ស្ទឹងត្រែង៖ភ្ញៀវទេសចរណ៍ជាតិនិងអន្តជាតិដែលបានធ្វើដំណើរឆ្លងកាត់ច្រកទ្វារអន្តជាតិត្រពាំងគ្រៀលបើតាមការដឹងពីលោកប្រធានមន្ទីរទេសចរណ៍ខេត្តភ្ញៀវទេសចមានប្រមាណជិត២រយនាក់ទៅជាង២រយនាក់ចូលមកទស្សនាក្នុងប្រទេសកម្ពុជា ឆ្លងកាត់ទៅកាន់រាជធានីភ្នំពេញ និងមួយចំនួនតាមបណ្តាខេត្ត និង៥%ស្នាក់នៅខេត្តស្ទឹងត្រែងនិងប្រមាណ១រយនាក់ចេញពីប្រទេសកម្ពុជាទៅទស្សនាតំបន់ទេសចរណ៍នៅប្រទេសឡាវ។ 
លោក អ៊ន់ ប៉ោសឿន ប្រធានមន្ទីរទេសចរណ៏ខេត្តស្ទឹងត្រែងបានបញ្ជាក់ថា៖មន្ទីរទេសចរណ៏និង បង្កើនកិច្ចសហការជាមួយដៃគូរអភិវឌ្ឍន៏នានាក្នុងខេត្ត លើកស្ទួយវិស័យទេសចរណ៏ ដើម្បីទាក់ទាញភ្ញៀវឲ្យនៅទស្សនាតំបន់ទេសចរណ៏ នៅក្នុងខេត្តឲ្យបានច្រើនក្នុងពេលដែលភ្ញៀវទេសចរណ៏ អន្តរជាតិភាគច្រើន គ្រាន់តែឆ្លងកាត់ចូលពីឡាវ មកកម្ពុជានិងចេញពីកម្ពុជានាំគ្នាទៅទស្សនាតំបន់ទេសចរណ៏ក្នុងប្រទេសឡាវ។លោកបន្តថាគ្រប់សេវាកម្ម មន្ទីរទេសចរណ៏ខេត្តបានចុះធ្វើការអប់រំ កន្លងមកមន្ទីរទេសចរណ៍ ក៏ធ្លាប់បានបើកវគ្គបណ្តុះបណ្តាលដល់អាជីវករ ផ្ទះសំណាក់ មគ្គុទ្ទេសទេសរណ៍បានចំនួន២លើកមកហើយនៅក្នុង៩ខែឆ្នាំ២០១៤នេះ និងមាន អ្នកចូលរួមចំនួនជាង២០០នាក់ផងដែរ។
លោកប្រធានមន្ទីរបានបន្តថាដើម្បីទាក់ទាញភ្ញៀវទេសចរណ៍ឱ្យកាន់តែមានកំណើនកើនឡើង និងស្នាក់នៅក្នុងខេត្តស្ទឹងត្រែង ឱ្យបានច្រើននោះ លោកនិងខិតខំចូលរួមសហការជាមួយដៃគូរវិនិយោគ ដើម្បីលើកស្ទួយវិស័យទេសចរណ៍ ឲ្យរីកចំរើនតាមផែនការ គឺមន្ទីរទេសចរណ៍រីករាយក្នុងការជួយសំរួលផ្តល់បែបបទ ឯកសារផ្សេងៗដើម្បីឲ្យអ្នកវិនិយោគទន់ និងបានមកយ៉ាងពិតប្រាកដជួយចូលរួមចំណែក ទាំងការចូលរួមកាត់បន្ថយភាពក្រីក្រ តាមរយៈសេវាកម្មទេសចរណ៍នៅក្នុងតំបន់ ។ ដោយសារភ្ញៀវទេសចរណ៍ភាគច្រើនបានត្រឹមតែឆ្លងកាត់លោក កុល សំអុល អភិបាលខេត្តស្ទឹងត្រែងមានប្រសាសន៍ជំរុញឲ្យមន្ទីរទេសចរណ៍ខេត្ត អនុវត្តផែនការយុទ្ទសាស្ត្រ អភិវឌ្ឍន៍វិស័យទេសចរណ៍ រយៈពេល៥ឆ្នាំ២០១៤ -២០១៨ របស់ខេត្តស្ទឹងត្រែង ឲ្យបានតាមការគ្រោងទុកដើម្បីទាក់ទាញភ្ញៀវទេសចរណ៍ជាតិនិងអន្តរជាតិចាប់អារម្មណ៏ហើយនាំគ្នាមកទស្សនានៅតាមរម្មណីយដ្ឋានវប្បធម៌ ធម្មជាតិរម្មណីយ៏ដ្ឋានប្រវត្តិសាស្ត្រផ្សេងៗនៅក្នុងខេត្តឲ្យបានច្រើន។
លោកអភិបាលខេត្ត មានប្រសាសន៍បន្ថែមថាៈ ភាពទាក់ទាញភ្ញៀវ មន្ទីរទេសចរណ៍ត្រូវតែមានភាព ច្នៃប្រឌិតគ្រប់បែបយ៉ាង សំរាប់បម្រើឲ្យវិស័យទេសចរណ៏ និងស្វែងរកដៃគូរ មកចូលរួមវិនិយោគកន្លងមកភ្ញៀវទេសចរណ៍ទាំងអស់គាត់ចង់មើលផ្សោតគាត់មើល ទឹកធ្លាក់ពីប្រទេសឡាវវិញ គាត់យកស៊ីមែលមើល គាត់បង់លុយឲ្យប្រទេសឡាវ ហើយគាត់មើលផ្សោតនៅក្នុងប្រទេសកម្ពុជា អញ្ចឹងដើម្បីស្រូបយកវិស័យទេសចរណ៍ធម្មជាតិ យើងជំរុញឲ្យមន្ទីរទេសចរណ៍ យើងសហការជាមួយ និងអ្នកវិនិយោគ ដើម្បីរៀបចំតំបន់ទេសចរណ៍ឲ្យល្អឡើងវិញ ដើម្បីទាក់ទាញភ្ញៀវទេសចរណ៍ ហើយក៏ជាលំហូរនាំមកភ្ញៀវទេសចរណ៍អន្តរជាតិ ទី១ ត្រូវរៀបចំទីកន្លែងស្នាក់នៅ កន្លែងហូបចុក កន្លែងកំសាន្ត ហើយនិងធានាអនាម័យ និងសណ្តាប់ឲ្យបានល្អប្រសើរ ។
លោកប្រធានមន្ទីរទេសចរណ៍បញ្ជាក់ថា៖ តាមផែនការយុទ្ធសាស្ត្រអភិវឌ្ឍន៍វិស័យទេសចរណ៍ ៥ ឆ្នាំរបស់មន្ទីរទេសចរណ៍ខេត្តបានរៀបចំគោលការធំៗចំនួន ៨ សំរាប់លើកស្ទួយដល់វិស័យទេសចរណ៍ទី១ការអភិវឌ្ឍន៍ផលិតផលទី២ការរៀបចំទីផ្សារនិងការផ្សព្វផ្សាយ ទី៣ ការអភិវឌ្ឍន៍ហេដ្ឋារចនាសម្ពន័ ទី៤ ការវិនិយោគ ទី៥ ការអភិរក្ស និងការគ្រប់គ្រងកាកសំណល់ ទី៦ ការអភិវឌ្ឍន៍ធនធានមនុស្ស ទី៧ ការពង្រឹងសន្តិសុខសុវត្តិភាពភ្ញៀវ និងទី៨ ពង្រឹងច្បាប់ទេសចរណ៍ក្នុងខេត្តស្ទឹងត្រែងនេះ៕ដោយផន សុខជាតិ
