ហុងកុងៈការធ្វើបាតុកម្មអូសបន្លាយរយៈពេល ជាង១សបា្ដហ៍កន្លងមករបស់ពលរដ្ឋ ហុងកុង ពិសេស សិស្ស និស្សិត ដើម្បី ប្រឆាំងទៅនឹងច្បាប់បោះឆ្នោតថ្មីដែល រដ្ឋាភិបាលទីក្រុងប៉េកាំងបានកំណត់ឱ្យ ក្នុង នោះបេក្ខភាពឈរឈ្មោះត្រូវមានការ ទទួលស្គាល់ពីរដ្ឋាភិបាលចិន ។ ពលរដ្ឋ ហុងកុងចង់មានការបោះឆ្នោតដោយសេរី ជ្រើសរើសមេដឹកនាំដែលខ្លួនពេញចិត្ដ បំផុត ។សារព័ត៌មានហុងកុងកាលពីថ្ងៃទី២៩ ខែកញ្ញាបានផ្សព្វផ្សាយថា ក្រោយការ ប៉ះទង្គិចគ្នាពេញមួយយប់រវាងបាតុករ នឹងប៉ូលិស ។ ក្រុមបាតុករបានបិទច្រក ផ្លូវសំខាន់ៗនៅទីក្រុងហុងកុង ដោយនាំ គ្នាដេកនៅកណ្ដាលផ្លូវនោះតែម្ដង ។
នៅព្រឹកថ្ងៃទី២៩ ខែកញ្ញា ប៉ូលិសហុង កុងខិតខំធ្វើចរាចរណ៍ដើម្បីឱ្យរថយន្ដអាច ធ្វើដំណើរទៅបំពេញការងារដូចសព្វ ថ្ងៃ ប៉ុន្ដែក្រុមបាតុករមិនព្រមបើកផ្លូវឱ្យនោះ ឡើយ ។នៅវេលាម៉ោង៩និង២៥នាទីព្រឹក ថ្ងៃ ទី២៩ កញ្ញា និស្សិតជាង២០០នាក់មក ពីសាលា Memorial Yao CNEC ស្ថិត នៅស្រុក Kwai Tsing ក៏បាននាំគ្នាធ្វើកូដ កម្ម ដោយជិះមកអង្គុយជាក្រុមនៅខាង មុខទីធ្លាសាលា ។e>
និស្សិតត្រកូលលីម្នាក់ ជាអ្នកដឹកនាំធ្វើកូដកម្មបានជំរុញឱ្យ និស្សិតទាំងអស់ ផ្អាកការសិក្សា ដោយ ចេញមកធ្វើកូដកម្ម ដើម្បីប្រឆាំងទៅ នឹងការប្រើអំពើហិងង្សារបស់ប៉ូលិសទៅ លើក្រុមបាតុករ ។នៅព្រឹកថ្ងៃទី២៩ កញ្ញា ធនាគារចំនួន ១៧នៅហុងកុងបានបិទ ទ្វារជាណ្ដោះ អាសន្ន និង២៦សាខាធនាគារផ្សេងទៀត ក៏ត្រូវបិទទ្វារផងដែរ ខ្លាចរងផលប៉ះពាល់ដោយសារតែសកម្មភាពធ្វើបាតុកម្ម ដែលផ្ដួចផ្ដើមឡើងដោយក្រុមនិស្សិត ។
ការធ្វើមហាបាតុកម្មអូសបន្លាយជាង ១សបា្ដហ៍កន្លងមក គឺដើម្បីប្រឆាំងទៅ នឹងគម្រោងគ្រប់គ្រងទាំងស្រុងនៅលើ កោះហុងកុង ដោយការអនុវត្ដគោល នយោបាយនានាចាំបាច់ត្រូវតែទទួល ការឯកភាពពីទីក្រុងប៉េកាំង ។ការធ្វើបាតុកម្មនោះអាចបណ្ដាលឱ្យ មានមនុស្ស៣៨នាក់រងរបួស បញ្ជូនទៅ កាន់មន្ទីរពេទ្យសង្គ្រោះ ចំណែកភាគី ប៉ូលិសក៏មាន៦នាក់រងរបួសផងដែរ ។ បាតុកម្មដែលអូសបន្លាយជាច្រើនថ្ងៃនោះ សូម្បីតែប៉ូលិសក៏ហេវហត់ធុញទ្រាន់ ទៅនឹងការទប់ស្កាត់ក្រុមបាតុករផងដែរ។
