សៀមរាប ៖ ជនសង្ស័យម្នាក់នេះនិងបក្សពួកចំនួនពីរនាក់ទៀតត្រូវបានលោកវរសេនីយ៍ឯក អ៊ុំ អមរា ស្នងការរងនិងជាប្រធានការិយាល័យកណ្តាលនគរបាលប្រឆាំងបទល្មើសនៃស្នងការដ្ឋាននគរបាលខេត្តសៀមរាបនិងលោកវរសេនីយ៍ត្រី អ៊ុំ សាអាត នាយការិយាល័យនគរបាលប្រឆាំងគ្រឿងញៀននៃស្នងការដ្ឋាននគរបាលខេត្តសៀមរាបបានដឹកនាំកម្លាំងនគរបាលក្នុងអង្គភាពសហការណ៍ជាមួយកម្លាំងប៉ុសិ៍្តនគរបាលរដ្ឋបាលសង្កាត់សាលាកំរើក ក្រុងសៀមរាបដោយអនុវត្តតាមបទបញ្ជា លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាបនិងមានការបញ្ជាដឹកនាំកម្លាំងចុះប្រតិបត្តិការណ៍តាមដានស្រាវជ្រាវនិងឈានដល់ការចាប់ឃាត់ខ្លួននៅក្នុងផ្ទះរបស់ជនសង្ស័យនៅផ្លូវផ្សារ
ក្រោមជិតផ្លូវក្រវ៉ាត់ក្រុងសៀមរាបស្ថិតនៅក្នុងភូមិវត្តស្វាយ សង្កាត់សាលាកំរើក ក្រុងសៀមរាប ពីសំណាក់លោកហេង ផេង ព្រះរាជអាជ្ញារងសាលាដំបូងខេត្តសៀមរាប នោះ ។ក្នុងកិច្ចចុះប្រតិបត្តិការណ៍បង្ក្រាបចំពោះករណីប្រើប្រាស់រក្សាទុកដឹកជញ្ជូនឫជួញដូរដោយខុសច្បាប់នូវសារធាតុញៀននេះដែរ សមត្ថកិច្ចយើងបានធ្វើការត្រួតពិនិត្យនិងបានធ្វើការឆែកឆេរនៅក្នុងផ្ទះរបស់ជនសង្ស័យទាំងនៅលើផ្ទះក្រោមផ្ទះនិង
ជុំវិញបរិវេណផ្ទះរបស់ជនសង្ស័យគ្រប់ទីកន្លែងផងនោះសមត្ថកិច្ចយើងបានរកឃើញនៅប្រភេទគ្រឿងញៀនខុសច្បាប់ប្រភេទមេតំហ្វេតាមីន ហៅម៉ាទឹកកក ទាំងកញ្ចប់តូចនិងកញ្ចប់ធំចំនួន២៤កញ្ចប់ ស្មើរនិង២៧,៩ក្រាម កញ្ជាក្រៀម១កញ្ចប់តូច និង W Y ហៅ យ៉ាម៉ា ចំនួន ០៣ គ្រាប់ ដែលជនសង្ស័យបានយកមកលាក់ទុកក្នុងការ៉ុងអង្ករ និង នៅលើដំបូលផ្ទះ និងមានខ្លះទៀតជនសង្ស័យបានយកគ្រឿងញៀនទាំងនេះគ្រវែង
ចោលមកក្រោមផ្ទះព្រមទាំងឩបករណ៍ច្នៃជក់គ្រឿងញៀននិងឩបករណ៍សម្រាប់ថ្លឹងវិចខ្ចប់គ្រឿងញៀនជាច្រើនទៀតផងដែរដើម្បីបំភាន់ភ្នែកសមត្ថកិច្ចតែទោះបីជាយ៉ាងណាក៏ដោយសមត្ថកិច្ចយើងរុករកទល់តែឃើញផងដែរ ។ ដោយកិច្ចចុះប្រតិបត្តិការណ៍នេះបានធ្វើឡើងកាលពីព្រឹកថ្ងៃទី២៧ដល់ថ្ងៃទី២៨ខែ កុម្ភះឆ្នាំ២០១៤នេះ បន្ទាប់ពីសមត្ថកិច្ចបានធ្វើការឃាត់ខ្លួននិងបានប្រមូលវត្ថុតាងទាំងអស់នៅក្នុងផ្ទះរបស់
ជនសង្ស័យខាងលើបានហើយនោះ សមត្ថកិច្ចក៏បាននាំខ្លួនជនសង្ស័យយកទៅកាន់ការិយាល័យជំនាញដើម្បីធ្វើការសួរនាំនិងចំណាត់ការទៅតាមនិតិវិធីបន្តផងដែរ ។ ដោយឡែក ជនសង្ស័យភេទប្រុសម្នាក់នេះនិងពីរនាក់ទៀតសរុបចំនួន៣នាក់ត្រូវបានលោកលោកវរសេនីយ៌ឯក ស្រី យូរ៉ា មេបញ្ជាការរងនៃទីបញ្ជាការដ្ឋានកងរាជអាវុធហត្ថខេត្តសៀមរាបនិងជាប្រធានមន្ទីរស្រាវជ្រាវនិងយុត្តិធម៌បានដឹកនាំកំលាំង
ការិយាល័យស្រាវជ្រាវប្រឆាំងគ្រឿងញៀន នៃមន្ទីស្រាវជ្រាវ និងយុត្តិធម៌ដោយអនុវត្តតាមបទបញ្ជាជាប្រចាំពីសំណាក់ ឯ.ឩ ឃឹម ប៊ុនសុង អភិបាលខេត្តសៀមរាបនិងជាប្រធានគណះបញ្ជាការឯកភាពខេត្តក៏ដូចជាឯ.ឩ ឧត្តមសេនីយ៌ត្រី ម៉ន សាម៉ុន មេបញ្ជាការកងរាជអាវុធហត្ថខេត្តសៀមរាបនិងមានការសម្របសម្រួលនីតិវិធីដោយ លោក ទី សុវិន ថាល់ ព្រះរាជអាជ្ញាសាលាដំបូងខេត្តសៀមរាបផងនោះទើបកម្លាំង
កងរាជអាវុធហត្ថខេត្តសៀមរាបបាន ចុះប្រតិបត្តិការណ៍តាមដានស្រាវជ្រាវនិងធ្វើការចាប់ឃាត់ខ្លួនជនសង្ស័យទាំង៣ នាក់នេះបាននៅក្នុងថ្ងៃតែមួយនៅត្រង់ចំណុចភូមិស្វាយដង្គំ សង្កាត់ស្វាយដង្គំ ក្រុងសៀមរាបកាលពីថ្ងៃទី២៧ខែកុម្ភះឆ្នាំ២០១៤កន្លងទៅនេះ រួចយកមកកាន់ការិយាល័យជំនាញដើម្បីធ្វើការសួរនាំព្រមទាំងវត្ថុតាងថ្នាំញៀនសរុបរួមប្រភេទ ម៉ាទឹកក ៨ កញ្ចប់តូចនិងឩបករណ៍ច្នៃជក់គ្រឿងញៀន
ក៏ដូចជាឩបករណ៍សម្រាប់វិចខ្ចប់គ្រឿងញៀនមួយចំនួនទៀតផងដែរ។ដែលសមត្ថកិច្ចសង្ស័យថាជនទាំង៣នាក់នេះបានលួចប្រព្រឹត្តបទល្មើសក្នុងករណីប្រើប្រាស់ រក្សាទុកដឹកជញ្ជូន ឬ ជួញដូរដោយខុសច្បាប់នូវសារធាតុញៀន ។បច្ចុប្បន្នជនសង្ស័យព្រមទាំងវត្ថុតាងត្រូវបានកម្លាំងកងរាជអាវុធហត្ថខេត្តសៀមរាបកសាងសុំណុំរឿងនិងបញ្ជូនទៅកាន់សាលាដំបូងខេត្តហើយដើម្បីអនុវត្តទៅតាមនិតិវិធីជាបន្ត៕
គួរបញ្ជាក់ថាបើទោះបីជាសមត្ថកិច្ចធ្វើការបង្ក្រាបបានចំពោះករណីប្រើប្រាស់រក្សាទុកដឹកជញ្ជូនឫជួញដូរដោយខុសច្បាប់នូវសារធាតុញៀននេះបានជាញឹកញាប់ក្នុងខេត្តសៀមរាបក៏ដោយក៏នៅតែមានប្រភពព័ត៍មានចេញពីបងប្អូនប្រជាពលរដ្ឋថាបញ្ហាគ្រឿងញៀននេះនៅក្នុងខេត្តសៀមរាបនៅតែជាបញ្ហាប្រឈមនៅឡើយនោះទេ។ ដោយប្រភពព័ត៍មានពីបងប្អូនប្រជាពលរដ្ឋសំណូមពរឲ្យមន្ទីរអង្គភាពនិងស្ថាប័ន
ដែលពាក់ព័ន្ធក្នុងការអនុវត្តច្បាប់នៅពេលដែលចុះប្រតិបត្តិការណ៍ធ្វើការបង្ក្រាបជនប្រព្រឹត្តបទល្មើសទាំងអស់នេះបានហើយនោះសូមឲ្យអនុវត្តទៅតាមនិតិវិធីឲ្យបានតឹងរឹងទើបក្រុមអ្នកប្រព្រឹត្តបទល្មើសទាំងអស់នេះមានភាពរៀងចាលនិងធ្វើឲ្យប្រជាពលរដ្ឋទាំងអស់មានទំនុបចិត្តនិងមានការជឿជាក់មកលើអ្នកអនុវត្តច្បាប់គ្រប់ៗរូបក៏ដូចជាធ្វើឲ្យការអនុវត្តនៅគោលនយោបាយភូមិឃុំមានសុវត្ថិភាពក៏កាន់តែមានប្រសិទ្ធភាពខ្ពស់ផងដែរ ៕ដោយ លោក ខេង ខេមរា
