​ណែនាំ​ច្បាប់​ស្តីពី​ជលផល ដល់ក្រុម​អ្នកនេសាទនៅទីនោះ សូមធ្វើការ​នេសាទ​ជៀ​ស វា​ង ប្រើឧបករណ៍ខុសច្បាប់ជាពិសេសរបាំងស្បៃមុងជាឧបករណ៍មួយដែលត្រូវហាម​ឃាត់​ជាដាច់ ខាត ដោយអនុវត្ត​តាម​ប្រកាសលេខ ៤៥៨ ក.ស.ក ស្តីពីការ​ប្រើ​ប្រាស់ឧបករណ៍​នេសាទ ជា លក្ខណៈ​​គ្រួសារ និងជៀស​វាងធ្វើការ​នេសាទក្នុងដែន​អភិរក្ស​ដែលជា​ហេតុ​នាំអោយ​ជាប់ទោស ទណ្ឌ   ។

លោក សេង ប៊ុនឈឿន នាយខណ្ឌរដ្ឋបាលជលផលកំពង់ឆ្នាំង បានសុំអោយមានការ​គោរព​ច្បាប់​ជល​ផលទាំង​អស់​គ្នា ​ដើម្បីអោយ​មានការកើន​ឡើង​​វិញ​នូវម​ច្ឆា​ជាតិ ​​ទុក​សម្រាប់​កូន​ចៅជំនាន់​ក្រោយ និងសូមរាយការណ៍​ជូន​សមត្ថកិច្ចមូល​ដ្ឋាន ក៍ដូចជា​សមត្ថកិច្ច ជំនាញក្នុង​ករណី​ជួបប្រទះ​បទល្មើស អោយបានទាន់ពេល​វេលា​ផងដែរ ៕ សុខ គឹមស៊ាន