ភ្នំពេញ៖ បុរស២នាក់បានជិះម៉ូតូម៉ាកឌ្រីមសង់C125 បានជ្រុលទៅបុកនិងម៉ូតូស្កូបពីដែលបត់ចេញពី កន្លែងញ៉ាំអីបណ្ដាលអោយម៉ូតូទាំង២គ្រឿងគលើគ្នានិងម្ចាស់ម៉ូតូទាំងសងខាងរងរបួសធ្ងន់និងស្រាល៤នាក់ កាលពីវេលាម៉ោង១២និង១០នាទីឈានចូលថ្ងៃទី២៤ខែកុម្ភៈឆ្នាំ២០១៤ ស្ថិតត្រង់ចំណុចមុខផ្សាររាត្រី តាមបណ្ដោយផ្លូវព្រះស៊ីសុវត្តិក្នុងសង្កាត់វត្តភ្នំ ខណ្ឌដូនពេញ។
ប្រភពព័ត៌មានពីបុរសម្នាក់លក់ពោតដែលឃើញហេតុការណ៍នេះបានអោយដឹងថា គាត់បានឃើញ បុរស២នាក់ជិះម៉ូតូ១គ្រឿងម៉ាកស្កូបពី ពណ៌ក្រហមលាយស មិនចាំស្លាកលេខ បានបត់ចេញពីកន្លែងញ៉ាំអី ស្រាប់តែពេលនោះក៏មានបុរស២នាក់ជិះម៉ូតូមួយគ្រឿងម៉ាកឌ្រីមសង់C125 ពណ៌
ខ្មៅ ពាក់ស្លាកលេខ កំពង់ស្ពឺ 1F-1686 បានធ្វើដំណើរតាមបណ្ដោយផ្លូវព្រះស៊ីសុវត្តិក្នុងទិសដៅពីត្បូងទៅជើងក្នុងល្បឿនយ៉ាងលឿនក៏ជ្រុល មកបុកនិងម៉ូតូស្កូបពីដែលកំពុងបត់ចេញពីកន្លែងញ៉ាំអីនោះយ៉ាងពេញទំហឹងធ្វើអោយម្ចាស់ម៉ូតូទាំង២រងរបួស ធ្ងន់និងស្រាល៤នាក់ចំណែកម៉ូតូរង
ការខូចខាតផងដែរ។បន្ទាប់ពីកើតហេតុជនរងគ្រោះដែលរងរបួសធ្ងន់ក៏ត្រូវ រថយន្តសាមុយដឹកយកទៅមន្ទីរពេទ្យរីឯអ្នកដែលរងរបួសស្រាលក៏ធ្វើការដោះស្រាយជាមួយគ្នានៅកន្លែងកើតហេតុបញ្ចប់រឿងដោយយកម៉ូតូទៅជួសជុលរៀងៗខ្លួន៕ 
