ខេត្តរតនគីរីៈយ៉ាងហោចណាស់មានមនុស្សប្រុស ស្រីចំនួន០៧នាក់ ត្រូវបាននគបាលចាប់បញ្ជូនខ្លួនទៅសាលាដំបូងខេត្ត កាលពីវេលាម៉ោង០៧ព្រឹកថ្ងៃទី១៤ ខែសីហា ឆ្នាំ២០១៤ នៅបន្ទាប់ពីជនសង្ស័ទាំងនេះត្រូវបាននគបាលខេត្ត សហការ ជាមួយនគបាលស្រុកអណ្តូងមាសធ្វើការឃាត់ខ្លួននៅក្រោយមានអំពើឃាតកម្មដោយប្រើអាវុធ កាំបិតផ្គាក់ កាប់ជនរងគ្រោះដាច់កញ្ចឹងកស្លាប់ដោយសារទំនាស់ព្រំដី កាលពីវេលា
ម៉ោង០៥៣០នាទី ថ្ងៃទី១១ខែសីហាឆ្នាំ២០១៤ស្ថិតចំណុចកើតហេតុ ភូមិកាជូត ឃុំញ៉ាងស្រុកអណ្តូងមាសខេត្ររតនគិរី លោក ផែនឌីណា ស្នងការងនៃស្នងការដ្ឋាននគបាលខេត្តរតនគិរី នៅព្រឹកថ្ងៃនេះបានប្រាប់ថាៈកាលពីថ្ងៃទី១១ខែសីហាឆ្នាំ២០១៤នៅវេលាម៉ោង០៥និង៣០នាទីល្ងាចមានករណីឃាតកម្ម បណ្តាលអោយបុរសចំណាស់អាយុ៥០ឆ្នាំម្នាក់ឈ្មោះ សៀង លី បានស្លាប់ដោយសារមានមនុស្សមួយក្រុមគេលួចកាប់ដាច់កញ្ចឹងកនៅលើដីចំការរបស់ខ្លួននៅចំនុច ឃុំកើតហេតុខាងលើខណៈជនរងគ្រោះ និងបុរសម្នាក់ទៀតនាំគ្នាមើលព្រំដីត្រូវគេបានភ្ជួររំលោភហើយជនរងគ្រោះនិងជនសង្សយ័មានការឈ្លោះប្រកែកគ្នារហូតបង្ករជាជំលោះតឹងសសៃកដាក់គ្នាឈានដល់ការសំលាប់គ្នាតែម្តង។ 
លោកផែនឌីណា បានលើកឡើងថាៈបើតាមប្រភពអោយដឹងពីប្រពន្ធ័របស់ជនរងគ្រោះបានប្រាប់ថាៈប្តីរបស់ខ្លួន និងក្រុមគ្រួសារឈ្មោះ ម៉ៅ ចិត្រមានដីសំរាប់ធ្វើចំការស្មើចំនួន៣២ហិកតាម្ខាងម្នាក់ដែលមានព្រំប្រទាល់ជាប់គ្នាដែលកន្លងទៅក្រុមនិស្សិតសម្តេច តេជោ បានធ្វើការវាស់វែងរួចរាល់ហើយដែល។តែជារើយៗខាងគ្រួសារលោក ម៉ៅ ចិត្រនិងគ្រួសារអ្នកស្រីកើតមានជំលោះពីបញ្ហាព្រំដីជាមួយគ្នាជាបន្តបន្ទាប់តែពុំបានបង្ករអំពើហឹង្សាណាមួយដាក់គ្នានោះទេ ទើបមកទាល់នឹងថ្ងៃកើតហេតុមិនដឹងយ៉ាងម៉េច ទើបប្តីរបស់ខ្លួនត្រូវបានជនសង្សយ័មួយក្រុមនេះផ្ទុះកំហឹងឈានដល់ការយកកាំបិតផ្គាក់កាប់ប្តីអ្នកស្រីដាច់កញ្ចឹងកបណ្តាលអោយស្លាប់ភ្លាមៗក្នុងថ្លុកឈាមតែម្តង ។
លោកផែនឌីណាបន្ថែមថាៈក្រោយពីកំលាំងនគបាលស្រុកធ្វើសេចក្តីរាយការថាមានអំពើឃាតកម្មកើតឡើងភ្លាមដូចកាលនិងវេលាខាងលើកគឺកំលាំងនគបាលបុស្តិ៍រដ្ឋបាលឃុំញ៉ាងបានចុះទៅដល់ ក៏រកឃើញមានគាំបិតផ្គាក់០១នៅមិនឆ្ងាយពីកន្លែងសាកសពមានស្នាមប្រលាក់ដោយឈាមនិងសហការជាំយកំលាំងនគបាលស្រុកនិងនគបាលខេត្ត បន្តធ្វើការសាកសួរជុំវិញកន្លែងកើតហេតុនោះទើបបានពន្លឺ ឈានទៅដល់ការចាប់ខ្លួនជនសង្សយ័ជាបន្តបន្ទាប់ដូចខាងក្រោមៈ១ឈ្មោះ ម៉ៅចិត្រ ភេទប្រុសអាយុ៥៧ឆ្នាំជនជាតិខ្មែរ។២ឈ្មោះជ្រុយ សម្បត្តិ ភេទប្រុសអាយុ២៤ឆ្នាំជនជាតិខ្មែរ។៣ឈ្មោះជ្រុយ សំបូរ ភេទប្រុសអាយុ១៨ឆ្នាំ ជនជាតិខ្មែរ។
៤ឈ្មោះថុងរដ្ឋា(ហៅចេក)ភេទប្រុសអាយុ២៣ឆ្នាំជនជាតិខ្មែរ។អ្នកទាំង០៤នេះមានស្រុកកំណើត ជាមួយគ្នាភូមិសុពណ៏ ឃុំតអុង ស្រុកចំការលើ ខេត្តកំពង់ចាម។០៥សឿងម៉ាប់ភេទប្រុសអាយុ២៣ឆ្នាំស្រុកកំណើតភូមិបុស្សស្នែងឃុំជ្រលង ស្រុកបារាយខេត្តកំពង់ធំ។០៦ឈ្មោះសោសុគុណភេទប្រុសអាយុ២៦ឆ្នាំជនជាតិខ្មែរស្រុកកំណើតភូមិក្រាំ សំរោង ឃុំច្រកនាង(ត្រួវជាក្មួយម៉ៅច្រិន)។០៧ឈ្មោះឯម សុខុំភេទស្រីអាយុ៤៣ឆ្នាំជនជាតិខ្មែរមានស្រុកំណើតភូមិក្រលែងមាន ឃុំល្វា ស្រុកចំការលើខេត្តកំពង់ចាម(ត្រូវជាដណ្លងម៉ៅច្រិន)។
ជុំវិញគរណីបញ្ជូនជនសង្សយ័ទាំង០៧នាក់ខាងលើ លោកផែនឌីណា ពុំបានលើកឡើងបញ្ជាក់ថាៈជនសង្សយ័ ទាំងនោះបានឆ្លើយសារភាពថាយ៉ាងដូចម្តេចនោះឡើយ ខណៈលោកបានបញ្ជាក់បន្ថែមថាៈជនដៃដល់ដែលបានប្រព្រឹត្តនៅអំពើឃាតកម្មដោយប្រើកាំបិតផ្គាក់កាប់ដាច់កញ្ចឹងកជនរងគ្រោះបណ្តាលឲស្លាប់ភ្លានៗក្នុងថ្លុកឈាម គឺរត់បាត់ហើយតែអត្តសញ្ញាណជនល្មើសនោះគឺខាងកំលាំងបានដឹងអស់ហើយដែរ ប៉ុន្តែលោកសុំមិនទាន់ប្រាប់បានទេ។ គួរបញ្ជាក់ថាៈបច្ចុប្បន្ន ជនសង្សយ័ទាំង០៧នាក់ត្រូវបានបញ្ជូនទៅសាលាដំបូងខេត្តដើម្បីចាត់ការតាមនីតិវិធី៕
