ខេត្តកោះកុង៖ក្រោមបទបញ្ជាផ្ទាល់ពីឧត្តមសេនីយ៍ឯក ទូច ពលៈ ប្រធាននាយកដ្ឋាននគរបាលការពារព្រំដែន ទឹក.កម្លាំងប៉ុស្តិ៍នគរបាលការពារព្រំដែនទឹកវរសេនាតូចលេខ២៦៩ប្រចាំខេត្តកោះកុងនៅយប់ម៉ោង៣កន្លះទៀបភ្លឺចូលថ្ងៃ១៧តុលា២០២៥បានធ្វើការស្ទាក់ចាប់បានទូកល្បឿនលឿនមួយគ្រឿងដឹក ទំនិញឆ្លងដែនពីប្រទេស ថៃនៅត្រង់ ចំណុច ខាងក្រៅច្រកចូលពាមក្រសោប ខេត្តកោះកុង។
ជុំវិញករណីខាងលើនេះសមត្ថកិច្ចបញ្ជាក់ថាទំនិញនៅលើទូកគឺជាទំនិញឆ្លងដែនចេញពីប្រទេសថៃដឹកចេញពីផែឈ្មោះគីមខ្លងស៊ុនប្រទេសថៃមានបំណងយកមកឡើងនៅព្រែកស្វាយដើម្បីដឹកបន្តតាមឡានតាក់ស៊ីទៅកាន់ច្រកព្រំដែនអន្តរជាតិព្រែកចាកក្នុងខេត្តកំពត ។
សមត្ថកិច្ចរឹបអូសបានរួមមាន៖១-ក្ដាមសក ចំនួន ១៩កេសតូច និង១០កេសធំ. ២-ក្តាមបង្កក ចំនួន ០៥កេស. ៣-ជើងមាន់បង្កក ចំនួន១២កេស. ៤-ដបទឹក ចំនួន ៤កេស. ៥-ថ្នាំលាបពណ៌កំប៉ុងដែក ចំនួន ៧កេស. ៦-ឆ្នាំលាបប្រភេទ TK ចំនួន ៣កេស. ៧-ថ្នាំលាបប្រឆាំងច្រេះ ចំនួន ៥កេស. ៨-ថ្នាំសារធាតុប្រតិកម្មតូលូអ៊ីនចំនួន១០កេស. ៩-កាហ្វេ ចំនួន ២កេស. ១០-ស្លឹកកាធម ០២កេស. ១១-ស្រោមដៃក្រណាត់ ចំនួន ១បេធំ។ម្ចាស់ទូកជាពលរដ្ឋខ្មែររស់នៅ ភូមិស្ទឹងវែង សង្កាត់ ស្ទឹងវែង ក្រុងខេមរភូមិន្ទ ខេត្តកោះកុង។បច្ចុប្បន្ន៖ ទូករួមនិងទំនិញទាំងអស់ ត្រូវបាន នគរបាលការពារព្រំដែនទឹកវរសេនាតូចលេខ២៦៩ បានប្រគល់ជូនរដ្ឋបាលខេត្តកោះកុងដើម្បីចាត់ចែងបន្តតាមនិតិវិធី៕
នាគសមុទ្រ
