ខេត្តព្រះសីហនុ កាលពីរសៀលថ្ងៃទី១១ ខែកញ្ញា ឆ្នាំ២០១៤ មន្ទីរទេសចរណ៌ខេត្តព្រះសីហនុបានផ្សព្វផ្សាយច្បាប់ស្តីពីទេសចរណ៌ និងអនុក្រឹត្យស្តីពីការគ្រប់គ្រងមណ្ឌលកម្សាន្តទេសចរណ៌យុវវ័យ ជូនដល់អាជីវករលក់ដូរនៅតាមតំបន់ឆ្មេរ ម្ចាស់ផ្ទះសំណាក់ សណ្ឋាគារ អ្នកគ្រប់គ្រងអាជីវកម្មទេសចរណ៌ និងនិស្សិតសរុប ចំនួន ១០៥នាក់ នៅមន្ទីរទេសចរណ៌ខេត្តព្រះសីហនុ ។ ឯកឧត្តម ឈិន សេងងួន អភិបាលរងខេត្តព្រះសីហនុ មានប្រសាសន៌ថាវិស័យទេសចរណ៌មានលក្ខណះជាប្រព័ន្ធ ជាវិស័យអាទិភាពត្រូវបានទទួលស្គាល់ថា ជាមាសបៃតងវកំណត់នៅក្នុងយុទ្ធសាស្ត្រចតុកោនរបស់រាជរដ្ឋាភិបាល វិស័យនេះរួមចំណែកកសាងសេដ្ឋកិច្ច សង្គម ផ្តល់ឪកាសការងារ ប្រាក់ចំណូល លើកកំពស់ជីវភាព រស់នៅ និងកាត់បន្ថយ
ភាពក្រីក្រប្រជាពលរដ្ឋ ។ ខេត្តព្រះសីហនុជាប៉ូលសេដ្ឋកិច្ច ពាណិជ្ជកម្ម ឧស្សាហកម្ម និងទេសចរណ៌ ពិសេសការប្រសិទ្ធនាមឆ្មេរសមុទ្រកម្ពុជា ជាតារារះនាទិសនារតី ដែលមានឆ្មេរខ្សាច់សស្អាត ខ្យល់អាកាសបរិសុទ្ធ រមណីយដ្ឋានធម្មជាតិជីវះចម្រុះសម្រាប់ទាក់ទាញទេសចរមកកម្សាន្ត ។ ខេត្តព្រះសីហនុមានហេដ្ឋារចនាសម្ពន្ធ័គមនាគមន៌ ព្រលានយន្តហោះអន្តរជាតិ កំពង់ផែអន្តរជាតិ និងគម្រោងវិនិយោគផ្នែកវិស័យទេសចរណ៌ ជាកត្តាជំរុញកំណើនសេដ្ឋកិច្ច និងទេសចរសំដៅធានានិរន្តរភាពវិស័យទេសចរណ៌។ ឯកឧត្តមបន្តទៀតថា ដើម្បីឆ្លើយតបតាមកំណើន និងសក្តានុពលទេសចរ ត្រូវរួមគ្នា
ផ្សព្វផ្សាយការការពារបរិស្ថាន ការសំអាតឆ្មេរ ការការពារសន្តិសុខ សុវត្ថិភាពទេសចរណ៌ ពិសេសចូលរួមប្រឡងប្រឡាំងពីក្រុងស្អាត រមណីយដ្ឋានស្អាត សេវាល្អ សំដៅធ្វើឲ្យកម្ពុជាជាគោលដៅទេសចរណ៌បៃតង វប្បធម៌ ព្រមទាំងគោលដៅទេសចរណ៌ប្រកបដោយគុណភាពនិងប្រកួតប្រជែង លំដាប់អន្តរជាតិ និងសកលលោក ។ លោក នូ សុផល ប្រធានមន្ទីរទេសចរណ៌ មានប្រសាសន៌ថា ការផ្សព្វផ្សាយច្បាប់ស្តីពីទេស ចរណ៌ និងអនុក្រឹត្យស្តីពីការគ្រប់គ្រងមណ្ឌលកម្សាន្តទេសចរណ៌
មនុស្សពេញវ័យ ក្នុងគោលបំណងពង្រឹងការគ្រប់គ្រងមណ្ឌលកំសាន្តទេសចរណ៌ឲ្យទទួលបានប្រសិទ្ធិភាពធានានូវគុណភាពសេវាកម្មទេសចរណ៌ ទប់ស្កាត់ផលប៉ះពាល់អវិជ្ជមានក្នុងវិស័យទេសចរណ៌ រក្សាបានសណ្តាប់ធ្នាប់ សុវត្ថិភាព ព្រមទាំងធានាការថែរក្សាបរិស្សាន ប្រពៃណី និងសេចក្តីថ្លៃថ្នូររបស់ជាតិ ។ ការផ្សព្វផ្សាយច្បាប់នេះ ក៌មានការចូលរួមពីអាជ្ញាធរ សមត្ថកិច្ច កងកម្លាំងប្រដាប់អាវុធ ពិសេសបងប្អូនម្ចាស់អាជីវកម្ម រឺអ្នកគ្រប់គ្រងអាជីវកម្មទេសចរណ៌នៅតាមមូលដ្ឋានអាជីវកម្មរបស់ខ្លួនឲ្យបានត្រឹមត្រូវ ដើម្បីពង្រឹងផលិតផលទេសចរណ៌មានគុណភាព សេវាកម្មទេសចរណ៌មានប្រសិទ្ធិភាព ការផ្តល់អាជ្ញាបណ្ណ័ទេសចរណ៌មានលក្ខណះស្តង់ដារ ដើម្បីរកចំណូលថវិកាជូនជាតិប្រកបដោយប្រសិទ្ធិភាព ។ លោកប្រធានមន្ទីរក៌បាន
អំពាវនាវដល់ម្ចាស់អាជីវកម្ម អ្នកគ្រប់គ្រងអាជីវកម្មទាំងអស់ រក្សាតម្លៃម្ហូបអាហារ តម្លៃបន្ទប់ស្នាក់នៅ តម្លៃសេវាកម្មដឹកជញ្ជូនភ្ញៀវក្នុងតម្លៃសមរម្យ ក្នុងឪកាសអបអរសាទរពិធីបុណ្យភ្ជុំបិណ្ឌប្រពៃណីជាតិខ្មែរនិងឈានមកដល់នៅពេលខាងមុខ សំដៅផ្តល់នូវជំនឿជឿជាក់ និងភាពកក់ក្តៅជូនភ្ញៀវទេសចរជាតិ និងអន្តរជាតិមកលេងកំសាន្តនៅខេត្តព្រះសីហនុ ៕ ដោយ Bun rithy
