ខេត្តស្ទឹងត្រែង៖ ជនសង្ស័យម្នាក់ពាក់ព័ន្ធក្នុងករណីប្រើប្រាស់ចែកចាយថ្នាំញៀន ត្រូវបានកម្លាំងនគរការយាល័យប្រឆាំងគ្រឿងញៀនខេត្តស្ទឹងត្រែង ធ្វើការចាប់ឃាត់ខ្លួន ខណដែលជនសង្ស័យកំពុងធ្វើសកម្មភាពនៅកណ្តាលក្រុងស្ទឹងត្រែងដោយមិនញញើតនិងច្បាប់។ ការចុះបង្ក្រាប និងចាប់ខ្លួនជនសង្ស័យខាងលើ បានធ្វើឡើងកាលពីវេលាម៉ោង៦ និង ២០នាទីយប់ថ្ងៃទី២២កក្កដាម្សិលមិញ ស្ថិតក្នុងភូមិស្ពានថ្ម សង្កាត់ស្ទឹងត្រែង ក្រុង/ខេត្តស្ទឹងត្រែង។ 
លោកវរៈសេនីយ៏ទោនូ ហ៊ួរ នាយការិយាល័យនគរបាលប្រឆាំងគ្រឿងញៀនខេត្តបានឲ្យដឹងថា ជនសង្ស័យដែលត្រូវឃាត់ខ្លួននោះ មានឈ្មោះថូង សាសនា ភេទប្រុស អាយុ៣៣ឆ្នាំ រស់នៅភូមិស្ពានថ្ម សង្កាត់ស្ទឹងត្រែង ក្រុង ខេត្តស្ទឹងត្រែង។ លោកវរៈសេនីយ៍ទោបាបន្តថាជនសង្ស័យខាងលើគឺជាមុខសញ្ញាដែលសមត្ថកិច្ចតាមប្រម៉ាញ់ជាយូរមកហើយមក ពេលដែលគេកំពុងធ្វើសកម្មភាព សមត្ថកិច្ចបានធ្វើការខ្លួនតែម្តង។
ក្រោយការឃាត់ខ្លួន សមត្ថកិច្ចបានដកហូតវត្ថុតាងថ្នាំញៀន ប្រភេទមេតំហ្វេតាមីនចំនួន៧គ្រាប់ ព្រមទាំងឧបករណ៏ជក់ មួយចំនួនទៀត។ លោកនាយការិយាល័យបានបន្តថា ជនសង្ស័យឈ្មោះថូង សាសនា រួមជាមួយវត្ថុតាងថ្នាំញៀន រួមនឺងឧបករណ៏ជក់ត្រូវបញ្ជូនទៅកាន់តុលាការខេត្ត នៅរសៀលថ្ងៃទី២៣កក្កដានេះហើយ។ លោកថា ការិយាល័យកណ្តាលនគរបាលប្រឆាំងបទល្មើស នឹងបន្តពង្រឹងអនុវត្តគោលនយោបាយភូមិឃុំ មានសុវត្ថិភាពរបស់រាជរដ្ឋាភិបាល ឲ្យមានប្រសិទ្ធិភាពថែមទៀត៕
