សៀមរាប រដ្ឋមន្ត្រីនៃប្រទេសទាំងបី កម្ពុជា ឡាវ និង វៀតណាម បានអញ្ជើញចូលរួមនៅក្នុងកិច្ចប្រជុំលើកទី៩ របស់កម្មាធិការសម្របសម្រួលចម្រុះ ស្តីពីការអភិវឌ្ឍន៍តំបន់ត្រីកោណ ( CLV JCC ) នាព្រឹកថ្ងៃទី១២ ខែកញ្ញា ឆ្នាំ២០១៤ ដែលបានប្រព្រឹត្តិទៅនៅក្រុងសៀមរាប ។ លោកស៊ុន ចាន់ថុលទេសរដ្ឋមន្ត្រី រដ្ឋមន្ត្រីក្រសួងពាណិជ្ជកម្ម មានវត្តមានតំណាងប្រតិភូភាគីកម្ពុជា ដែលជាភាគីម្ចាស់ផ្ទះ ។ ខាងភាគីឡាវ គឺមានវត្តមាន លោកសមឌី ដួងឌី ( SomDouangDyរដ្ឋមន្ត្រីក្រសួងផែនការនិងវិនិយោគនៃសាធារណរដ្ឋប្រជាធិបតេយ្យប្រជាមានិតុឡាវ។ ចំណែកឯភាគីវៀតណាមគឺមានវត្តមានរបស់លោកប៊ុយក្វាងវិញ(BuiQuangVinh) រដ្ឋមន្ត្រីក្រសួងផែនការនិងវិនិយោគ នៃសាធារណរដ្ឋសង្គមនិយមវៀតណាម ។
ជាមួយគ្នានេះក្នុងនាមអាជ្ញាធរដែនដី គឺមានវត្តមានលោកឃឹម ប៊ុនសុង អភិបាល នៃគណអភិបាលខេត្តសៀមរាប ។ កិច្ចប្រជុំមួយនេះមិនត្រឹមតែជាវេទិកាសម្រាប់សមាជិកអនុគណកម្មការនិងគណកម្មាធិការចម្រុះ បានត្រួតពិនិត្យមើលភាពជឿនលឿននៃការអនុវត្តលទ្ធផលនៃការប្រជុំ CLV JCC លើកទី៨ និង កិច្ចប្រជុំកំពូលរបស់ CLV លើកទី៧ និងបានពីនិត្យមើល ការអនុវត្តផែនការមេកែសម្រួល ដែលបានអនុម័តនៅឯកិច្ចប្រជុំកំពូល CLV លើកទី៦ នៅរាជធានីភ្នំពេញកន្លងមកប៉ុណ្ណោះទេ ប៉ុន្តែកិច្ចប្រជុំ លើកទី៩ របស់គណកម្មាធិការសម្របសម្រួលចម្រុះ ស្តីពីការអភិវឌ្ឍន៍តំបន់ត្រីកោណ កម្ពុជា ឡាវ វៀតណាម ( CLV JCC ) គឺមានសារសំខាន់ សម្រាប់រៀបចំគម្រោងថ្មីផងដែរដើម្បីទាក់ទាញមូលនិធិថ្មីពីដៃគូអភិវឌ្ឍន៍ជាពិសេសគឺទាក់ទាញមូលនិធិ ពីប្រទេសជប៉ុន ។ បន្ទាប់ពីកិច្ចស្វាគមន៍របស់លោកឃឹមប៊ុនសុងអភិបាលនៃ
គណៈអភិបាលខេត្តរួចមកនៅក្នុងកិច្ចប្រជុំនេះ ភាគីកម្ពុជាលោកស៊ុនចាន់ថុលទេសរដ្ឋមន្ត្រីរដ្ឋមន្ត្រីក្រសួងពាណិជ្ជកម្ម បានសម្តែងនូវអំណរគុណចំពោះភាគីវៀតណាម ដែលបានបង្ហាញនូវការយល់ព្រម ដើម្បីបានកម្ពុជាអាចបញ្ចប់ ការអនុវត្តគម្រោងកែសម្រួល ក្រោមជំនួយឥតសំណងរបស់ជប៉ុន បានទាន់វេលា ក្នុងទំហំទឹកប្រាក់ ២០ លានដុល្លា ។ លោកស៊ុនចាន់ថុលបានវាយតម្លៃថានេះគឺជាកិច្ចប្រជុំមួយដ៏ជោគជ័យ ដោយសារតែទទួលបាននូវការគាំទ្រពីសំណាក់រាជរដ្ឋាភិបាល រដ្ឋាភិបាលនៃប្រទេសទាំង៣ ( កម្ពុជា ឡាវ វៀតណាម ) នៅក្នុងការអនុវត្តឲ្យមានប្រសិទ្ធិភាពនូវលទ្ធផលនៃ
កិច្ចប្រជុំ CLV JCC លើកទី៨ កិច្ចប្រជុំកំពុល CLV លើកទី៧ និងលទ្ធផលនៃការអនុវត្តផែនការមេកែសម្រួលជាពិសេសបានអនុវត្តប្រកបដោយជោគជ័យ ការព្រមព្រៀងត្រួតពិនិត្យឡើងវិញនូវអនុស្សរណៈយោគយល់គ្នាកិច្ចព្រមព្រៀងទ្វេរភាគីនិងតំបន់ ដើម្បីរៀបចំកិច្ចព្រមព្រៀងស្តីពីការជំរុញនិងសម្រួលពាណិជ្ជកម្ម កម្ពុជា ឡាវ និង វៀតណាម សម្រាប់ការអភិវឌ្ឍន៍តំបន់ត្រីកោណ ។ លោកស៊ុន ចាន់ថុលក៏បានបង្ហាញនូវក្នុងឱកាសបិទកិច្ចប្រជុំនេះថា លទ្ធផលនៃកិច្ចប្រជុំ CLV JCC លើកទី៩ និង អនុសាសន៍ដែលបានអនុម័តដោយកិច្ចប្រជុំនេះ គឺជាវត្ថុដ៏មានតម្លៃ សម្រាប់យកទៅអនុវត្តដោយមន្ត្រី និងអ្នកធ្វើគោលនយោបាយនៃប្រទេសទាំងបី តំបន់ត្រីកោណ ( កម្ពុជា ឡាវ និង វៀតណាម ) ។ ក្នុងនោះដែរលោកសមឌី ដួងឌី ( SomDouangDy )រដ្ឋមន្ត្រីក្រសួងផែនការនិងវិនិយោគ នៃ សាធារណរដ្ឋប្រជាធិបតេយ្យប្រជាមានិតុឡាវនិងលោកប៊ុយក្វាង
វិញ(BuiQuangVinh) រដ្ឋមន្ត្រីក្រសួងផែនការនិងវិនិយោគ នៃសាធារណរដ្ឋសង្គមនិយមវៀតណាមក៏បានលើកឡើងពីលទ្ធផលនៃប្រទេសទាំងពីរបានអនុវត្តកន្លងមកព្រមទាំង បានលើកនូវបទពិសោធន៍ និង អនុសាសន៍មួយចំនួន សម្រាប់នៃកិច្ចប្រជុំផងដែរ ។ ឆ្លងតាមកិច្ចដំណើការទៅតាមរបៀបវារៈនៃកិច្ចប្រជុំលើកទី៩ នៃគណកម្មាធិការសម្របសម្រួលចម្រុះស្តីពីការអភិវឌ្ឍន៍តំបន់ត្រីកោណ កម្ពុជា- ឡាវ -វៀតណាម( CLV JCC )រួចមកគណៈរដ្ឋមន្ត្រីទាំងបីប្រទេសក៏បានចុះហត្ថ- លេខាទៅលើកំណត់ហេតុនៃលទ្ធផលនៃកិច្ចប្រជុំរយៈពេលបីថ្ងៃនេះផងដែរ ៕ ចននី
