ក្រសួងការពារបរិស្ថានសិង្ហបុរីបាន ប្រកាសកាលពីថ្ងៃទី១៦ ខែកញ្ញាឱ្យដឹង ថា បរិយាកាសនៅក្នុងប្រទេសនេះរង ផលប៉ះពាល់យ៉ាងខ្លាំង ដោយសារតែ ភ្លើងឆេះព្រៃនៅកោះស៊ូម៉ាត្រា ប្រទេស ឥណ្ឌូនេស៊ី ។ បរិយាកាសមិនល្អធ្វើឱ្យប៉ះ ពាល់យ៉ាងខ្លាំងដល់សុខភាពប្រជាពលរដ្ឋ ក្រសួងការពារបរិស្ថានសិង្ហបុរីបាន ប្រកាសឱ្យដឹងថា កម្រិតដេញជាតិពុល នៅក្នុងបរិយាកាសកើនឡើងដល់ ១១១ តាមរង្វាស់ PSI នៅវេលាម៉ោង៧ព្រឹក ថ្ងៃទី១៦ ខែកញ្ញា ។ កម្រិតជាតិពុលដែល អាចប៉ះពាល់ដល់សុខភាពមនុស្ស គឺ ចាប់ពី ១០១-២០០ ។ រដ្ឋាភិបាលសិង្ហ បុរីក៏បានអំពាវនាវដល់ពលរដ្ឋដែលមាន ជំងឺផ្លូវដង្ហើម និងបេះដូងមិនត្រូវធ្វើដំ ណើរចេញទៅក្រៅនោះឡើយ បើចេញ ទៅក្រៅចាំបាច់ត្រូវតែមានការការពារ ឱ្យបានល្អ ជៀសវាងរងផលប៉ះពាល់ ។
តាមការប្រកាសរបស់ក្រសួងបរិស្ថាន សិង្ហបុរីបានឱ្យដឹងថា ភ្លើងឆេះព្រៃនៅ ភាគខាងត្បូងកោះស៊ូម៉ាត្រា ប្រទេស ឥណ្ឌូនេស៊ីកើតឡើងតាំងពី៣-៤ថ្ងៃមក ម្ល៉េះ ដោយសារអាកាសធាតុក្ដៅហួត ហែង ហើយភ្លើងឆេះព្រៃនឹងបន្ដជាច្រើន ថ្ងៃថែមទៀត ។ ពេលនេះបរិយាកាស ប្រទេសសិង្ហបុរីគ្របដណ្ដប់ដោយផ្សែង អ័ព្ទ ។ កាលពីខែសីហាកន្លងមករដ្ឋាភិបាល សិង្ហបុរីបានប្រកាសផាកពិន័យដល់បុគ្គល ណា ឬក្រុមហ៊ុនណាដែលបង្កឱ្យមាន ផលប៉ះពាល់បរិយាកាសអាចផាកពិន័យ ជាទឹកប្រាក់ដល់ទៅជាង១.៥លានដុល្លារ។ ជារៀងរាល់ឆ្នាំ សិង្ហបុរី និងម៉ាឡេស៊ី តែងតែទទួលរងផលប៉ះពាល់ពីភ្លើងឆេះ ព្រៃនៅរដូវក្ដៅ ចាប់ពីខែមិថុនា ដល់ ខែកញ្ញា ។ ពលរដ្ឋឥណ្ឌាណេស៊ីក៏ទទួល បានសំណើឱ្យពាក់ម៉ាស់ពេលធ្វើដំណើរ ទៅខាងក្រៅជៀសវាងរងផលប៉ះពាល់ 9 ។ដោយផន សុខជាតិ
