ខេត្តព្រះសីហនុ កាលពីថ្ងៃចុងសបា្តហ៍កន្លងទៅថ្មីៗនេះ ប្រតិភូរដ្ឋបាលជលផលនៃក្រសួងកសិកម្ម រុក្ខប្រមាញ់ និងនេសាទ ដែលដឹកនាំដោយ ឯកឧត្តមបណ្ឌិតសាស្ត្រាចារ្យណៅធួក ប្រតិភូរាជរដ្ឋាភិបាលកម្ពុជាទទួល បន្ទុកជាប្រធានរដ្ឋបាលជលផល បានអញ្ជើញទទួលស្វាគមន៍នាវា
ស្រាវជ្រាវ KOYO-MARU នៃសកលវិទ្យាល័យជលផលជាតិនៃប្រទេសជប៉ុនដែលបានចុះមកសិក្សាស្រាវជ្រាវ និងវាយតម្លៃវិស័យជលផលនៃព្រះរាជាណាចក្រកម្ពុជា រយះពេល១២ថ្ងៃនៅខេត្តព្រះសីហនុ ។
លោក Capitain Masaaki Shimojoប្រធាននាវាស្រាវជ្រាវKOYO-MARU បានធ្វើការណែនាំនូវវត្តមាននិសិត្សចំនួនប្រមាណ៥០ រូបដែលបានចុះមកធ្វើកម្មសិក្សាវាយតម្លៃជលផលសមុទ្រនៃព្រះរាជាណាចក្រកម្ពុជា ព្រមទាំងបានអញ្ជើញ ប្រតិភូរដ្ឋបាលជលផល ទស្សនកិច្ចស្វែងយល់អំពីរសម្ភារះបច្ចេកទេសស្រាវជ្រាវ ដែលបានបំពាក់នៅក្នុងនាវាស្រាវជ្រាវKOYO-MARU មានដូចជា ប្រព័ន្ធCTD ប្រព័ន្ធTDCP ប្រព័ន្ធEco Sounder ដែលជាប្រព័ន្ធសំរាប់គ្រប់គ្រង
ព័ត៌មានអំពីសាគរសាស្ត្រ និងឧបករណ៍Lavanetឧបករណ៍Nor Packnetឧបករណ៍អួនអូសគឺជាឧបករណ៍តាមដាននិងវាយតម្លៃទៅលើភាពសម្បូណ៌នៃផលត្រីស្រទាប់លើJelly Fish និងបន្ទប់ Computerតាមដានដោយប្រព័ន្ធផ្កាយរណប បន្ទប់ពិសោធន៍ បន្ទប់បញ្ជារនាវា និងសម្ភារះផ្សេងៗទៀត ។
ឯកឧត្តមបណ្ឌិតសាស្ត្រាចារ្យណៅធួក បានមានប្រសាសន៍ថានេះជាលើកទីពីរក្នុង ការវាយតម្លៃស្តីពីធនធានជលផលសមុទ្រត្រូវបានអនុវត្តន៍នៅលើផ្ទៃទឹកនៃព្រះរាជាណាចក្រកម្ពុជា ដោយលើកដំបូងក្នុងទស្សវត្ស ១៩៨០ និងក្នុងឆ្នាំ ២០០៥ ដោយនាវាMV SEAFDEC2ស្ថិតនៅក្រោមកម្មវិធីថ្នាក់ជាតិ ក្នុង កិច្ចសហប្រតិបត្តិការជាមួយនាយកដ្ឋានហ្វឹកហ្វឺនSEAFDEC។ គម្រោងវាយតម្លៃត្រូវបានសហការជាមួយរដ្ឋបាលជលផលនៃក្រសួងកសិកម្ម រុក្ខាប្រមាញ់និងនេសាទ ការវាយតម្លៃនេះមានគោលបំណង ចំនួន៤ដ៏សំខាន់ដូចជា ធនធានជលផល សាគរសាស្ត្រ ផលិតផលដំបូងនិងជីវសាស្ត្រ។
ឯកឧត្តមបណ្ឌិតសាស្ត្រាចារ្យណៅធួកបានមានប្រសាសន៍បន្តទៀតថា អនុស្សរណះនៃការយោគយល់ (MOU) រវាង SEAFDEC និង NFUត្រូវបានចុះហត្ថលេខានៅខែ ឧសភា ឆ្នាំ២០០៥ ត្រូវបានរៀបចំផែនការ ស្តីពីការវាយតម្លៃធនធានជលផល ដែលដាក់ឲ្យប្រើប្រាស់ការហ្វឹកហ្វឺនរបស់ NFU និងនាវាស្រាវជ្រាវ ។
ក្រោមការស្នើសុំសហប្រតិបត្តិការរបស់SEAFDECជាមួយរដ្ឋបាលជលផលនៃក្រសួងកសិកម្ម រុក្ខាប្រមាញ់និងនេសាទ ដើម្បីមានសិទ្ធិចូលរួមវាយតម្លៃប្រភពធនធានជលផលនិងការវាយតម្លៃ សាគរសាស្ត្រស្ថិតនៅក្នុងផ្ទៃទឹកនៃប្រទេសកម្ពុជា។គោលបំណងនេះនឹងធ្វើការវាយតម្លៃដូចតទៅ • យល់ដឹងពីធនធានជលផល ភាពសម្បូណ៌ និងរបាយ និងសមាសភាគរួមផ្សំ • យល់ដឹងពីល័ក្ខខណ្ឌសាគរសាស្ត្រនៃឆ្នេរសមុទ្រ និងតំបន់ច្រាំងសមុទ្រ • ការពង្រឹងចំណេះដឹងរបស់អ្នកស្រាវជ្រាវ ឯកឧត្តមបណ្ឌិតសាស្ត្រាចារ្យណៅធួក បានផ្តល់អនុសាសន៍
ថា ការបង្ហាញកម្មវធីវាយតម្លៃ ដែល សហប្រតិបត្តិការជាមួយ NFU សំរាប់ធនធានជលផលសមុទ្រស្ថិតក្នុងផ្ទៃទឹកនៃព្រះរាជាណាចក្រកម្ពុជា គឺមានតួនាទីដ៏សំខាន់ក្នុងការផ្តល់ព័ត៌មានអំពី ធនធានជលផល សាគរសាស្ត្រ ការបង្កើតលើកដំបូង ជីវសាស្ត្រ និងការពង្រឹងចំណេះដឹងរបស់អ្នកស្រាវជ្រាវ ៕
