តាកែវ.ចាស់ជរាទីទាល់ក្រ និងសិស្សានុសិស្ស ចំនួន ៨០០នាក់ទទួលអំណោយពីរលោកយាយឧបាសិកា ងី យ៉ន និងឧបាសិកា ងី យ៉េង នាព្រឹកថ្ងៃទី១២ ខែធ្នូ ឆ្នាំ២០២៤នេះ លោកយាយឧបាសិកា ងី យ៉ន ត្រូវជាម្ដាយលោក ពៅ សុផល រួមជាមួយកូនក្មួយ បានប្រារព្ធពិធីបុណ្យ «ខួបអង្គតាម៉ឹង» 
ឧទិ្ទសកុសលជូនដល់វិញ្ញាណក្ខ័ន្ធ កុង ងីកាំង ខួប៩ឆ្នាំ យាយ ងួនយ៉ាន់ កុង ង៉ែតឆន ខួប១៥ឆ្នាំ យាយ ងួនយឿន ខួប១៤ឆ្នាំ ព្រមទាំងញាតិការទាំងប្រាំពីរសន្ដានដែលបានចែកឋានទៅ នៅភូមិប្រជុំ ឃុំស្រែរនោង ស្រុកត្រាំកក់ ខេត្ដតាកែវ ។ ពិធីបុណ្យនេះដែរ លោកយាយ ងី យ៉ន និងលោកយាយ ងី យ៉េង បានរៀបចំបាយម្ហូប គុយទាវ ភេស្ជៈ កាហ្វេ តែក្រូចឆ្មា រួមជាមួយអំណោយ អង្ករ សារុង ថវិកា និងសម្ភារៈសិក្សា ចែកជូនដល់ចាស់ជរា ជនក្រីក្រ និងសិស្សានុសិស្ស ចំនួន ៨០០នាក់ ផងដែរ ។ ក្រោយពីទទួលអំណោយសប្បុរសជននេះបងប្អូនប្រជាពលរដ្ឋនៅទីនោះបានសម្ដែងនៅទឹកចិត្តរីករាយយ៉ាងខ្លាំង ហើយបាននាំគ្នានិយាយថា ជារាងរាល់ឆ្នាំលោកយាយ ងី យ៉ន និងលោកយាយ ងី យ៉េង រួមជាមួយកូនៗ តែងតែមកធ្វើបុណ្យដាក់ទានដល់ជនក្រីក្រ ចាស់ជរា និងសិស្សានុសិស្សនៅក្នុងភូមិប្រជុំ ឃុំស្រែរនោង ដើម្បីជាការចូលរួមចំណែកក្នុងការកាត់បន្ថយភាពខ្វះខាតបន្តួច ដោះទាល់បានមួយគ្រាផងដែរ ។ តាកែវ
