កំពង់ឆ្នាំង៖ទារកអាយុ៦ខែម្នាក់កើតមកមានកាយសម្បទាខុសប្រក្រតី ព្រោះតែរូបគេ មាន ក្បាលធំ និង ជើងដៃខ្លួនប្រាណទន់ ថែមទាំងមានដុំពកពីខាងខ្នងដ៏ធំ១ដុំទៀតផង ដែល ធ្វើអោយគេពិបាកដេក មើលទៅគួរអោយអាណិត។
ស្ត្រីឈ្មោះ ចេង សុម៉ាលី អាយុ ៣៤ ឆ្នាំ ដែលត្រូវជាម្តាយទារកអាភ័ពខាងលើ បាន រៀបរាប់ប្រាប់អោយដឹងថា៖រូបគាត់មានប្តីឈ្មោះ យូ យ៉ុម អាយុ ៣៤ ឆ្នាំ បច្ចុប្បន្នពូក គាត់ រស់នៅក្នុងភូមិអណ្តូងប្រេង ឃុំគ្រាំងលាវ ស្រុករលារប្អៀរ ខេត្តកំពង់ឆ្នាំង។ហើយបាន រៀប ការនៅឆ្នាំ១៩៩៩និងមានកូនចំនួន៥នាក់ស្រី៣នាក់ រីឯកូនដែលពិការភាពនេះគឺជា កូនពៅ ហើយគេ ទើបតែមានអាយុ៦ខែប៉ុណ្ណោះ ។
បងស្រីបន្តថា៖សព្វថ្ងៃពួកគាត់មានជីវភាពក្រីក្រណាស់ព្រោះតែគ្មានមុខរបរអ្វីក្រៅតែអំពីធ្វើស្រែចំកាបន្តិចបន្ទួច និងឆ្លៀតពេលខ្លះប្តីទៅរកកាប់អុសយកមកលក់ដើម្បីយកប្រាក់មកចិញ្ចឹមកូនៗនោះទេ ចំណែកបងស្រីជាច្រើនខែហើយមិនដែលបានជួយធ្វើការរកស៊ីប្តីទេគឺ រវល់តែនៅមើលកូនតូចដែលពិកានេះ ព្រោះគេពិកាតាំងពីកំណើតមក សព្វថ្ងៃក្បាល របស់ គេគឺចេះតែរីកធំឡើងៗឯពកខ្នងរបស់គេក៏ដូចឆ្នោះដែរ គឺមួយថ្ងៃធំបន្តិចៗ និងមានអាការះ ទន់ខ្លួនប្រាណកំរើកបានតែដៃទេ គាត់អាណិតកូននេះណាស់បើគាត់មានប្រាក់គាត់ និង យក គេទៅអោយគ្រូពេទ្យជួយព្យាបាលហើយ ។
ជាចុងក្រោយនេះបងស្រីសូមអំពាវនាវដល់សប្បុរសជនដែលលោកមានចិត្តសប្បុរសធម៏ទាំងអស់ សូមលោកមេត្តាជួយសង្គ្រោះដល់ជីវិតកូនប្រុសរបស់ពួកគាត់ដែលកំពុងមាន ជម្ងឺនេះ អោយមានជីវិតរស់រាននិងគេផង ៕