ខេត្តព្រះសីហនុ៖ព្រែលិចទឹក(ដើមកោងកាងនិងដើមកាញឹម)ដែលជាជំរកបន្តពូជជិវចំរុះជាច្រើនហិកតាស្ថិតនៅក្នុងភូមិលេខ៦សង្កាត់លេខ៤ក្រុងព្រះសីហនុ កំពង់ប្រឈមនិងការវិនាសហិនហោច ខណៈពេលរថយន្តធន់ធំជាច្រើនគ្រឿងដឹកដីយកទៅចាក់លុបយ៉ាងសកម្ម។ដោយការចាក់ដីលុបព្រែលិសទឹកបែបនេះ ត្រូវបានគេអះអាងថា នេះជាការអនុវត្តន៍តាមគោលការរបស់អាជ្ញាធរខេត្តក្នុងការ ស្តារអូរធម្មជាតិ ដែលកំពង់គោករាក់ដើម្បីរំដោះទឹកភ្លៀងជនលិចក្នុងរដូវវស្សារ។
.លោក ញ៉ាញ ស៊ីថន ដែលជាម្ចាស់រថយន្តដឹកដីនិងគ្រឿងចក្រ(អាប៊ុល) បាននិយាយប្រាប់ឲ្យ ដឹងថា ការចាក់ដីលុបព្រែលិចទឹកបែបនេះវាជានិតីវិធីក្នុងស្តារអូរខាងលើតែប៉ុណ្ណុះ ពីព្រោះ ដើម្បី នាំយកគ្រឿងចក្រចូលទៅការដីអូរបាន មានតែធ្វើបែបនេះទេ គឺត្រូវចាក់លុបដីព្រែលិចទឹកអស់ រូចហើយចាំធ្វើការជីកស្តារដីអូរតាមក្រោយនិងតាមទំហំដីអូរដែលបានកំណត់។ លោក ញ៉ាញ ស៊ីថន បានធ្វើការបញ្ជាក់យ៉ាងច្បាស់ថាការចាក់ដីលុបព្រែបែបនេះមានច្បាប់អនុញាត្តិត្រឹមត្រូវពីរសាលាខេត្ត។
.លោក នេន ចំរើន នាយខណ្ឌរដ្ឋាលជលផលខេត្តព្រះសីហនុបានប្រាប់ឲ្យដឹងថា សកម្មភាព ចាក់ដីលុបព្រែលិចទឹកនិងឈុសឆាយ បំផ្លាញព្រែលិចទឹកខាងលើនេះ ត្រូវបានមន្ត្រីក្រុមការបស់លោក ចុះទៅធ្វើការហាមឃាត់រូចហើយមិនអនុញាត្តិឲ្យចាក់លុបព្រែលិចទឹកបន្តទៀតទេ ។ដោយការ ហាម ឃាត់នេះ ធ្វើឡើងបន្ទាប់ពីរមើលឃើញថាក្រុមអ្នកទទូលបន្ទុកស្តារដីអូរខាងលើ អនុវត្តន៍ផ្ទុយពីរខ្លឹមសារ ណែនាំរបស់សាលាខេត្តព្រះសីហនុ ពីព្រោះសាលាខេត្តតំរ៉ូវឲ្យធ្វើការស្តារអូរមិនមែនអនុញាត្តិឲ្យចាក់ដី លុបនិងបំផ្លាញ់ព្រែលិចទឹកនោះទេ។ការចុះធ្វើការហាមឃាត់សកម្មភាបចាក់ដីលុបអូរខាងលើនេះមន្ត្រីជលផល បានធ្វើការ ចាប់ឃាត់រថយន្តដឹកដីចំនូន២គ្រឿងនិងអាប៊ុលឈុសឆាយដីចំនូន២គ្រឿង ផង ដែរទុកជាវត្តុតាង ដើម្បីបំពេញនិតីវិធី ។លោក នេន ចំរើន បានបន្តទៀតថាជុំវិញបញ្ហារនេះ លោក និងធ្វើ របាយការណ៍លំអិតដាក់ជូនទៅថ្នាក់ដឹកនាំខេត្តឲ្យបានជ្រាប ដើម្បីមានវិធានការតាម ផ្លូវច្បាប់ ហើយចំពោះ ដីដែលប្លង់កម្មសិទ្ធិស្ថិតនៅចំណុចនោះទាំងអស់បើពិនិត្យឃើញថាធ្វើរំលោភលើដី ព្រែ លិចទឹក លោក និងរៀបចំឯកសារពាក់ពន្ធ័ប្តឹងទៅសាលាដំបូងខេត្តព្រះសីហនុសុំលុបបណ្ណ័ កម្មសិទ្ធិ ទាំងនោះចោលឲ្យអស់ ក្នុងគោលដៅប្រមូលយកព្រែលិទឹកទាំងនោះមកថែរក្សាទុកជាសម្បត្តិរដ្ឋវិញឲ្យ ខានតែបាន។
.ដោយឡែកសំរាប់ លោក មុត សុធារិទ្ធ ប្រធានមន្ទីរបរិស្ថានខេត្តព្រះសីហនុ បានធ្វើការបញ្ជាក់ ថាការស្តារអូរ បែបបំផ្លាញព្រែលិចទឹកដូចនេះវាជារឿងមិនត្រឹមត្រូវនោះទេ ពីព្រោះបច្ចេកទេសក្នុង ការស្តារអូរ គេអាចជ្រើរើសនៅវិធីផ្សេងៗ ដែលមិនបង្ករផលប៉ះពាល់ដល់ព្រែលិចទឹកនិង ជីវចំរុះដែល កំពង់ កកើតមាននៅក្នុងព្រែលិចទឹក ដូចជាប្រើប្រាស់សាឡង់ឬ ម៉ាស៊ីនបូម ដីល្បាប់ភក់ជាដើម ដូច នេះសូមឲ្យ អ្នកដែលពាក់ពន្ធ័ក្នុងស្តារអូរនេះពិនិត្យឡើយវិញធ្វើយ៉ាងណាជាសឲ្យផុតការបំផ្លាញព្រែ លិចទឹកតទៅទៀត។
.ជាមួយគ្នានេះក៍មានប្រជាពលរដ្ឋជាច្រើនដែលរស់នៅតំបន់នោះបានធ្វើការរិះគន់ថាដីព្រែលិច តឹកតំបន់នេះតាំងពីរដើមមកមិនដែលផ្តល់ភាពការស្ទះនៅចរន្តទឹកហូរនោះទេជាពិសេសគឺរដូវរស្សារដែលមានភ្លៀងធ្លាក់ ពីព្រោះវិសាលភាពព្រែលិចទឹកនេះមានទំហំធំទូលាយ អាចទទូលនៅលំហូរទឹក ពីរ គ្រប់ ទិសទីនាំយកទៅចាក់ចូលសមុទ្រ ដូចនេះ អាជ្ញាធរខេត្តគួររពិនិត្យមើលឡើងវិញនិងបញ្ឈប់ ការ ស្តារអូរនិងចាក់ដីលុបព្រែលិចទឹកតំបន់នេះតទៅទៀត ដោយទុកឲ្យអូរនេះនៅបែបធម្មជាតិដូចដើមវិញ ប្រយោជន៍ដើម្បីការពារធន់ធានធម្មជាតិព្រែលិចទឹកដែលមានស្រាប់ រក្សាទុកជាសម្បត្តិរដ្ឋវិញ ។តែបើ បន្តឲ្យមានការស្តារអូរតទៅទៀត ច្បាស់ជាវិវរហើយ ពីព្រោះនេះជាវិធីសាស្ត្ររបស់ជនខិលខូចក្នុងការ រំលោភ យក ដីព្រែលិចទឹកនិងដូចំណីអូរតែប៉ុណ្ណុះ ។
គួរបញ្ជាក់ផងដែរថានេះជាលើកទី២ហើយដែលមន្ត្រីជំនាញជល់ផលបានធ្វើការហាម ឃាត់ ក្រុមអ្នក ស្តារដីអូរព្យាដែលព្យាយាមប្រើរូបមន្តចាក់លុប ព្រែ កោងកាងវាទីយកដីព្រែលិចទឹក ក្រោយ រូបភាព (ស្តារដីអូរ) ដោយកាលចាក់ដីលុបព្រែលិចទឹកលើកទីមួយត្រូវបានមន្ត្រីជំនាញជល់ផល និង មន្ត្រីបរិស្ថានធ្វើការព្រមានម្តងរូចមកហើយដោយមិនអនុញាត្តិចាក់ដីលុបព្រែលិចទឹកនោះទេប៉ុន្តែរពូកគេ នៅតែ ព្យាយាម ម្តងហើយម្តងទៀតបង្ករភាពស្មុកស្មាញដល់ការអនុវត្តន៍ច្បាប់ ៕
