នាវាល្បាត ( RHIBS ) ចំនួន ៦គ្រឿង ដែល១គ្រឿងមានកម្លាំង៣០០សេស និងបន្លាស់ដែលជាអំណោយរបស់ការិយាល័យសហប្រតិបត្តិការយោធានៃស្ថានទូតអាមេរិកប្រចាំនៅកម្ពុជា បានឪ្យទីបញ្ជាការជួរមុខនៃអគ្គលេខាធិការដ្ឋានគណកម្មការជាតិលំហរសមុទ្រ នៅព្រឹកថ្ងៃទី ០១ ធ្នូ ឆ្នាំ២០១៤នៅទីបញ្ជាការជួរមុខនៃអគ្គលេខាធិការដ្ឋានគណកម្មាធិការជាតិសន្តិសុខលំហសមុទ្រក្រោមអធិបតីភាពឯកឧត្តមឧត្តមនារី ទៀ វិញ មេបញ្ជាការកងទ័ពជើងទឹកនិងជាអគ្គលេខាធិការនៃគណកម្មាធិការជាតិលំហរសមុទ្រ ។ ពិធីនេះមានការអញ្ជើញចូលរួមពីលោកវរៈសេនីយឯក គ្រេច ទីពីន អនុព័ន្ធយោធាស្ថានទូតសហរដ្ឋអាមេរិកប្រចាំនៅកម្ពុជា។
ឯកឧត្តមឧត្តមនាវីឯក ទៀ សុខា មេបញ្ជាការរងកងទ័ពជើងទឹក និងជាមេបញ្ជាទីបញ្ជាការជួរមុខនៃអគ្គលេខាធិការដ្ឋានក.ជ.ស.ស មានប្រសាសន៍បញ្ជាក់ថាបច្ចុប្បន្នបញ្ហាសន្តិសុខលំហសមុទ្រនៅតែជាប្រធានបទដ៏ក្តៅគគុកមួយសំរាប់ពិភពលោកទាំងមូលនិងក្នុងតំបន់អាស៊ីអាគ្នេយ៍ទាំងមូលរាល់បញ្ហាដែលកើតមាននៅក្នុងតំបន់មានជាអាទិ ចោរសមុទ្រ ការប្លន់ប្រដាប់អាវុធទៅលើនាវាដឹកជញ្ជូនទំនិញការគំរាមកំហែងនៃអំពើភេរវកម្មតាមសមុទ្រ ការរត់ព
ន្ធ័គ្រឿងញៀននិងអាវុធ ការបំពុលបរិស្ថាន ការនេសាទខុសច្បាប់ រលកយក្សស៊ូណាម៉ីក និងខ្យល់ព្យុះជាដើម។ល។ ដោយឡែកនៅក្នុងដែនសមុទ្រនៃព្រះរាជាណាចក្រកម្ពុជាថ្វីត្បិតតែសភាពការគំរាមកំហែងដូចបានរៀបរាប់ខាងលើមានកំរិតតិចតួចពិតមែនប៉ុន្តែវាក៏និងអាចរីករាលដាលធំឡើងប្រសិនបើយើងមិនបានចាត់វិធានការជាក់លាក់ណាមួយដើម្បីបង្ការនិងទប់ស្កាត់ជាមុនឡើយ។
ឯកឧត្តមឧត្តមនាវី ទៀ វិញ បានមានប្រសាសន៍វាយតម្លៃខ្ពស់និងបានចាត់ទុកថាការប្រគល់អូប័រទាំង0៦គ្រឿង នៅឱកាសនេះគឺពិតជាមានអត្ថន័យនិងមានសារៈសំខាន់ដ៏លើសលប់មិនអាចកាត់ថ្លៃបានពោលគឺមិនគ្រាន់តែបានជួយឧបត្ថមលើវិស័យហ្វឹកហ្វឺនដើម្បីបង្កើនសមត្ថភាពដល់កងយោធពលខេមរៈភូមិន្ទនិងសំរាប់កងទ័ពជើងទឹកបុណ្ណោះទេ តែថែមទាំងបានជួយបំពាក់នូវមធ្យោបាយសំរាប់បំរើការងារក្នុងការពង្រឹងពង្រីកធ្វើអោយកាន់តែប្រសើរឡើងនូវសុវត្ថិភាពនិងសន្តិសុខនាវាចរនៅក្នុងតំបន់ទទួលខុសត្រូវផង។
