ប៉ូលិសហុងកុង៧នាក់ក៏ត្រូវបានចាប់ ខ្លួននៅពេលដែលបានវាយទៅលើក្រុម បាតុករទាមទារលទ្ធិប្រជាធិបតេយ្យ កាលពីថ្ងៃទី២៧ ខែវិច្ឆិកា ។ ប៉ូលិស ដែលត្រូវចាប់ខ្លួននោះរងការចោទ ប្រកាន់បង្កឱ្យមានរបួស្នាមជាទម្ងន់ដល់ ក្រុមបាតុករ ។ ករណីចាប់ខ្លួនប៉ូលិសខាងលើបន្ទាប់ ពីមានការ
ប៉ះទង្គិចគ្នាតាំងពីថ្ងៃទី១៥ ខែ វិច្ឆិកា ដោយវាយទៅលើបាតុករនៅ ពេលបាតុករព្យាយាមរារាំងប៉ូលិសមិន ឱ្យរុះរើរនាំងដែលក្រុមបាតុករបង្កើត ឡើង។ បាតុករមួយរូបឈ្មោះ Ken Tsang ត្រូវប៉ូលិសចងស្លាបសេកហើយ អូសទៅកន្លែងស្ងាត់វាយបណ្ដាលឱ្យរង របួសជាទម្ងន់ ។ ទិដ្ឋភាពនៃការវាយ ប្រហារត្រូវបានបណ្ដាញទូរទស្សន៍ TVB ថតបានហើយផ្សព្វផ្សាយ បង្កឱ្យមានការ ខឹងច្រឡោតយ៉ាងខ្លាំងពីប្រជាពលរដ្ឋ ។
បន្ទាប់ពីមានសកម្មភាពខាងលើ ប៉ូលិសដែលជាប់ពាក់ព័ន្ធក៏ត្រូវបានផ្អាក ការងារ ហើយត្រូវចាប់ខ្លួនកាលពីថ្ងៃទី ២៧ ខែវិច្ឆិកា ខណៈដែលមេធាវីជនរង គ្រោះប្ដឹងតវ៉ា ។
ប៉ូលិសហុងកុងទទួលរងការរិះគន់ យ៉ាងខ្លាំងដោយសារតែសកម្មភាពវាយ ប្រហារទៅលើបាតុករយ៉ាងសាហាវព្រៃ ផ្សៃ ។ នៅពេលនេះដែរ ក្រុមបាតុករ ក៏ បានព្យាយាមមកគ្រប់គ្រងផ្លូវថ្នល់ជាថ្មី ឡើងវិញ ក្រោយប៉ូលិសបានរុះរើបំបែក ហ្វូងបាតុករកាលពីថ្ងៃទី២៦ ខែវិច្ឆិកា ។
នៅក្នុងសកម្មភាពបង្ក្រាបហ្វូងបាតុ ការកាលថ្ងៃទី២៦ ខែវិច្ឆិកា ប៉ូលិស ហុងកុងបានឃាត់ខ្លួនបាតុកររហូតដល់ ១៤០នាក់ ក្នុងរយៈពេល២៤ម៉ោង ក្នុង នោះមានមេដឹកនាំបាតុករសំខាន់ៗជា ច្រើនរូបដែលរងការចោទប្រកាន់ពីបទ រារាំងវាយប្រហារទៅលើសមត្ថកិច្ច ដែលកំពុងបំពេញភារកិច្ច ។
សកម្មភាពរុះរើរបងរបស់បាតុករ បង្កឱ្យមានការប៉ះទង្គិចគ្នាជាទ្រង់ទ្រាយ ធំ។ ប៉ូលិសប្រមាណ៤ពាន់នាក់ទៅកាន់ តំបន់នោះជួយជាកម្លាំងក្នុងការរុះរើឱ្យ បានជោគជ័យក្នុងរយៈពេលតែ៣ម៉ោង ប៉ុណ្ណោះប៉ូលិសបានរុះរើប្រកបដោយ ជោគជ័យ ។ ពលរដ្ឋហុងកុងភាគច្រើនមានការ ខកចិត្ដយ៉ាងខ្លាំងចំពោះរដ្ឋាភិបាលរបស់ ខ្លួនដែលស្ថិតនៅក្រោមការជ្រើសរើស តែងតាំងពីចិនដីគោក ។ ហុងកុងចង់ឱ្យ មានមេដឹកនាំកើតឡើងដោយការបោះ ឆ្នោតជ្រើសរើសពីប្រជាពលរដ្ឋ ។
ពលរដ្ឋហុងកុងធ្លាប់រស់នៅដោយ សេរីភាព និងការអភិវឌ្ឍក្នុងរបបគ្រប់ គ្រងដោយចក្រភពអង់គ្លេស។ ក្រោយ ពេលអង់គ្លេសប្រគល់សងកោះហុងកុង ឱ្យប្រទេសចិនវិញ ពលរដ្ឋរស់នៅលើ កោះនេះបានបាត់បង់សិទ្ធិសេរីភាពរបស់ ខ្លួនបន្ដិចម្ដងៗ ។ ពលរដ្ឋហុងកុងមួយ ចំនួនធំ មិនទទួលស្គាល់ខ្លួនឯងថាជាជន ជាតិចិននោះឡើយ ដោយពួកគេមិន អាចទទួលយករបបគ្រប់គ្រងកុម្មុយនីស្ដ បានឡើយ
