មន្ទីរទេសចរណ៍ខេត្តមណ្ឌល បានបើកពិធីសន្និបាតបូកសរុបលទ្ធ ផលការងារទេសចរណ៍ឆមាសទី១ និងលើកទិសដៅអនុវត្តបន្តឆមាសទី២ ឆ្នាំ២០១៤នៅសាលប្រជុំសាលាខេត្តមណ្ឌលគិរី កាលពីព្រឹកថ្ងៃទី០១ កក្កដា ២០១៤ ។ ពីធីនេះប្រព្រឹត្តទៅក្រោមអធិបតីភាព ឯកឧត្ដម ស្ដើង
សុខុម អនុរដ្ឋលេខាធិការក្រសួងទេសចរណ៍ និងឯកឧត្ដម យឹម លុច្ស អភិបាល រងខេត្តមណ្ឌលគិរី ព្រមទាំងមានការអញ្ជើញចូលរួមពីសំណាក់មន្ត្រីរាជការ និងសិស្សានុសិស្សផងដែរ ។
តាមរបាយការណ៍របស់លោក ងិន សុវិមាន ប្រធានមន្ទីរទេសចរណ៍ខេត្តបានអោយដឹងថា ក្នុងឆមាសទី១ ឆ្នាំ២០១៤នេះ ភ្ញៀវទេសចរណ៍ដែលបានមកលេងខេត្តមណ្ឌលគិរី មានការកើនឡើង បើធៀបទៅ នឹង ឆមាសទី១ក្នុងឆ្នាំ២០១៣កន្លងទៅ ដោយក្នុងនោះទាំងភ្ញៀវជាតិ និងអន្តរជាតិគឺមានការកើនឡើងចំនួន៧៥៩៥នាក់ ស្មើនឹង១១,៥០% ។
ឯកឧត្ដម យឹម លុច្ស បានមានប្រសាសន៍ថា ដោយខេត្តមណ្ឌលគិរីមានសក្ដានុពលទេសចរណ៍វប្បធម៌ និងធម្មជា តិដ៏សបូរបែប ផងនោះទើបរាជរដ្ឋាភិបាលបានកំណត់ថា មណ្ឌលគិរីគឺជាតំបន់អេកូទេសចរណ៍ ពិតជាត្រឹមត្រូវណាស់។ ចំណែកចលនាប្រឡងប្រណាំង (ទីក្រុងស្អាត រមណីយដ្ឋាន សេវាល្អ) ក្រុងសែនមនោរ ម្យត្រូវបានគណៈកម្មាធិការជាតិវាយតម្លៃថាជាទីក្រុងស្អាត ទទួលបានជ័យលាភីផ្ការំដួល១ទងផងដែរ។
មានប្រសាសន៍ចូលរួមនាឳកាសនោះ ឯកឧត្ដម ស្ដើង សុខុម បានលើកឡើងថា វិស័យទេសចរណ៍ត្រូវបានគេចាត់ទុកជាឧស្សាហកម្មគ្មានផ្សែង ដោយវិស័យមួយនេះមានតួនាទីយ៉ាងសំខាន់ក្នុងការជំរុញវិស័យផ្សេងៗ ដូចជាឧស្សាហកម្ម ពាណិជ្ជកម្ម គមនាគមន៍ និងសេវាកម្ម ឲ្យក្លាយជាប្រព័ន្ធមួយដែលមានឋាមពល និងជាកម្លាំងចលករដ៏ធំក្នុងការជំរុញអភិវឌ្ឍន៍សេដ្ឋកិច្ចជាតិ ។
ឯកឧត្ដមក៏បានវាយតម្លៃខ្ពស់ចំពោះកិច្ចខិតខំព្រឹងប្រែងយ៉ាងសកម្មរបស់ថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់របស់ មន្ទីរទេសចរណ៍ខេត្តមណ្ឌលគិរី ក្នុងការបំពេញភារកិច្ច និងអនុវត្តសកម្មភាពអាទិភាពនានា ដើម្បីអភិវឌ្ឍន៍វិស័យទេសចរណ៍ខេត្តមណ្ឌលគិរី ឲ្យប្រែក្លាយជាគោលដៅទេសចរណ៍ដ៏ទាក់ទាញ ប្រកបដោយគុណភាព និងសមត្ថភាពប្រកួតប្រជែងខ្ពស់។
