កំពង់ធំ ៖ ផឹកស្រាក្លែមសំដី បើស្រឡាញ់ស្រីអោយស្រីអាណិត តែក្មេងសម័យនេះទាស់ចិត្ត មានតែកាប់ សម្លាញ់គ្នាលេង ជាក់ស្តែងហេតុការណ៍ ក្មេងស្ទាវបានកាប់គ្នា ក្នុងរវង់ផឹកស៊ី បង្ករអោយមានមនុស្ស២នាក់ របួសធ្ងន់ កាលពីវេលាម៉ោង ៨.៣០នាទីយប់ ថ្ងៃទី ១១ខែកុម្ភះ ឆ្នាំ ២០១៤ ស្ថិតនៅក្នុងភូមិស្រែ ឃុំសាលាវិស័យ ស្រុកប្រាសាទបាល្ល័ង្គ ខេត្តកំពង់ធំ ។ តាមការអោយដឹងពីលោក វរៈសេនីយ៍ឯក កែ ខាន់ណារ៉ា ស្នងការង ទទួលបន្ទុកព្រហ្មទណ្ទ នៃស្នងការដ្ឋាន នគរបាលខេត្តកំពង់ធំ បានអោយដឹងថា បន្ទាប់ពីលោក ទទួលបានសេចក្តីរាយការណ៍ ថាមាន
ករណីខាងកាប់គ្នាខាងលើ ដោយជំលួសក្នុងវង់ផឹកស៊ី និងឈាន់ដល់កាប់គ្នា បណ្តាលឲ្យរបួសធ្ងន់ ២នាក់ ជនរងគ្រោះ ត្រូវបានបញ្ជូបមក រក្សាព្យាបាលនៅមន្ទីរពេទ្យ ក្នុងខេត្តកំពង់ធំ ចំនែកជនល្មើស សមត្ថកិច្ច កំពុងតែដុតដៃ ដុតជើង តាមរកមុខសញ្ញា ដោយបានសហការ ជាមួយកំលាំង
ប្រដាប់អាវុធ ស្ទាក់គ្រប់ច្រក ដើម្បីចាប់ជន ដៃដល់មក ផ្តន្ទាទោសតាមច្បាប់ តែរហូតមកដល់ ម៉ោង១០.១១នាទីនេះ សមត្ថកិច្ចនៅតែពុំទាន់ចាប់បាន ជនដៃដល់នៅឡើយទេ ។ តាមប្រភពពត៌មាន ជនដៃដល់មានរូបរាងសក់វែង ជិះម៉ូតគេចខ្លួន ទៅព្រះវិហារ និងសូមអោយសមត្ថកិច្ច ដែលនៅតាមផ្លូវ ជួយស្កាត់ចាប់បើបានឃើញ ជនសង្ស័យខាងលើ ។ ចំណែកពត៌មានលម្អិត និងផ្សាយជូន នៅពេលក្រោយ ។
ដោយ ហេង ជលសារ
