កំពង់ឆ្នាំង៖ ប្រធានបទថ្មីរបស់ពិភពលោកគឺ“ គ្មានការរើសអ៊ើង គ្មានការចម្លងថ្មី និងគ្មានការស្លាប់” ត្រូវបានលើកឡើងក្នុងពិធីប្រារព្វទិវាពិភពលោកប្រយុទ្ឋនិងជម្អឺអេដស៏០១ ធ្នូ ឆ្នាំ២០១៤នៅក្នុងខេត្តកំពង់ឆ្នាំង លោក សៀក គឹម លៀង អភិបាលរងខេត្តបានមានប្រសាសន៏បែបនេះ
ក្នុងឱកាសដែល លោក បានអញ្ជើញ ជាអធិបតីភាព ក្នុងមិទ្ទិញទិវាពិភពលោកប្រយុទ្ឋនិងជម្អឺអេដស៏ ធ្វើឡើងនៅសាលានយោ បាយខេត្ត នៅពីព្រឹកថ្ងៃទី ២៨ខែវិច្ឆិកាឆ្នាំ២០១៤ ក្នុង
ពិធីនេះមានការអញ្ជើញចូលរួមពីលោក អភិបាលរងខេត្ត មន្ត្រីរាជការ កងកម្លាំងប្រដាប់អាវុធ សិក្សានុសិស្ស និងប្រជាពលរដ្ឋសរុបចំនួន ៥.៥២២នាក់ ។
លោក សៀក គឹមលៀង បានមានប្រសាសន៍ទៀតថាៈ ជម្ងឺអេដស៏បានបង្កវិនាសកម្មនិងគ្រោះមហន្តរាយយ៉ាងធំធេងលើអាយុជិវិតមនុស្ស និងសេដ្ឋកិច្ចសង្គមស្ទើរគ្រប់ទីកន្លែង ក្នុងពិភពលោក និងកំពុងតែបង្កើនការរីករាលដាលយ៉ាងខ្លាំងក្លាពីមួយថ្ងៃទៅមួយថ្ងៃ ដោយគ្មានការរើសមុខ ទោះមានឋានៈ តួនាទីពណ៏សម្បុរ ជាតិសាសន៍ ស្រីប្រុស មានឬក្រក៏ដោយ ។ ដូចច្នេះ ដើម្បីឆ្លើយតបទៅនឹងបញ្ហាសក លនេះ យើងទាំងអស់គ្នា ត្រូវតែរួមគំនិតប្តេជ្ញាចិត្ត សន្យាដោះស្រាយនូវបញ្ហាទាំងឡាយដែលបង្កឡើងដោយសារអេដស៏ និងរួមដៃគ្នាចូលរួមទប់ស្កាត់អោយបានការីករាលដាលនៃជម្ងឺអេដស៏ ។
លោកអភិបាលរងខេត្តក៏បានលើកឡើងថាៈ យើងមិនត្រូវរើសអើងមាក់ងាយ ឬទុកអោយនៅឯកោចំពោះអ្នកផ្ទុកមេរោគអេដស៏ឡើយ ត្រូវចាត់ទុកអ្នកផ្ទុកមេរោគអេដស៏ និងជម្ងឺអេដស៏មានសិទ្ឋសេរីភាពធម្មតា និងត្រូវយកចិត្តទុកដាក់គិតគូរថែទាំព្យាបាលពួកគេមានចិត្តស្ងប់ និងមានលំនឹងតស៊ូក្នុងជីវិត ជៀសវាងការចម្លងដល់អ្នកដ៏ទៃ។
លោក លឹម លៀងងួន អនុប្រធានមន្ទីរសុខាភិបាល ទទួលបន្ទុកការងារអេដស៏បានរាយការអោយដឹងថាៈ ក្នុង១០ខែ ឆ្នាំ២០១៤ លេខាធិការដ្ឋានអេដស៏ ខេត្តបានរៀបចំចុះត្រួតពិនិត្យតាមសេវាកំសាន្តប្រ ចាំខែនៅក្នុងខេត្ត របស់ក្រុមកកាងារអំប់រំផ្ទាល់ មិត្តអប់រំមិត្តថ្នាក់ខេត្ត ដោយបានសហការជាមួយអង្គការCWPD ធ្វើសកម្មភាពទូទាំងខេត្ត និងផ្តល់នូវសំភារៈអប់រំ ដូចជាស្រោមអនាម័យ ខិត្តបណ្ន័ ផ្ទាំងរូបភាពនិងសំភារៈផ្សេងៗ ។ ក្រៅពីនោះមានការងារពិនិត្យកាមរោគ ការងារថែរទាំ និងព្យាបាលអ្នកជម្ងឺ អេដស៏តាមផ្ទះ ការងារថែទាំកុមារកំព្រា ការផ្តល់ប្រឹក្សាក្នុងការធ្វើតេសឈាម ការងារថែទាំនិងព្យាបាលបន្តដល់អ្នកជម្ងឺអេដស៏ ការព្យាបាលជម្ងឺឱកាសនិយម និងឱសថប្រឆាំងជម្ងឺអេដស៏ ការបង្ការ និងការចំលង ពី ម្តាយទៅកូនជាដើម ។
ទន្ទឹមនិងការងារខាងលើនេះលេខាធិការដ្ឋានអេដស៏ ខេត្តកំពង់ឆ្នាំង បានសហការល្អជាមួយអង្គការជាដៃគូជាច្រើន នៅក្នុងសកម្មភាពការពារ ការរីករាលដាល និងទប់ស្កាត់ជម្ងឺអេដស៏ ក្នុងនោះមាន អង្គការ WVC , LWD , CPR , CWPD ,CHEC, UNICEF,MAGNA និងAHEAD ។
អង្គមិទ្ទិញក៏បានសំដែងនូវរបាំជូនពរ និងសំដែងរឿងខ្លីស្តីពីការយល់ដឹង និងការអប់រំអំពីអេដស៏ ដល់សមាជិក សមាជិកាក្នុងអង្គមិទ្ទិញទស្សនា និងជាចុងក្រោយក៏បានចែកនូវអំណោយមួយចំនួន ដល់ជនរងគ្រោះ ដោយសារជំងឺអេដស៏ដែលបានអញ្ជើញមកចូលរួមក្នុងកម្មវិធីនេះផងដែរ ៕
