ភ្នំពេញ ៖ យុវជនម្នាក់បានជិះម៉ូតូដឹកនារី២នាក់ក្នុងល្បឿនលឿនវាក់អឺនិងរថយន្តហៃឡេនឌ័រមួយគ្រឿង បណ្ដាលអោយបុកគូទពីក្រោយ ពេលដែលកំពុងជិះធ្វើដំណើរតាមបណ្ដោយផ្លូវ១៨២ ក្នុងសង្កាត់ផ្សារដេប៉ូ១ ខណ្ឌទួលគោក កាលពីវេលាម៉ោង១០និង៣០នាទីយប់ថ្ងៃទី២៣ខែកុម្ភៈឆ្នាំ២០១៤។
ប្រភពព័ត៌មានពីកន្លែងកើតហេតុពីសមត្ថកិច្ចនៅកន្លែងកើតហេតុខាងលើនេះបានអោយដឹងថា មុនពេលកើតហេតុគេបានសង្កេតឃើញយុវម្នាក់បានជិះម៉ូតូឌ្រីមសង់C125 ពណ៌ខ្មៅ ពាក់ស្លាកលេខ ភ្នំពេញ 1AA-1146 បានរួមដំណើរដោយនារី២នាក់ទៀតបានអង្គុយពីក្រោយហើយពួកគេបានជិះម៉ូតូលឿន ពីទិសដៅលិចទៅកើត ស្រាប់តែមកដល់ចំណុចកើតហេតុខាងលើក៏បានវាក់អឺជាមួយរថយន្តហៃឡេនឌ័រ មួយគ្រឿង ពណ៌ស្ករ
ពាក់ស្លាកលេខ ភ្នំពេញ 1U-7909 ដែលកំពុងធ្វើដំណើរស្របគ្នានោះក៏ម៉ូតូខាងលើ មកបុកពីក្រោយបណ្ដាលអោយក្រពិតកាងក្រោយផ្នែកខាងស្ដាំនិងម៉ូតូដួលធ្វើអោយអ្នកជិះរងរបួសស្រាលទាំង៣នាក់ផងដែរ។ក្រោយពេលកើតហេតុសមត្ថកិច្ចសមត្ថកិច្ចបានធ្វើការសម្របសម្រួលគ្នាបញ្ចប់រឿងនៅ កន្លែងកើតហេតុព្រោះគ្រោះថ្នាក់នេះមិនបណ្ដាលអោយមានមនុស្សរងរបួសធ្ងន់ធ្ងរគ្រាន់តែខូចខាតយានជំនះ បន្តិចបន្តួចតែប៉ុណ្ណោះ រួចភាគីទាំងសងខាងព្រមបញ្ចប់រឿងដោយគ្មានអ្នកណាសងអ្នកណានោះទេ៕