មជ្ឈមណ្ឌលអភិវឌ្ព្យន៍ប៊ុនរ៉ានីហ៊ុនសែនពោធិ៍សាត់ បានបញ្ចប់វគ្គបណ្តុះបណ្តាលសិក្ខាជំនាន់ទី៣៣ ក្នុងខណៈ បើកវគ្គបន្តជំនាន់ទី៣៤ចូលមកបន្ត

ពោធិ៍សាត់៖ វគ្គបណ្ដុះបណ្ដាលវិជ្ជាជីវះជំនាន់ទី៣៣ នៅមជ្ឈមណ្ឌលអភិវឌ្ព្យន៍ប៊ុន​រ៉ានីហ៊ុន​សែន​ពោធិ៍ សាត់​ ដែលបានដំណើរការអស់រយះពេល០៦ខែកន្លងមកនេះ បានប្រារព្វពិធីបិទ ក្នុងគ្រា​ដែល​វគ្គ​ជំ​នាន់​​ទី៣៤ បានបើកបន្ត នាថ្ងៃទី២៤ ​ខែកក្កដាឆ្នាំ២០១៤

ក្រោមអធិបតីភាពលោកជំទាវឈូក ឈឹមប្រធាន គណៈកម្មការទី៥​ តំណាង​ឲ្យលោកជំទាវទី បូរ៉ាស៊ីសមាជិកាអចិន្ត្រៃយ៍ព្រឹទ្ធសភា និងមានការអញ្ជើញ​ចូល​រួម​​ពីឯកឧត្តមបណ្ឌិត ម៉ៅ ធនិន អភិបាល នៃគណៈ អភិបាល​ខេត្តពោធិ៍សាត់ផងដែរ។

          លោកជំទាវ ឯម ប៉ុណ្ណា ប្រធានមជ្ឈមណ្ឌលអភិវឌ្ព្យន៍ប៊ុនរ៉ានីហ៊ុន សែនពោធិ៍សាត់ បានរាយ ការណ៍​ថា ចាប់តាំងពីឆ្នាំ២០០៣ មជ្ឈមណ្ឌលបើកវគ្គបានចំនួន៣៣វគ្គមកហើយ ដោយមានសិក្ខាកាម សរុប៣.៤០៤នាក់ ក្នុងនោះនារី២.៧៤៤នាក់ ។

មុខជំនាញដែលត្រូវបណ្តុះបណ្តាល មានមុខវិជ្ជា​កាត់ដេរ,តម្បាញក្រមា,តម្បាញសូត្រ,​តម្បាញ​កន្ទេលកក់,កន្ទេលរំពាក់,និងកុំព្យូទ័រ រួមនឹង វគ្គឥណទាន​ ជំនួញខ្នាតតូច​ ដើម្បីជួយដល់សិស្ស​អាច​ប្រកប​អាជីវកម្មខ្លួនឯងបានក្រោយពីបញ្ចប់វគ្គ ។ ក្រៅពីបណ្ដុះបណ្ដាលវិជ្ជាជីវៈ​មជ្ឈមណ្ឌល​បានផលិត ​នូវ​ផលិតផលផ្សេងៗជាច្រើនទៀត ដូចជាការកែច្នៃផលិតផលធ្វើពីកន្ទេលកក់ រំពាក់ ស្លឹកសំឡាញ​ កំផ្លោក និង​ក្រចៅជាដើម ដើម្បីបានប្រាក់ចំណូលយកទៅទិញវត្ថុធាតុដើម, ចំណាយលើបៀរវត្សរ៍​គ្រូ​ និង​អ្នក​ផលិត,ការងាររដ្ឋបាល,និងពង្រីកក្រុមអាជីវកម្មនៅតាមភូមិ ។ សិស្សទាំង៣៣ជំនាន់​ ដែលបានទទួល​ចំណេះ​ដឹងពីមជ្ឈមណ្ឌល​អភិវឌ្ព្យន៍ប៊ុនរ៉ានីហ៊ុនសែនពោធិ៍សាត់ កន្លងមកក្នុងនោះ៩០%​ បានចេញទៅ​ប្រ​កបអាជីវកម្មដោយខ្លួនឯង​,០៦%បានចូលរួមបង្កើតក្រុមអាជីវកម្មនៅតាមភូមិ និង០៤%ក្លាយជាអ្នក​ផលិត​នូវផលិតផលសម្រាប់​ផ្គត់ផ្គង់ឲ្យ មជ្ឈមណ្ឌល។  

សិស្សជំនាន់ទី៣៣ដែលធ្វើពិធីប្រគល់វិញ្ញាបនប័ត្របញ្ជាក់ការសិក្សានាពេលនេះ មានចំ​នួន​៦២​នាក់  រីឯសិស្សថ្មីដែលចូលមកបន្តជំនាន់ទី៣៤នេះ មានចំនួន៥២នាក់។

          ឯកឧត្តមបណ្ឌិត ម៉ៅ ធនិន និងលោកជំទាវ ឈូក ឈឹម បានថ្លែងកោតសរសើរបំផុតចំពោះ សម្ដេចកិត្តិព្រឹទ្ធបណ្ឌិតប៊ុនរ៉ានីហ៊ុនសែន ដែលសម្ដេចមានចិត្តគិតគូរដល់ប្រជាពលរដ្ឋ​របស់សម្ដេច​ជានិច្ច​ដូចពាក្យមួយឃ្លានិយាយថា៖ ទីណាមានការលំបាកទីនោះ​មានសម្ដេចតេជោនិងសម្ដេចកិត្តិ​ព្រឹទ្ធបណ្ឌិត​ជា​និច្ច​​ ដែលសម្ដេចទាំងពីរតែងបានយកចិត្តទុកដាក់ចំពោះជនរងគ្រោះគ្រប់ប្រភេទ ពង្រឹងកំលាំងមនុស្សធ៌ម កំ​លាំង​សាមគ្គីនិងវប្បធ៌មនៃការចែករំលែកយ៉ាងមានប្រសិទ្ធិភាព។

មជ្ឈមណ្ឌលអភិវឌ្ព្យន៍ប៊ុនរ៉ានីហ៊ុនសែនដែលបានបង្កើតឡើងពិតជាមានសារះសំខាន់ណាស់ក្នុងការបណ្ដុះបណ្ដាលចំណេះដឹងដល់កូនចៅប្រជាពល រដ្ឋក្រីក្រនិងគ្មានការងារធ្វើ មកទទួលមុខ ជំនាញ ណា​មួយ​ពិត​ប្រាកដសំរាប់យកទៅបង្កើតមុខរបររកប្រាក់ចំណូលចិញ្ចឹមគ្រួសារនិង អនាគត របស់ខ្លួន។

          ក្នុងឧិកាសនោះលោកជំទាវឈូក ឈឹមបានឧបត្ថម្ភថវិកាចំនួនបីលានរៀលជូនដល់ មជ្ឈមណ្ឌល,​ព្រមទាំងបានចែកក្រមា សារុង អាវយឺត និងថវិកា២០.០០០រៀលក្នុងម្នាក់ៗ ដល់ សិស្សទាំងពីរវគ្គផងដែរ ដែលថវិកានិងសំភារះទាំងអស់នោះជាអំណោយដ៍ថ្លៃថ្លារបស់សម្ដេច កិត្តិ ព្រឹទ្ធបណ្ឌិតប៊ុនរ៉ានីហ៊ុនសែន៕