ប្រភពពីមេធាវីបានបញ្ជាក់ថា តុលា ការយោធានីហ្សេរីយ៉ា កាលពីថ្ងៃទី១៧ ខែធ្នូ ឆ្នាំ២០១៤ បានកាត់ទោសទាហាន ៥៤នាក់ជាប់ពន្ធនាគារអស់មួយជីវិត ក្រោមបទចោទប្រកាន់ថាបានបះបោរ បន្ទាប់ពីពួកគេបដិសេធធ្វើប្រតិបត្ដិការ ប្រឆាំងជាមួយក្រុមឧទ្ទាមបូកូហារ៉ាម ស្ថិតនៅភាគខាងជើង
ប្រទេសនោះ ។មេធាវីការពារសិទ្ធិមនុស្សដ៏ល្បីឈ្មោះ លោក Femi Falana បានថ្លែងថា បន្ទាប់ពីតុលាការយោធាបានធ្វើ សវនាការចាប់តាំងពីថ្ងៃទី១៥ ខែតុលា មកទល់ពេលនេះ ដោយមានការបិទទ្វារ ផងនោះ “ពួកគេត្រូវបានកាត់ទោសអស់ មួយជីវិត៥៤នាក់ និង៥នាក់ត្រូវដោះ លែងឱ្យមានសេរីភាព” ។ ក្រុមអ្នកព័ត៌ មានមិនត្រូវបានអនុញ្ញាតឱ្យចូលស្ដាប់ សវនានោះឡើយ ហើយមន្ដ្រីយោធា ក៏ មិនត្រូវអនុញ្ញាតឱ្យផ្ដល់ព័ត៌មានផងដែរ។
ករណីស្រដៀងនេះផងដែរ កាលពីខែ កញ្ញា ឆ្នាំ២០១៤ ទាហាន១២នាក់ត្រូវ តុលាការដាក់ទោសអស់មួយជីវិតពីបទ បះបោរដូចគ្នា ដោយសារតែពួកគេបាន បាញ់ប្រហារទៅលើថ្នាក់ដឹកនាំរបស់គេ ស្ថិតនៅភាគខាងជើងទីក្រុងMaiduguri ទីកន្លែងដែលកងទ័ពរដ្ឋាភិបាលកំពុងតែ ធ្វើសមរភូមិជាមួយក្រុមបូកូហារ៉ាម ។
កងទ័ពជួរមុខ តែងតែបានលើកឡើង ជាប្រចាំថា ពួកគេពុំមានអាវុធ ឬ សម្ភារៈផ្គត់ផ្គង់គ្រប់គ្រាន់នៅក្នុងការ ប្រឈមមុខជាមួយក្រុមឧទ្ទាមបូកូហា រ៉ាមនោះឡើយ ។ ក្រុមឧទ្ទាមនេះបាន លេចរូបរាងឡើងរយៈពេល៥ឆ្នាំមក ហើយដើម្បីបះបោរប្រឆាំងរដ្ឋាភិបាល ក្នុងគោលបំណងបង្កើតរដ្ឋcaliphate មួយស្ថិតនៅភាគខាងជើងទឹកដីនីហ្សេរីយ៉ា។ ក្រុមបូកូហារ៉ាមនេះមានរថក្រោះ, គ្រាប់រ៉ុក្កែត, គ្រាប់បែកដៃ ព្រមទាំង កាំភ្លើងធុនធ្ងន់ដទៃផ្សេងទៀតជាច្រើន ខណៈដែលកងទ័ពរដ្ឋាភិបាលត្រូវគេរាយ ការណ៍ថា ខ្វះគ្រាប់រំសេវ ក៏ដូចកាំភ្លើង សម្រាប់តទល់នោះ ។
ក្រោយពីក្រុមឧទ្ទាមដណ្ដើមបានកាន់ កាប់នៅតាមទីប្រជុំជនមួយចំនួនស្ថិត នៅភាគខាងជើងកាលពីដើមឆ្នាំនោះ, កម្លាំងយោធានីហ្សេរីយ៉ាបានប្ដេជា ប្រយុទ្ធដើម្បីដណ្ដើមតំបន់ដែលបាត់បង់ នោះត្រឡប់មកវិញ។ អង្គភាពកងពល លេខ៧មានមូលដ្ឋាននៅMaiduguri ជាអង្គភាពមានតួនាទីដឹកនាំភារកិច្ច វាយប្រហារជាមួយក្រុមឧទ្ទាមបូកូហា រ៉ាមទាំងនោះ ប៉ុន្ដែមានសេចក្ដីរាយ ការណ៍ថា កងទាហានភាគច្រើនបដិសេធ មិនព្រមចូលសមរភូមិ ។
ដោយមូលហេតុនេះហើយ ទើបធ្វើ ឱ្យមានបាតុកម្មនៅខាងក្រៅបន្ទាយ យោធា ដោយទាមទារបញ្ឈប់ប្ដីរបស់ ពួកគាត់ពីជួរសមរភូមិមុខ តំបន់មាន ជម្លោះ ក៏ព្រោះតែពុំមានបំពាក់អាវុធឱ្យ បានគ្រប់គ្រាន់ ។ ក្រុមទាហានក៏បានធ្វើ បាតុកម្មដូចគ្នានេះដែរនៅឯខាងក្រៅជំរំ ជាយក្រុង Maiduguri ។
ក្រុមទាហានដែលកាត់ទោសអស់ មួយជីវិតកាលពីថ្ងៃពុធនោះជាកង កម្លាំងនៅអង្គភាពពិសេសដែលទទួល បញ្ជាកាលពីខែសីហាឱ្យទៅធ្វើប្រតិបត្ដិ ការប្រឆាំងជាមួយក្រុមឧទ្ទាមបូកូហា រ៉ាមដើម្បីដណ្ដើមទឹកដីដែលបាត់បង់ នោះត្រឡប់មកវិញ ។
មន្ដ្រីការពារជាតិនីហ្សេរីយ៉ាបានអះ អាងថា ការបំពាក់អាវុធដល់កងយោធា ទាំងនោះពុំមានខ្វះខាតនោះទេ។ ប៉ុន្ដែ ប្រធានាធិបតី Goodluck Jonathan កាលពីដើមឆ្នាំនេះបានស្វះស្វែងរកការ អនុញ្ញាតពីសភាក្នុងសំណើខ្ចីទឹកប្រាក់ ១ពាន់ពាន់លានដុល្លារសម្រាប់ចំណាយ លើវិស័យយោធាឱ្យប្រសើរឡើងវិញ ។
ក្រុមបូកូហារ៉ាមដែលកកើតឡើង តាំងពីឆ្នាំ២០០៩មកទល់ពេលនេះបាន ធ្វើសកម្មភាពបណ្ដាលឱ្យបាត់បង់ជីវិត មនុស្សជាង១៣.០០០នាក់ ។ ក្រុមនេះ កំពុងគ្រប់គ្រងបានទីប្រជុំជន និងភូមិ ស្រុកជាច្រើនដែលលាតសន្ធឹងនៅភាគ ខាងជើងនីហ្សេរីយ៉ា ។
នៅប៉ុន្មានសបា្ដហ៍ចុងក្រោយនេះ ទាហានរដ្ឋាភិបាលបានប្រកាសពីជ័យ ជម្នះរបស់ខ្លួនដែលវាយដណ្ដើមបាន គ្រប់គ្រងវិញដែនដីដែលពួកឧទ្ទាមបាន កាន់កាប់កន្លងមកនោះ ។ ប៉ុន្ដែទោះបី បែបណាក៏ដោយ តំបន់ភាគច្រើននៅ តែស្ថិតក្រោមការគ្រប់គ្រងរបស់ពួក ឧទ្ទាមនៅឡើយ 9
