កំពង់ធំៈ សភាពាណិជ្ជកម្ម កំពង់ធំ ព្រះវិហារ បានបើកសិក្ខាសាលាថ្នាក់ក្រោមជាតិ ស្តីពីវេទិការាជរដ្ឋាភិបាល ផ្នែកឯកជន យន្តការសម្រាប់បរិស្ថានពាណិជ្ជកម្ម ក្រោមអធិបតីភាព ឯកឧត្តម ងួន ម៉េងតិច អគ្គនាយក សភាពាណិជ្ជកម្មកម្ពុជា ឯកឧត្តម អ៊ុត សំអន អភិបាលខេត្តកំពង់ធំនិង ឧកញ៉ាហេង សំណាង ប្រធានសភាពាណិជ្ជកម្ម កំពង់ធំ ព្រះវិហារ ព្រមទាំងសមាជិកសភាពពាណជ្ជកម្ម កំពង់ធំ ព្រះវិហារ និងមន្ទីរពាក់ចូលរួមផងដែរ។
ឧកញ៉ាហេង សំណាង ប្រធានសភាពាណិជ្ជកម្ម កំពង់ធំ ព្រះវិហារ បានមានប្រសាសន៍ថា នេះជាលើកទី១ហើយដែលបាន រៀបចំឲ្យមានសិក្ខាសាលា នៅក្នុងមណ្ឌលកំពង់ធំ ព្រះវិហារ ដោយឡែកសភាពពាណិជ្ជកម្ម មណ្ឌលកំពង់ធំ ព្រះវិហារ មានការរីកចំរើន និងបោះជំហានឈានទៅរកការអភិវឌ្ឍន៍ នៃវិស័យឯកជន និងបានចូលរួមយ៉ាងសកម្ម ក្នុងកិច្ចការពារនូវបញ្ហា និងការប្រឈមផ្សេងៗ របស់ពាណិជ្ជករ ដូច្នេះសិក្ខាសាលាថ្ងៃនេះ ជា
ដំណោះស្រាយមួយថ្មី សម្រាប់ បងប្អូនអជីវករ ពាណិជ្ជករ ឧស្សាហករ ក្នុងការពាំនាំនូវបញ្ហា ដើម្បីជួយគ្នាដោះស្រាយ ស្វែងរកមធ្យោបាយសមស្រប សំរាប់បង្កើតយន្តការកិច្ចសន្ទនា រវាងវិស័យសាធារណៈ និងឯកជន ដើម្បីសំដៅជម្រុញកិច្ចសហប្រតិបត្តិការ កាត់ បន្ថយនូវអសកម្មជាយថាហេតុ និងសូមគាំទ្រទាំងស្រុង អោយមានយន្តការកិច្ចការសន្ទនារវាងរដ្ឋាភិបាល និងផ្នែក ឯកជនថ្នាក់ខេត្ត ។
ឯកឧត្តម ងួន ម៉េងតិច អគ្គនាយក សភាពាណិជ្ជកម្មកម្ពុជា បានបញ្ជាក់ថា ក្រោមកិច្ចកម្មវិធីព្រមព្រៀង វិស័យពាណិជ្ជកម្ម របស់ក្រសួងពាណិជ្ជកម្ម ឯកជន រវាងរាជរដ្ឋាភិបាល ដ៏មានប្រសិទ្ធិភាពខ្ពស់ហើយត្រូវបាន ស្ថាប័នអន្តរជាតិ និងដៃគូអភិវឌ្ឍន៍ជាច្រើន ជាយន្តកាមួយចូលរួម យ៉ាងទូលំទូលាយពីភាគីពាក់ព័ន្ឋ និងបានដោះស្រាយកែរបញ្ហាផ្សេងៗ ក៏ដូចជាបានចូលរួម កែសម្រួលជាវេជ្ចមានបរិយាកាស និងបានចូលរួមកែប្រែទំនប់វិស័យសេវាសាធារណៈ ដើម្បីនិងកែលំអរនូវលិខិតបទដ្ឋាន សម្រាប់បំរើនូវតំម្រូវការពាណិជ្ជកម្ម ឧស្សាហកម្ម និងការវិនិយោគ មិនតែប៉ុណ្ណោះវេទិការនេះ បានក្លាយទៅជាយន្តកាគំរូ សម្រាប់ប្រទេសមួយចំនួន ដកយកបទពិសោធន៍ផងដែរ និងមានអទិភាពជ្រៀតចូលនូវ មតិយោបល់ រវាងរាជរដ្ឋាភិបាល និងផ្នែកឯកជន ។
ឯកឧត្តម អ៊ុត សំអន អភិបាលខេត្តកំពង់ធំ បានមានប្រសាសន៍ កោតសរសើរ មណ្ឌលសភាពពាណិជ្ចកម្ម កំពង់ធំ ព្រះវិហារ ដែលបានខិតខំអភិវឌ្ឍន៍ខ្លួនជាលំដាប់ និងទទួលបានជោគជ័យ ជាទូទៅក្នុងវិស័យសភាពាណិជ្ជកម្ម ត្រូវបានផ្តោតសំខាន់លើ វិស័យឯកជន និងសូវជាមានផ្នែករដ្ឋលូកដៃចូលជ្រៅនោះទេ សេដ្ឋកិច្ចកម្ពុជានាពេលនេះ គឺមានការរីកចំរើន ដោយផ្អែកទៅលើ ការប្រើប្រាស់យាន្តជំនិះ សក្កានុពល ស្ថានភាពនយោបាយ និងសន្តិសុខ ការរស់នៅប្រចាំជីវភាព បើសិនជាក្នុងមួយថ្ងៃរកចំណូល មិនបាន១ដុល្លានោះទេ គឺបានសេចក្តីថា មិនរួចផុតពីភាពក្រីក្រនោះទេ ..។
និងបានបញ្ជាក់ថា ខេត្តកំពង់ធំ គឺជាខេត្តក្នុងចំណោមទាំង២៥ខេត្តក្នុងព្រះរាជាណាចក្រកម្ពុជា ខេត្តកំពង់ធំ មានសក្កានុពល ខាងវិស័យកសិកម្ម ដំណាំកៅស៊ូ ស្វាយចន្ទី ស្រូវ ដំឡូង និងជាខេត្តដែលមានបរិមាណស្រូវ បន្ទាប់ពីខេត្តបាត់ដំបង មានផ្ទៃដីធ្វើស្រែចំការ ជាង២២ម៉ឺនហិចតាផលដំណាំស្រូវផលិតបាន ៦០ម៉ឺនតោនក្នុងមួយឆ្នាំ និងបានកាត់២០ម៉ឺនតោនសម្រាប់ការហូបចុក និងសត្វ ចំណែកស្រូវ៤០ម៉ឺនតោនគឺសម្រាប់នាំចេញ ក្នុងនោះដែរក៏ជួបនូវគ្រោះធម្មជាតិផងដែរ ។ដោយ ប៊ុន រដ្ឋា
