វិបត្តិនៅក្នុងប្រទេសយ៉េម៉ែនបានគម្រាមកំហែងដល់សន្តិសុខនៅក្នុងតំបន់ ដោយសារតែមានការចូលរួមពីក្រុមភេរវកម្មជាច្រើននៅជុំវិញពិភពលោក។ នៅពួកដែលដែលពួកភេរវកម្មរួបរួមគ្នាបានក្លាយទៅជាឧប្បស័គ្មដ៏ធំធេងពេសេសគឺប្រទេសតំបន់អារ៉ាបតែម្តង។ទាំងនោះហើយបានជាធ្វើឲ្យប្រទេសក្នុងតំបន់ត្រូវតែរួមរួមបង្កើតទៅជាកម្លាំងពីសេសមួយសម្រាប់វាយប្រហារការពារផលប្រយោជាតិ។
ប្រទេសតំបន់អារ៉ាបបានក្លាយទៅជាគោលដៅដ៏សំខាន់បំផុតសម្រាប់ក្រុមអិស្លាមជ្រុលនិយម ដោយតំបន់ទាំងនោះសម្បូរទៅដោយធុនធានធម្មជាតិប្រេងអាំចទំនុកទំរុងក្រុមនេះឲ្យមានកម្លាំងគ្រប់គ្រាន់សម្រាប់ពង្រីអាណាច័ក្រអិស្លាម។
យេម៉ែនបាន និងកំពុងប្រឈមមុខនឹងវិបត្តិពីរខុសគ្នា ទី១ គឺវិបត្តិនយោបាយផ្ទៃក្នុងរវាងរដ្ឋាភិបាលរបស់លោកប្រធានាធិបតីហាឌីដែលទទួលស្គាល់ដោយសហគមន៍អន្តរជាតិ និងក្រុមឧទ្ទាមហ៊ូទ្សីនិកាយឈីអ៊ីតដែលគេអាចចាត់ទុកជាកម្លាំងនយោបាយផ្ទៃក្នុងមួយ និងវិបត្តិទី២ គឺវិបត្តិដែលបង្កចេញពីចលនាអាល់កៃដា AQPA និងអង្គការរដ្ឋអ៊ីស្លាម។ នៅថ្ងៃនេះ ក្រុម
AQPA បានបើកការវាយប្រហារលើពន្ធនាគារមួយក្នុងខេត្ត Moukalla ស្ថិតប៉ែកអាគ្នេយ៍ប្រទេសដោយបានរំដោះអ្នកទោសជាង ៣០០នាក់ ក្នុងនោះ មានម្នាក់ជាមេកើយរបស់គេឈ្មោះ Khalet Batarfi ដែលបានជាប់ក្នុងគុកនោះអស់ជាង ៤ឆ្នាំ។
ក្រៅពីវាយប្រហារលើពន្ធនាគារ ក្រុម AQPA ក៏បានវាយប្រហារក្នុងថ្ងៃតែមួយលើស្ថាប័នមួយចំនួនក្នុងខេត្ត Moukalla ដដែល ដូចជាធនាគារ ស្នងការដ្ឋាននគរបាល ឬមួយក៏មន្ទីររបស់ក្រសួងស៊ើបការសម្ងាត់ជាដើម។ ដូច្នេះឃើញថា ស្ថានការណ៍វឹកវរផ្ទៃក្នុងសព្វថ្ងៃនេះបាន និងកំពុងផ្តល់ឱកាសយ៉ាងល្អដល់ក្រុម AQPA និងអង្គការរដ្ឋអ៊ីស្លាម។ ពិតណាស់ថា ក្រុម AQPA
និងអង្គការរដ្ឋអ៊ីស្លាម គឺជាចលនាភេរវនិយមដ៏គ្រោះថ្នាក់បំផុតសម្រាប់ប្រទេសយេម៉ែន និងសហគមន៍អន្តរជាតិ។ តែដើម្បីអាចបង្ក្រាបពួកនេះបាន គេត្រូវតែរកដំណោះស្រាយនយោបាយផ្ទៃក្នុងឲ្យយេម៉ែនជាមុនសិន ពោលកិច្ចព្រមព្រៀងនយោបាយមួយរវាងក្រុមឧទ្ទាមហ៊ូទ្សី និងរដ្ឋាភិបាលរបស់លោកប្រធានាធិបតីហាឌី។
បណ្តាប្រទេសអារ៉ាងវាយប្រហារនៅក្នុងប្រទេសយេម៉ែនឈានចូលដល់ បានឈានចូលថ្ងៃទី៧ ដែលប្រទេសអារ៉ាប៊ីសាអូឌីតបានដឹកនាំប្រតិបត្តិការវាយប្រហារផ្លូវអាកាសលើក្រុមឧទ្ទាមហ៊ូទ្សីក្នុងប្រទេសយេម៉ែន។ រីឯកម្លាំងរបស់ហ៊ូទ្សីក៏ហាក់ដូចជាកំពុងរំកិលទៅមុខឆ្ពោះទៅវាយយកទីក្រុងអាដេនដែលជាទីក្រុងសំខាន់ទី២របស់យេម៉ែន។ ទន្ទឹមគ្នានេះ AQPA ដែលជាសាខាអាល់កៃដាក្នុងតំបន់ក៏បានវាយប្រហារលើពន្ធនាគារមួយស្ថិតប៉ែកអាគ្នេយ៍ប្រទេសដោយបានរំដោះអ្នកទោសចេញពីគុកជាង ៣០០នាក់។ នៅឯទីស្នាក់ការរបស់
ក្រុមប្រឹក្សាសន្តិសុខអង្គការសហប្រជាជាតិក្នុងទីក្រុងញូយ៉កវិញ ក្រុមប្រឹក្សានៃកិច្ចសហប្រតិបត្តិការឈូងសមុទ្រពែរ្សបានព្យាយាមរកទ័ណ្ឌកម្មដាក់លើប្រទេសយេម៉ែន។
ផ្ទាំងស៊ីបជាអាទិភាពរបស់កម្លាំងអារ៉ាប់ដឹកនាំដោយប្រទេសអារ៉ាប៊ីសាអូឌីត គឺកម្ទេស ឬក៏យ៉ាងហោចណាស់ ធ្វើឲ្យកម្លាំងឧទ្ទាមហ៊ូទ្សីនិកាយឈីអ៊ីតចុះខ្សោយ។ តែប្រតិបត្តិវាយប្រហារពេញមួយសប្តាហ៍កន្លងមក បែរជាបានបណ្តាលឲ្យស្លាប់ជនស៊ីវិលយ៉ាងច្រើន និងកំពុងធ្វើឲ្យ
ពួកឧទ្ទាមហ៊ូទ្សីឡើងចាងកាន់តែខ្លាំងទៅវិញ។ គួររម្លឹកជូនថា ពួកហ៊ូទ្សីកំពុងកាន់អំណាចដែលពួកគេវាយដណ្តើមបានពីលោកប្រធានាធិបតីស្របច្បាប់ហាឌីដែលបច្ចុប្បន្នកំពុងភៀសខ្លួនជ្រកកោននៅក្នុងប្រទេសអារ៉ាប៊ីសាអូឌីត។ ខណៈនេះ ពួកហ៊ូទ្សី រួមជាមួយសម្ព័ន្ធមិត្តរបស់គេ និងក្រុមប្រដាប់អាវុធដែលបន្តស្មោះត្រង់នឹងអតីតប្រធានាធិបតីធា្លក់ពីអំណាចអាប់ដាឡា សាឡេកំពុងប្រយុទ្ធទល់នឹងកម្លាំងរបស់លោកហាឌីដើម្បីដណ្តើមកាន់កាប់ទីក្រុងអាដេនដែលជាទីក្រុងធំទី២ របស់យេម៉ែន។
ក្រុមប្រឹក្សានៃកិច្ចសហប្រតិបត្តិការឈូងសមុទ្រពែរ្សដែលមានសមាជិក ៦ប្រទេស គឺអារ៉ាប៊ីសាអូឌីត គូវ៉ែត បារ៉ែន អេមីរ៉ាអារ៉ាប់រួម កាតា និងប្រទេសអូម៉ង់កំពុងស្វែងរកសេចក្តីសម្រេចចិត្តមួយសម្រាប់ប្រទេសយេម៉ែន។ សេចក្តីសម្រេចចិត្តជាអាទិភាព គឺផ្តល់សន្ទុះឡើងវិញនូវកិច្ចសន្ទនានយោបាយរវាងភាគីជម្លោះផ្ទៃក្នុង។ បន្ទាប់មក ក្រុមប្រឹក្សានៃកិច្ចសហប្រតិបត្តិការឈូងសមុទ្រពែរ្សក៏ចង់ឲ្យមានទ័ណ្ឌកម្មសេដ្ឋកិច្ច និងការហាមលក់អាវុធទៅឲ្យយេម៉ែនដើម្បីដាក់គំនាបលើពួកហ៊ូទ្សីដែរ។
តែឧបសគ្គដែលក្រុមប្រឹក្សានៃកិច្ចសហប្រតិបត្តិការឈូងសមុទ្រពែរ្សកំពុងជួបប្រទះពេលនេះ គឺការជំទាស់ពីភាគីរុស្ស៊ីដែលជាសមាជិកអចិន្ត្រៃយ៍ម្នាក់នៃក្រុមប្រឹក្សាសន្តិសុខអង្គការសហប្រជាជាតិ។ទីក្រុងម៉ូស្គូបានប្រឆាំងដាច់ខាតលើទ័ណ្ឌកម្មហាមលក់អាវុធទៅឲ្យយេម៉ែនជាលក្ខណៈទូទៅ និងចង់បានទ័ណ្ឌកម្មមួយដោយសំដៅចំៗលើបុគ្គលដោយហាមមិនអាចធ្វើដំណើរចេញក្រៅប្រទេស ឬបង្កកផ្អាប់ទុកទ្រព្យសម្បត្តិ។ គួរបញ្ជាក់ថា រុស្ស៊ីជា
សម្ព័ន្ធមិត្តរបស់ប្រទេសអ៊ីរ៉ង់ និងដែលអ៊ីរ៉ង់បានចេញមុខគាំទ្រចលនាឧទ្ទាមហ៊ូទ្សីជាចំហនៅយេម៉ែន។ កន្លងមក ទីក្រុងតេហេរ៉ង់ថែមទាំងបានថ្កោលទោសលើប្រតិបត្តិការយោធារបស់អារ៉ាប៊ីសាអូឌីតនៅយេម៉ែន និងព្រមានទុកជាមុនពីផលវិបាកនៅពេលខាងមុខ៕
