សៀមរាប ៖នៅចុងសប្តាហ៍នារសៀលថ្ងៃទី ២២ ខែ កុម្ភះ ឆ្នាំ២០១៣ ឯ.ឧ នូ ផល្លា អភិបាលរងនៃគណៈអភិបាលខេត្ត សៀមរាប បានជួបពិភាក្សាជាមួយ លោក Paul Grove មន្ត្រីជំនាញបច្ចេកទេស និង ជាសមាជិកគណៈកម្មាធិការ អស្សាមិករណ៍ នៃព្រឹទ្ធសភាពសហរដ្ឋអាមេរិក និង សហការី ដោយមានការចូលរួមពី៝ឯកឧត្តមសមាជិកក្រុបប្រឹក្សាខេត្ត នាយករដ្ឋបាលសាលាខេត្ត និង អាជ្ញាធរក្រុង នៅរដ្ឋបាលសាលាខេត្តសៀមរាប ។
បន្ទាប់ពីឯ.ឧ នូ ផល្លា បានធ្វើកិច្ចស្វាគមន៍ និង លើកឡើងអំពីស្ថានភាព ភូមិសាស្ត្រ នយោបាយ សន្តិសុខ និង សេដ្ឋកិច្ច ជីវភាពរស់នៅរបស់ប្រជាជនខេត្តសៀមរាប ដោយបានពឹងផ្អែកលើវិស័យសេដ្ឋកិច្ចទេសចរណ៍ និង កសិកម្ម ដែលជាសេដ្ឋកិច្ចចំបងរបស់ខេត្តសៀមរាប ។
ក្នុងនោះដែរលោក Paul Grove ក៏បានបញ្ជាក់អំពីគោលបំណងរបស់ប្រតិភូ មកកាន់ខេត្តសៀមរាប ដើម្បីធ្វើការ ពិភាក្សាជាមួយអាជ្ញាធរខេត្ត អំពីបរិស្ថាន នយោបាយបច្ចុប្បន្ន និង ការកែទម្រង់នយោបាយកម្ពុជានាពេលខាងមុខ ។ លោកក៏បានក៏បានលើកឡើងអំពីវិបត្តិនយោបាយនៅកម្ពុជា តើមានផលប៉ះពាល់អ្វីខ្លះដល់ខេត្តសៀមរាប ? ព្រមទាំងបញ្ហាស្ថានភាពនយោបាលនៅប្រទេសថៃ តើមានប៉ះពាល់ដល់សេដ្ឋកិច្ច ខេត្តសៀមរាប ក៏ដូចកម្ពុជាទាំងមូល ។
មានប្រសាសន៍នោះដែរឯ.ឧ នូ ផល្លា ក៏បានគូសបញ្ជាក់ជូនដល់ប្រតិភូ ដើម្បីកំណើនការងារ សមធម៌ និង ប្រសិទ្ធភាពនៅកម្ពុជា ក្រោមកិច្ចដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រី បាននឹងកំពុងដាក់ចេញនូវកម្មវិធី នយោបាយ និង ការកែទម្រង់ស៊ីជម្រៅគ្រប់ជ្រុងជ្រោយលើគ្រប់វិស័យ ក្នុងការនាំប្រទេសកម្ពុជាឆ្ពោះទៅរកការអភិវឌ្ឍន៍ ប្រកបដោយនិរន្តភាព ។
ឯកឧត្តមក៏បានបន្តទៀតថា ក្នុងនាមជាសេនាធិការឲ្យរាជរដ្ឋាភិបាល និង ក្នុងនាមគណៈបញ្ជា ការឯកភាពខេត្ត អាជ្ញាធរខេត្ត បានអនុវត្តយ៉ាងម៉ត់ចត់ច្បស់លាស់ត្រឹមត្រូវ ក្នុងការចូលរួមចំណែកដល់ការដំណើរការ បោះឆ្នោតជ្រើសតាំងតំណាងរាស្ត្រ នីតិកាលទី៥ នៃរដ្ឋសភា សម្ខាន់លើផែនការការពារសន្តិសុខ សណ្តាប់ធ្នាប់ ក្នុង ដំណើរការបោះឆ្នោត ឲ្យបានប្រព្រឹត្តទៅដោយរលូន គ្មានអំពើហិង្សា ការគំរាមកំហែង ការបំភិតបំភ័យដល់ប្រជាពលរដ្ឋ ដែលចូលរួមបោះឆ្នោត ដើម្បីឆ្លើយតបនឹងគោលការណ៍នៃលទ្ធិប្រជាធិបតេយ្យ សេរីពហុបក្ស ។
ឯ.ឧ នូ ផល្លា ក៏បាន បន្តទៀតថា ក៏លើកឡើងពីស្ថានភាពនយោបាយបច្ចុប្បន្ន នៅលើភូមិសាស្ត្រខេត្តសៀមរាប ដែលជាតំបន់ទេសចរណ៍ វប្បធម៌ធម្មជាតិប្រវត្តិសាស្ត្រ ដែលជាជង្រុកប្រមូលផ្តុំភ្ញៀវទេសចរណ៍គ្រប់ជាតិសាសន៍ មកពីគ្រប់មជ្ឈដ្ឋានលើសកល លោក ចូលមកទស្សនាកម្សាន្ត ។ ម្យ៉ាងទៀតអាជ្ញាធរខេត្តក៏បានយកចិត្តទុកដាក់ខ្ពស់ លើការងារសន្តិសុខទេសចរណ៍ ក៏ដូចការងារសន្តិសុខ សណ្តាប់ធ្នាប់សាធារណៈ ជូនដល់ប្រជាពលរដ្ឋ ក៏ដូចគ្រប់គណបក្សនយោបាយផងដែរ ។
អាជ្ញាធរ ខេត្តតែងតែបានធ្វើការសម្របសម្រួល ផ្សព្វផ្សាយ ណែនាំដល់គ្រប់បណ្តាប្រជាពលរដ្ឋ កុំឲ្យបង្កនូវភាពអសកម្មអ្វីមួយនៅ លើទឹកដីប្រវត្តិសាស្ត្រ ដែលនាំធ្វើឲ្យមានផលប៉ះពាល់ដល់ភ្ញៀវទេសចរណ៍ និង បាត់បង់នូវផលប្រយោជន៍ ជីវភាពប្រចាំ ថ្ងៃរបស់បងប្អូនផងដែរ ។
ក្នុងនោះដែរឯ.ឧ នូ ផល្លា ក៏បានលើកឡើងផងដែរ អំពីស្ថានការណ៍នយោបាយរបស់ប្រទេស ថៃ មិនបានធ្វើឲ្យប៉ះពាល់ដល់វិស័យទេសចរណ៍នៅខេត្តសៀមរាបឡើយ គឺកាន់តែធ្វើឲ្យកំណើនភ្ញៀវទេសចរណ៍ចូល មកកាន់ខេត្តប្រវត្តិសាស្ត្រមួយនេះ មានការកើនឡើងក្នុងរយៈពេលចុងក្រោយដែលប្រទេសថៃមានការហ្វឹកវរនេះ ។ ប៉ុន្តែក៏មានផលប៉ះពាល់ដល់វិស័យ ពាណិជ្ជកម្មរវាងប្រទេសទាំងពីរមួយចំនួនផងដែរ ៕
