បូរណភាពទឹកដី និង ឯកភាពជាតិខ្មែរ ព្រះករុណា ព្រះបរមរតនកោដ្ឋ រួមនឹងពិធី វេរទៀន ព្រះវស្សាប្រគេនដល់ព្រះសង្ឃចំនួន ១២ វត្ត សម្ភោធដាក់ឲ្យប្រើប្រាស់ អាគារមជ្ឈមណ្ឌលវឌ្ឍន៏ភាពស្ត្រី ១ខ្នង និងសម្ភោធ ផ្លូវដែលបានជួសជុលរួចថ្មីចំនួន ៣ខ្សែរ មានប្រវែង ១៤.៦៦៩ ម៉ែត្រ
ឆ្លងកាត់ភូមិ ចំនួន៣ នៃឃុំសំឡូត។ កម្មវិធីរួមនេះបានរៀបចំឡើងនៅថ្ងៃទី ០៩ ខែកក្កដា ឆ្នាំ២០១៤ នៅសា លាឃុំសំឡូត ស្រុកសំឡូត ខេត្តបាត់ដំបង។ បន្ទាប់ពីពិធីគោរពព្រះវិញ្ញាណក្ខ័ន្ធព្រះបរមរតនកោដ្ឋរួចមក លោកឥន សៅរិទ្ធ អភិបាលនៃគណៈអភិបាល ស្រុកសំឡូត ព្រមទាំងភ្ញៀវកិត្តិយស ប្រជាពលរដ្ឋ បានវេរប្រគេនទៀនវស្សា ដល់ព្រះសង្ឃចំនួន ១២ វត្តក្នុងមួយវត្ត មានទៀន វស្សាចំនួន១គូ ថវិការ១៥មុឺនរៀល អង្ករ១បាវ ត្រីខ និងទ័យទានជាច្រើនមុខ ទៀតផងដែរ។
លោក នួន សុគន្ធ មេឃុំសំឡូត បានមានមតិស្វាគមន៏ ទៅភ្ញៀវកិត្តិយស និងបញ្ញាក់ជូន ភ្ញៀវកិត្តិយសថា ថវិការដែលចំណាយជួសជុលផ្លូវលំ ក្រាល គ្រួសធម្មជាតិចំនួន ៣ខ្សែរនេះ អស់ថវិការសរុប ២២លានរៀល បានមកពី បុណ្យមហាសាមគ្គី ដែលជាទឹកចិត្តផ្តួចផ្តើមរបស់ ឧបាសកហួត ហាក់ និងឧបា សិកាអ៊ុន សុផាត ព្រមទាំងបុត្រដែលបានផ្តើមធ្វើបុណ្យ មហាសាមគ្គីនេះឡើង ដើម្បី ប្រមូលថវិការ ជួសជុលផ្លូវ ខាងលើនេះ។
បន្ទាប់ពីកាត់ខ្សែរបូឆ្លងផ្លូវជួសជុលថ្មី និងកាត់ខ្សែរបូរដាក់ឲ្យប្រើអាគារ មណ្ឌលវឌ្ឍន៏ភាពស្ត្រីនេះរួច លោកវន់ សំអែល ប្រធានអភិវឌ្ឍន៏សហគមន៏ នៃមូលនិធិម៉ាដក្ស ចូលីភីត ( MJP ) បានមានប្រសាសន៏ថា ការសាងសង់អាគា វឌ្ឍន៏ភាពស្ត្រី ១ខ្នងនេះគឺជាការស្នើសុំរបស់លោក នួន សុគន្ធ មេឃុំសំឡូត និង ប្រជាពលរដ្ឋ ដែលបានសាងសង់រូចរាល់ចំណាយថវិការ ៣០០០០ ដុល្លា ជា ថវិការជំនួួយ ពីសហគមន៏ គ្រូបង្រៀននៅ Canada មិនត្រឹងតែប៉ុណ្ណោះ សហ គមន៏នៃមូលនិធិម៉ាដក្សចូលីភីត ( MJP ) ក៏ធ្លាប់បានជួយអភវឌ្ឍន៏លើវិស័យ ផ្សេងៗជាច្រើននៅក្នុង ឃុំសំឡូត។
លោក ឥន សៅរិទ្ធ អភិបាលនៃគណៈអភិបាលស្រុក សំឡូត បានថ្លែងអំ ណគុណយ៉ាងជ្រាលជ្រៅចំពោះឧបាសក ហួត ហាក់ និងឧបាសិកា អ៊ុន សុផាត ព្រមទាំងបុត្រ បានផ្តើមធ្វើបុណ្យមហាសាមគ្គីនេះឡើង ដើម្បីប្រមូលថវិការយក មកជូសជុលផ្លូវនិងជាពិសេស សូមថ្លែងអំណគុណចំពោះ មូលនិធិសហគមន៏ MJP ដែលជាអង្ការដៃគូបានជួយក៏ សាងនូវមជ្ឍមណ្ឌលស្ត្រីនេះឡើង និងបាន ជួយកសាងសមិត្តិផលជាច្រើនទៀត សំរាប់ពលរដ្ឋ ឃុំសំឡូត ក៏ដូចជាពលរដ្ឋ នៃស្រុកសំឡូតទាំងមូល។
