ខេត្តបន្ទាយមានជ័យ
ប្រជាពលរដ្ធរស់នៅភូមិកំពង់ស្វាយ សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យបាននាំគ្នានិយាយទាំងកំហឹងថាផ្លូវក្នុងភូមិកំពង់ស្វាយខូចខាតខ្ទេចខ្ទីស្ទើរអស់ទាំងស្រុងគេពុំដែលឃើញមុខលោកមេឃុំកំពង់ស្វាយ អភិបាលក្រុងនិងលោកអភិបាលខេត្តចុះមកមើលនិងធ្វើការជួសជុលផ្លូវដ៏សែនលំបាកនោះឡើយជាពិសេសលោកមេឃុំដឹងហើយថាផ្លូវក្នុងភូមិនេះពិបាកក្នុងការធ្វើចរាចរទៅមកខ្លាំងយ៉ាងណាក៏ដោយក៏លោកមេឃុំពុំឈឺក្បាលអ្វីនោះដែរអស់រយះពេលជាង៦ឆ្នាំកន្លងមកហើយទើបថ្ងៃទី៣០ខែកញ្ញាឆ្នាំ
២០១៤នេះលោកប្រធានភូមិកំពង់ស្វាយបានផ្តួចផ្តើមមូលមតិចូលលុយជាមួយប្រជាពលរដ្ធទិញដីយកមកចាក់ផ្លូវដ៏សែនលំបាកនេះដើម្បីឲ្យប្រជាពលរដ្ធបានដើរស្រួល។លោកសីុកាសឈាវភេទប្រុសអាយុ៥៥ឆ្នាំជាមេភូមិកំពង់ស្វាយបាននិយាយថាផ្លូវក្នុងភូមិរបស់គាត់ខូចខាតស្ទើរតែអស់ទាំងស្រុងដោយសារតែទឹកជំនន់និងទឹកភ្លៀងនិងដោយសារតែរថយន្តដឹកដីបើកកាត់ទៅមកៗបែនខូចខ្ទេចអស់អស់រយះពេល៦ឆ្នាំហើយទើបផ្លូវក្នុងភូមិនេះខូចស្ទើរតែដើរទៅមកពុំរួច។លោកឈាវបាននិយាយបន្តថាផ្លូវក្នុងភូមិខូចប៉ុណ្ណឹងហើយលោកបាន
រាយការណ៍ទៅលោកមេឃុំនិងលោកអភិបាលក្រុងនិងលោកអភិបាលខេត្តដែរតែរយះពេលបុ៉ន្មានឆ្នាំចុងក្រោយនេះគេពុំដែលបានឃើញអស់លោកទាំងនោះចុះមកពិនិត្យនិងធ្វើការជួសជុលផ្លូវក្នុងភូមិដ៏សែនលំបាកនេះឡើយ។ដោយសារការរង់ចាំការចុះមកធ្វើរបស់អស់លោកពុំបានទៀតនោះទើបប្រជាពលរដ្ធស្មាក់ចិត្តរៃលុយគ្នាទិញដីយកមកចាក់ផ្លូវដែលខូចដើរដ៏សែនលំបាកនោះ។លោកឈាវបាននិយាយបន្តថាផ្លូវដែលប្រជាពលរដ្ធរៃលុយគ្នា
ចាក់ថ្ងៃនេះចាប់ពីផ្លូវចុះលេខ៤ដល់ផ្លូវលេខ៦ដែលមានប្រវែង២០០ម៉ែត្រត្រូវចំណាយលុយចាក់ដី២០ឡានគុណនិងមួយឡាន៨៥០០០រៀលដែលប្រជាពលរដ្ធរស់នៅតាមផ្លូវនោះចំនួន២០គ្រួសារជាអ្នកចេញ។ប្រជាពលរដ្ធរស់នៅតាមដងផ្លូវនោះបាននិយាយទាំងកំហឹងថាផ្លូវក្នុងភូមិដែលខូចដើរមិនចង់រួចនេះសព្វថ្ងៃនេះទាល់តែប្រជាជនចេញលុយធ្វើខ្លួនឯងទើបផ្លូវបានដើរស្រួលបើរង់ចាំឲ្យអាជ្ញាធរខេត្តចុះមកធ្វើនោះដូចកាប់បំពង់រង់ចាំទឹកភ្លៀងអញ្ចឹង។លោកឈាវបានសំនូមពដល់លោកអាជ្ញាធរខេត្តបើផ្លូវលោកចាក់ដើរស្រួលហើយសូមលោកចាក់ដីគ្រួសក្រហមពីលើផងទើបវាជាប់បានយូរអង្វែង៕
