កាលពីថ្ងៃទី៣០ ខែធ្នូ ឆ្នាំ២០១៤ នៅក្នុងកិច្ចប្រជុំជាប្រចាំរបស់រដ្ឋាភិបាលប្រទេសវៀតណាម បានពិភាក្សាគ្នាអំពីស្ថានភាពសេដ្ឋកិច្ចសង្គមនៅក្នុងឆ្នាំ 2014 ។ បណ្តាសមាជិករដ្ឋាភិបាលនិងថ្នាក់ដឹកនាំក្នុងតំបន់នីមួយៗ បានវាយតម្លៃថា ក្នុងរយៈពេល១ឆ្នាំកន្លងមក សេដ្ឋកិច្ច ស្ថិរភាព
ការគ្រប់គ្រងអតិផរណាបានយ៉ាងល្អ កំណើនត្រូវបានស្តារឡើងវិញលើគ្រប់វិស័យទាំងអស់។ ចំណែកកំណើនផលិតផលក្នុងស្រុកសរុបលើសពីគោលដៅដែលបានគ្រោងទុកហើយ ខ្ពស់ជាងពីឆ្នាំមុន។
សេដ្ឋកិច្ចរបស់ប្រទេសវៀតណាម វិស័យដែលលេចធ្លោជាងគេបំផុតនោះគឺឧស្សាហកម្ម ជាពិសេសឧស្សាហកម្មកែច្នៃផលិត បានជួយរក្សាអត្រាកំណើនសេដ្ឋកិច្ចខ្ពស់។ ផលិតកម្ម កសិកម្មបានលទ្ធផលល្អ មានអត្រាកំណើនខ្ពស់ជាងកាលពី២ឆ្នាំមុន ។ ការនាំចេញផលិតផលកសិកម្មសំខាន់ៗរក្សាបានកំណើនខ្ពស់ កំណើនឥណទានក៏បានប្រសើរឡើង អត្រាការប្រាក់, ប្តូរប្រាក់បរទេសមានស្ថិរភាពទីផ្សារមូលដ្ឋាន ។ ក្រៅពីនេះសន្ដិសុខសង្គម ធានាសុវត្ថិភាពយ៉ាងប្រសើរ សន្ដិសុខ នយោបាយ សណ្តាប់ធ្នាប់ក្នុងសង្គមបានពង្រឹង ការរក្សាសន្តិសុខសុវត្ថិភាពចរាចរណ៍នៅតែបន្តទទួលបានលទ្ធផលជា វិជ្ជមាន។
នាយក រដ្ឋមន្ត្រីវៀតណាមលោក Nguyen Tan Dung មានប្រសាសន៍ថា រដ្ឋាភិបាលវៀតណាមនឹងចេញដំណោះស្រាយថ្មីមួយបន្ថែមទៀតធ្វើឲ្យប្រសើរ ឡើងវិញ នៃបរិយាកាសអាជីវកម្ម ជំរុញឲ្យមានការប្រកួតប្រជែងសេដ្ឋកិច្ចរបស់វៀតណាម។ សេចក្តីសម្រេចរបស់រដ្ឋាភិបាលនឹងបង្ហាញពីភារកិច្ចជាក់លាក់ ការងារបស់រដ្ឋាភិបាល ការងាររបស់ក្រសួងស្ថាប័ននីមួយៗត្រូវតែត្រួតនិត្យឡើងវិញនិង កែប្រែនូវគោលនយោបាយ ណាមិនសមស្របបង្កផលលំបាក សម្រាប់ការធ្វើអាជីវកម្ម។ បង្កភាពងាយស្រួល កាត់បន្ថយ ការធ្វើបែបបនីតិវិធីរដ្ឋបាលប្រើប្រាស់កម្មវិធីបច្ចេកវិទ្យាព័ត៌មាន ក្នុងការដោះស្រាយនីតិវិធីរដ្ឋបាលនិងការយកចិត្តទុកដាក់យ៉ាងជិត ស្និទ្ធទៅនឹងការអនុវត្តបុគ្គលិកនិងសាធារណជន។
នៅក្នុងកិច្ចប្រជុំជាប្រចាំរដ្ឋាភិបាលវៀតណាមនាពេលខាងមុខនឹង ពិនិត្យវាយតម្លៃវឌ្ឍនភាពនិងលទ្ធផលនៃការអនុវត្តវិធានការដើម្បីកែ លម្អបរិយាកាសអាជីវកម្មនិងបង្កើនការប្រកួតប្រជែងថ្នាក់ជាតិ ក្នុងពេលជាមួយគ្នានេះដែរនៅដើមឆ្នាំ២០១៥ តួលេខហានិភ័យនៅគ្រប់ស្ថាប័ន ក្រសួងគ្រប់ជាន់ថ្នាក់ត្រូវប្រកាសជាសាធាណៈ ។
នាយក រដ្ឋមន្ត្រីក៏បានស្នើឱ្យក្រសួងមន្ទីរដែលនៅតាមតំបន់នីមួយៗបន្ត ស្វែងរកដំណោះស្រាយ កាត់បន្ថយទុក្ខលំបាកម្រួលដល់ការអភិវឌ្ឍផលិតកម្ម និងអាជីវកម្ម លើកកម្ពស់ការរៀបចំរចនាសម្ព័ន្ធសេដ្ឋកិច្ច ដោយអនុវត្តន៍យុទ្ធសាស្ត្រចំនួន៣មានដូចជា”សេដ្ឋកិច្ចជា ចំណុចកណ្តាលតួនាទីរបស់រដ្ឋាភិបាគឺបង្កលក្ខខណ្ឌងាយស្រួលដោះស្រាយ រាល់ផលលំបាក ឧបសគ្គចំពោះមុខដើម្បីឲ្យក្រុមហ៊ុន ប្រជាពលរដ្ឋរកស៊ី ។ ដូច្នេះទើបសេដ្ឋកិច្ចអភិវឌ្ឍន៍ កើនឡើងចាត់ទុកជាភារកិច្ចសំខាន់និងជាប្រចាំបម្រើប្រជាពលរដ្ឋ បម្រើដល់ក្រុមហ៊ុនតាម រយៈសកម្មភាពផ្ទាល់។ ត្រូវផ្តោតការយកចិត្តទុកដាក់លើវិស័យដែលពលរដ្ឋជួបទុក្ខលំបាក ឧបសគ្គ “។
កន្លង មកនៅក្នុងសម័យប្រជុំ រដ្ឋសភានីតិកាលទី៨ នាថ្ងៃទី 20 ខែតុលា ឆ្នាំ2014 នាយករដ្ឋមន្ត្រីវៀតណាមលោក Nguyen Tan Dung បានបញ្ជាក់ថា ការរំពឹងទុកសម្រាប់ឆ្នាំ 2015 គឺវិជ្ជមាននិងបានកំណត់គោលដៅកំណើន GDP ក្នុងឆ្នាំ 2015 គឺ 6,២ភាគរយ និងបង្កើតការងារថ្មីជូនដល់ប្រជាពលរដ្ឋចំនួន 1,6 លាននាក់។
ប្រទេស វៀតណាមនៅតែមានគម្រោងរៀបចំរចនាសម្ព័ន្ធក្រុមហ៊ុន សហគ្រាសរដ្ឋ ដោយមានក្រុមហ៊ុន អាជីវកម្មរដ្ឋចំនួន 71 បានលក់ភាគហ៊ុនក្នុងរយៈពេល៩ខែដំបូងក្នុងឆ្នាំ 2014 បើប្រៀបធៀបនឹង 74 ក្រុមហ៊ុនអាជីវកម្មនៅទូទាំងប្រទេសក្នុងឆ្នាំ 2013 ។រដ្ឋាភិបាលវៀតណាមរំពឹងថានឹងរៀបចំឲ្យមានក្រុមហ៊ុន សហគ្រាសគ្រប់គ្រងដោយរដ្ឋចំនួន 200 នៅឆ្នាំ 2014 ។
យោង តាមការវិភាគរបស់អ្នកជំនាញសេដ្ឋកិច្ចរយៈពេលកន្លងមកបើទោះបីជា មានការលំតែសេដ្ឋកិច្ចរបស់វៀតណាមនៅតែកើនឡើងយ៉ាងប្រសើរ។
តាមតួលេខរបស់ រដ្ឋាភិបាលវៀតណាម បន្ទាប់ពីកំណើនសេដ្ឋកិច្ច 5,4២ភាគរយ នៅក្នុងឆ្នាំ 2013 សេដ្ឋកិច្ចវៀតណាមបានបន្តកើនឡើងនៅត្រីមាសទី១ឆ្នាំ2014 បានកើន 5,09ភាគរយ ត្រីមាសទី២ ឆ្នាំ 2014 បានកើនដល់ 5,42ភាគរយ និងត្រីមាស ទី៣ឆ្នាំ 2014 បានកើនឡើងដល់ 6.19ភាគរយ ។បណ្តាអង្គការស្ថាប័ននានា ដូចជាធនាគារពិភពលោក (WB) ធនាគារអភិវឌ្ឍន៍អាស៊ី (ADB) សហគមន៍ធានាគាសាជីវកម្ម ទីក្រុងហុងកុងនិងទីក្រុងសៀងហៃ (ក្រុមហ៊ុន HSBC), Standard & Poors … បានព្យាករណ៍កំណើន GDP នៅក្នុងឆ្នាំ 2014 នៃប្រទេសវៀតណាមមាន 5,4ភាគរយ ទៅ 5,6ភាគរយ ដល់6ភាគរយ នៅឆ្នាំ 2015 នឹងកើនឡើងពី 6ទៅ7ភាគរយនៅក្នុងឆ្នាំ2016-2017 ។
ការ ព្យាករណ៍ពីកំណើនខ្ពស់ដោយផ្អែកលើមូលដ្ឋាននៃប្រទេសវៀតណាមមាន ម៉ាក្រូសេដ្ឋកិច្ច ស្ថិរភាព សកម្មភាពលើវិស័យផលិតបានល្អ ផ្តល់ទិសដៅនៃការនាំចេញដែលមានការបណ្តាក់ទុនពីបរទេស។ មួយវិញទៀតតម្រូវការក្នុងការកែលម្អបរិយាកាសអាជីវកម្មត្រូវបាន រដ្ឋាភិបាលនៃប្រទេសវៀតណាមយកចិតទុកដាក់ខ្ពស់និងត្រួតពិនិត្យ វិនិច្ឆ័យរាល់ការចំណាយនៅក្នុងឆមាសទី១ឆ្នាំ 2015 ។ លើសពីនេះទៀតរាល់កិច្ចព្រមព្រៀង ពាណិជ្ជកម្មសេរីរបស់វៀតណាមត្រូវបានបញ្ចប់ក្នុងអំឡុងឆមាសទី១ នៃឆ្នាំ 2015 ។ទាំងនោះនឹងបង្កើតលក្ខខណ្ឌក្នុងការទាក់ទាញការវិនិយោគនិងពង្រីក ទីផ្សារនាំចេញ លើកកម្ពស់កំណើនសេដ្ឋកិច្ចជាតិ ។
បច្ចុប្បន្នប្រទេសជាង 100 បានវិនិយោគលើគម្រោងចំនួន 17.000 នៅក្នុង ប្រទេសវៀតណាម ជាមួយការវិនិយោគសរុបប្រមាណ 250 ពាន់លានដុល្លារ។ ជាង 100 សាជីវកម្មក្រុមហ៊ុនធំៗ ភាគច្រើនមកពីប្រទេសកូរ៉េខាងត្បូង ដែលស្ថិតនៅក្នុងបញ្ជី ក្រុមហ៊ុនសហគ្រាសឈានមុខគេចំនួន 500 នៅលើពិភពលោកមានវត្តមាននៅក្នុងប្រទេសវៀតណាម។ ក្នុងរយៈពេល 11 ខែវិនិយោគិនបរទេសបានចុះឈ្មោះវិនិយោគក្នុងប្រទេសវៀតណាមគិតជា ទឹកប្រាក់មានជាង 17,33 ពាន់លានដុល្លារ។ ទឹកប្រាក់នៃការវិនិយោគផ្ទាល់ពីបរទេស (FDI) មានសញ្ញាវិជ្ជមានដោយមានចំនួនប្រមាណ 12,5 ពាន់លានដុល្លារនៅឆ្នាំនេះ ហើយត្រូវបានគេរំពឹងថានឹងឈានដល់ 17 ពាន់លានដុល្លារក្នុងឆ្នាំ 2015 ។
ទាក់ទិននឹងការរំពឹងទុកនៃកំណើនសេដ្ឋកិច្ចវៀតណាមឆ្នាំ២០១៥ អ្នកឯកទេសវិភាគបានបញ្ជាក់ថា កិច្ចព្រមព្រៀងពាណិជ្ជកម្ម ដូចជាសន្ធិសញ្ញាពាណិជកម្មអន្តរតំបន់អាស៊ីប៉ាស៊ីហ្វិក (TPP) វៀតណាម – សហភាពអឺរ៉ុប សហគមន៍សេដ្ឋកិច្ចអាស៊ាន AEC នឹង ជំរុញសេដ្ឋកិច្ច, ការប្រើប្រាស់របស់ពលរដ្ឋនឹងកើនឡើងក្នុងឆ្នាំ 2015 ដោយសារតែមានការលើកទឹកចិត្តជាមួយអត្រាការប្រាក់ទាប។ តាមរបាយការណ៍ជាប្រចាំនៅខែវិច្ឆិកា ឆ្នាំ២០១៤របស់គណៈកម្មការ គ្រប់គ្រងត្រួតពិនិត្យ ហិរញ្ញវត្ថុជាតិវៀតណាម បានឲ្យដឹងថា ពលរដ្ឋនិងបណ្តាលក្រុមហ៊ុនអាជីវកម្មកាន់តែមានទំនុកចិត្តក្នុងការ វិនិយោគនិងការប្រើប្រាស់ដោយសារតែស្ថិរភាពម៉ាក្រូសេដ្ឋកិច្ចអតិផរណា ទាបនិង ទីផ្សារហិរញ្ញវត្ថុមានរូបិយប័ណ្ណអន្តរជាតិមិនមានការប្រែប្រួលច្រើន ។
តាមការព្យាករណ៍ឆ្នាំ 2015 ថានឹងមានការចូលរួមពីអ្នកវិនិយោគបរទេសបន្តកើនឡើង ប្រាក់ចំណូលអាជីវកម្មត្រូវបានគេរំពឹងថានឹងកើនឡើងពី 10ភាគរយទៅ15ភាគ ។ អាជីវកម្មគ្រួសារក៏មានសន្ទុះវិនិយោគកើនឡើងទៅលើការផលិត ដើម្បីក្តាប់យកឱកាស ពេលសេដ្ឋកិច្ចកើនឡើងខ្ពស់ ហើយនេះក៏ជាតំបន់ដែលមានកំណើនសេដ្ឋកិច្ចខ្ពស់ជាងគេនៅឆ្នាំ២០១៥ ៕
