សៀមរាប : នៅសាលប្រជុំស្នងការដ្ឋាននគរបាលសៀមរាបកាលពីរសៀលថ្ងៃទី២៨ ខែកុម្ភះ ឆ្នាំ២០១៤ នេះ បានប្រារព្ធធ្វើពិធីសំណេះសំណាលជាមួយកងកម្លាំងនគរបាលជាតិនារីទូទាំងខេត្តសៀមរាបដើម្បីចូលរួមអបអរសាទរ ខួបលើកទី១០៣នៃទិវាអន្តរជាតិនារី០៨មិនា ឆ្នាំ២០១៤ក្រោមប្រធានបទ(សមភាពនៃការអប់រំមានសារ:សខាន់ក្នុងកិច្ចអភិវឌ្ឍន៍សង្គម) ។
ដោយពិធីនេះប្រព្រឹត្តទៅក្រោមអធិបតីភាពលោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប និងមានការអញ្ជើញចូលរួមពីសំណាក់អស់លោក លោកស្រី ឩត្តមសេនីយ៍ត្រី វរសេនីយ៍ឯក ស្នងការរង នាយ នាយរងការិយាល័យនិងនគរបាលចំណុះស្នងការដ្ឋាននគរបាលខេត្តសៀមរាបក៏ដូចជាអស់លោក លោកស្រី តំណាងមន្ទីរអង្គភាពស្ថានប័ននានាជុំវិញខេត្តនិងអង្គការដៃគូមួយចំនួនបានអញ្ជើញចូលរួមយ៉ាងច្រើនផងដែរ ។
បន្ទាប់ពីលោកស្រីវរសេនីយ៍ឯក សុខ សំស្នងការរងនិងជាប្រធានក្រុមការងាយែនដ័រនៃស្នងការដ្ឋាននគរបាលខេត្តសៀមរាបបានឡើងមានមតិស្វាគមន៍និងការអាននូវប្រវត្តិទិវាអន្តរជាតិនារី០៨មិនាក៏ដូចជាតំណាងកងកម្លាំងនគរបាលជាតិនារីចំណុះស្នងការដ្ឋាននគរបាលខេត្តសៀមរាបបានឡើងអាននូវញាត្តិប្តេជ្ញាចិត្តរួចមក។មានប្រសាសន៍សំណេះសំណាលក្នុងឱកាសនោះ លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាប បានមានប្រសាសន៍ថានៅក្នុងព្រះរាជាណាចក្រកម្ពុជា ជារៀងរាល់ឆ្នាំតែងតែបាន ប្រារព្វធ្វើនូវទិវាអន្តរជាតិនារី០៨មិនានេះឡើងមិនដែលអាក់ខានឡើយ។
ដោយឡែកសម្រាប់ឆ្នាំ២០១៤នេះនៅស្នងការដ្ឋានគរបាលខេត្តសៀមរាប បានប្រារព្ធធ្វើពិធីសំណេះសំណាលជាមួយកងកម្លាំងនគរបាលជាតិនារីទូទាំងខេត្តសៀមរាបគឺដើម្បីចូលរួមអបអរសាទរ ខួបលើកទី១០៣នៃទិវាអន្តរជាតិនារី០៨មិនា ឆ្នាំ២០១៤ក្រោមប្រធានបទ(សមភាពនៃការអប់រំមានសារ:សខាន់ក្នុងកិច្ចអភិវឌ្ឍន៍សង្គម) គឺក្នុងគោលបំណងដើម្បីរំលឹកនៅការតស៊ូរបស់ស្ត្រីក្នុងការធ្វើឲ្យសម្រេចបាននូវ សមធម៌ សន្តិភាព និងការអភិវឌ្ឍន៍នៅក្នុងសង្គមដើម្បីស្ត្រីទទួលបាននូវការគោរពសិទ្ធិ សេរីភាពនិងទទួលស្គាល់នូវតម្លៃនៃការចូលរួមដោយស្មើភាពក្នុងការអភិវឌ្ឍន៍គ្រួសារ និងប្រទេសជាតិផងដែរ។
\នៅក្នុងឱកាសនោះដែល លោក ឩត្តមសេនីយ៍ទោ សត ណាឌី ស្នងការនគរបាលខេត្តសៀមរាបក៏បានធ្វើការចែកជូននូវវត្ថុកំដរដៃដើម្បីទុកជាអនុស្សាវរីយ៍ក្នុងថ្ងៃ អបអរសាទរ ខួបលើកទី១០៣នៃទិវាអន្តរជាតិនារី០៨មិនា ឆ្នាំ២០១៤ដល់កងកម្លាំងនគរបាលជាតិនារីចំណុះស្នងការដ្ឋាននគរបាលខេត្តសៀមរាបដែលមានវត្តមាននៅក្នុងពិធីនេះចំនួន១១៦នាក់ដោយម្នាក់ៗទទួលសារ៉ុង ១ និងថវិកា ចំនួន២ម៉ឺនរៀលនិងស្ត្រីដែលកពុងតែធ្វើសំណង់នៅក្នុងបរិវេណស្នងការដ្ឋាននគរបាលខេត្តសៀមរាបចំនួន៣នាក់ម្នាក់ៗទទួលបានថវិកា២ម៉ឺនរៀលផងដែរ ៕ ខេង ខេមរា
