ភ្នំពេញ ៖ រថយន្តកាមរីឆ្លាមមួយគ្រឿងបានរងការខូចខាត ខណៈត្រូវរថយន្តហ្វុយហ្សូ មួយគ្រឿងទៀតបើកមកបុក ពីក្រោយ ត្រង់ចំណុចមុខផ្សារស្ទឹងមានជ័យ កាលពីវេលាម៉ោង ៧ និង ៥០នាទី យប់ថ្ងៃទី២២ កុម្ភៈ ២០១៤នៅតាមបណ្តោយផ្លូវមុនីរ៉េត ស្ថិតក្នុងសង្កាត់ស្ទឹងមានជ័យខណ្ឌមានជ័យ។
បណ្តាលឲ្យរងការខូចខាតរួចព្យាយាមបើករត់រហូតមកដល់ចំណុចគល់ស្ពានស្ទឹងមានជ័យត្រូវសមត្ថកិច្ចស្ទាក់ឃាត់ចាប់បាន ដែលហេតុការណ៍នេះបានកើតឡើង តាមប្រភពនៅកន្លែងកើតហេតុបានឲ្យដឹងថា នៅមុនពេលកើតហេតុគេឃើញរថយន្តហ្វុយហ្សូ ១គ្រឿង គ្មានស្លាកលេខបើកបរដោយបុរសម្នាក់ និងព្រូម្នាក់ទៀត ធ្វើដំណើរតាមបណ្តោយផ្លូវមុនីរ៉េត ក្នុងទិសដៅពីលិចទៅកើត លុះមកដល់ចំណុចកើតហេតុ ក៏ជ្រុល
ចង្កូតទៅបុកនឹងរថយន្តកាមរីឆ្លាម មួយគ្រឿងទៀត ពាក់ស្លាកលេខ ភ្នំពេញ 1F-1956 ពីក្រោយ បណ្តាលឲ្យរងការខូចខាត ខណៈនោះខាងរថយន្តហ្សូបានព្យាយាមបើករត់ ក៏ត្រូវសមត្ថកិច្ចឃាត់ចាប់បានតែម្តង។ ក្រោយពេលកើហេតុ សមត្ថកិច្ចបានចុះមកធ្វើការវាស់វែង និងអូសរថយន្តទាំងពីរ ទៅរក្សាទុកនៅ អធិការដ្ឋាន នគរបាលខណ្ឌមានជ័យ ដើម្បីដោះស្រាយតាមច្បាប់៕
